السلام
عليكم
الاميره الحبابة
مشكوره
حلو انك فهمتيني
وما زعلتي
تحياااتي لك
ــــ
فيندي
كيفك؟؟؟
انشاء الله كويسه
ودي اسوي ريجيم
بس الدكتوره تقول كلي طبيعي
يعني ما ازيد عن1300 سعره حراري
عشان بعد العيد تشوف ايش يصير
تصدقين اليوم اول ما رحت المركز
جيتي في بالي على طول
الله يكون بعونا
ونوصل للي نبيه
وارق التحيات لك يا غالية
ـــــ
رحيل 11
منوره يا حلوه
ــــ
سديم
ليه يا عمري؟؟
في احد زعلك؟؟؟
:44:
ـــــ
عطر البوادي
بنت الكويت
لكم مني كل الحب والتقدير والاحترام
ـــ
سلامي للجميييييييييييع

ااسلام عليكم با بنات
جعل دوم دربكم خضر

تدرون شلون انا ماني قايله درب خضر نفسكم لي قلتوها ايي علي بالي مرزوق وبراطمه الكحليه واهو يطق رقبه ويقول دربكم خضر واذكر حصه لما تقول غنيمه لحقي علـــــــي ويتغير مزاجي

فراح اقول انا اانا دربي درب المحبه ( علي اغنيه وينك يا درب المحبه وسنتيــــــــــــــــــــــــن ع الدرررررررررررررررب سايـــــــــــــــــــــــــــــر – عادي اليوم انا طربانه حدي وحسافه لو معطيني مكتب بروحي جان الحين قاعده اطق رقبه الله يسامحهم حاطيني بمكيوبيكال ماخذ راحتي ولا اصفق والا اطق اصبع ولا اطق رقب _ تدرون ليش اخترت هالاغنيه ؟؟ لان فعلا صارلي سنتين علي الدرب ساير مثل الاغنيه من تاريخ حملي وانا ازداد متنا وثقلا وانتفاخا ومن يومها ضعت وزني ودربي صارله سنتين يالله نزلت نفس ما كنت ( سنه الحمل والانتفاخ والانفجار- سنه محاوله تخفيف يالله رديت نفس اول ما حملت)
فانا اشوف اني اقول درب المحبه ابركلي
( واي مرات احس اني هذره وايد)

امس دربي درب المحبه وتكلمه للسنتين
فطوري وتوستين محمشتين وجبنه سولفايد وزرقت قفشتين تشريب ( اطالبكم بعد 18 قفشه )
تسحرت كوب شاي توت توت وكليت وبسكوت ( ماتذكركم باغنيتنا واحنا يهال) نخاله بالهيل ( كليجه رجيم) يا زينها حق سده النفس
ورحت افتريت بالسوق ساعتين ( شفتو شلون بريئه حدي افتر للضعف مو التسوق)
انا وزنت طلعت زايده شوي ( شفتي فتونه الحلوه رحت يبت الميزان ودست فوق راسه وخليته يئن من وطأه الثقل علشان ايعرف يتحداني مره ثانيه ايييييييييييي انا حمقيه ترا ومااااخااااااااف وخليته يتعذب مره اشيله واحطه صوب الكبت ومره اشيله واحطه عند المغسله والفه يمين والفه يسار يعني خليته ايعرف شلون يرفع عينه فيني مره ثانيه بعدين رديت خشيته بدرجه امنا امينا يلعق جراحه ويعلن اعتذاره واكتشفت اني بطه ولست دبه)طلعت زايده كيلو ونص عن اقل وزن وصلتله برمضانبس انا مصممه اني اوص التارغيت مالي بالطيب بالغصب انشالله بحيل الله راح اكمل درب المحبه بشهرين هالمره مو سنتين وراح اوصل الوزن اللي ابيه

وجعل دربكم كلككم درب المحبه وياي وانشالله توصلون للوزن اللي تبيونه

بنت الكويت
حبيبتي واله انشالله دوم دربج خضر
يشهد الله يا بنوته اني اتمنالج توصلين الوزن اللي تبينه بسرعه وعلي صحه وعافيه وترا دعيتلج بالجيام قبل امس

الاميره الحبابه
تدرين منو حبابه الكويت؟؟؟ اقولج وماتزعلين اهي مريم الغضبان اللهي حفظها فكل ما اقرا نكج يطري علي برنامج حبابه مالها ولما تقعج وتقول قصه وزوووووووووووووور ابن الزرزور اللي ذبـج بقه وترس سبعـــــــــــــــــــــــــــــــــع جدووووووووور ( عاد اتحداج حتاالمعجم الصحاح ماراح يطلعلج الترجمه مالت هالكلام انه قلجُ جدا جدا)
وانا انشالله اول وحده تشارك بمسابقتج وناويه ازقد بالبنات كلهم ( ازقد كلمه كويتيه ذات اصول مجهوله تعني ان الشخص المزقد سوف يسبق الجميع انه كان شديد السرعه حد الدوسه اي زقَد فلااان تزقيدا اي سبق جميع صبيان الفريج)
" هذول جم جمله ضيفهم حق معلوماتج وان توهقتي باي كلمه خليجيه لاتحاتين اعطيج ترجمتها فري اوف تشارج بس ها علمني حجي سوري حلو تقربيني"

كيكه
تسلمين يا حجيه كيكه ( اسمج بروحه مدح بغيت اكتب شي حلو جان اقول كيكه حلوه وكفايه وابالي ميل فاي ام شكر ناعم وكورن فليكس يممممممممممممممممممم)
والله حتا انا من متابعين ردودج الحلوه الله يخليج حق عيالج امين
واذا انتي تقولين داعيه من جم سنه انج تضعفين وانتي بالحج انا كل يوم ادعي وقت الفطور لان الدعوه مستجابه وبكل صلاه وبالجيام اخصص ركعتين كاملتين بالدعاء للضعف لي وحق رفيجاتي وحق خواتي والناس اللي اعرفه وعلي ما اعدد الا يمكن ادش علي الركعه الثالثه
وناويه اصلي صلاه الحاجه واطلب من الله انه يساعدني اني اضعف ربي اهو اقرب شي حق قلبي واهو عالم بسري ومعاناتي واهو احق احد اطلب منه ومحد بيساعدني الا اهو
ادعي قد ماتقدرين
وعلي فكره انا كنت سامعه ان الوحده لي يت تولد دعوتها مستجابه فكل وحده حامل احننننن علي راسها تدعيلي اضف عشرين كيلو وكل واحد يروح العمره اطلب منه اني اضعف عشرين كيلووحتا انا لما كنت اولد كنت ادعي اني اضعف هالعشرين اللي علي قلبي علي صحه وعلي عافيه نزلت منهم 10 ونازيه انزل غير العشر 15 علشان اوصل وززن خبري فيه من سنه 99 او اقل منه بعد اشنالله وهالمره عندي دافع حلو

حبيبه زوجي
انا ظل وزني ثابت علي 95 فتررررره طويييييييييله وكنت اموته عمري رجيمات وذابحه عمري مساجات واذيه ومايرضا ينزل وهقيت ان طول عمري بظل علي هالوزن من كثر ما كنت يائسه قمت رحت حق طبيب رجيم وهديت الاجتهادات الشخصيه ومشيت مظبوط وزرطت زينكال وكاني رديت نفس وزني قبل لا احمل وانزل بعد
ادري انج عند طبيبه بس انصحج طلبي منها اتغيريلج السستم
او اكلي كل الاكل بس باعتدال مو تخربط لان مرات الجسم يفقد يكون متعود علي قل الاكل وتعب من الحرق وفقد مخزونه من المواد والفيتامينات الضوروريه وماعنده قدره انه يحرق اكثر يبي بانزين اكثر علشان يرتفع مستوا المتابوليزم عندج وعقبها يستعيد المواد اللي ناقصته ويقدر يحرق بكفائه اكثر ( هذا اللي شرحه لي دكتور حتا عقبها عطاني وجبات وانا احب الوجبات وترا قدرت اكسر التسعين الحمدالله)

باجي البنات انشالله تضعفون كلكم علي صحه وعافيه وسلامه وتوصلون الوزن اللي تبيونه باسرع وقت
وانا اضم صوتي للجيه فندي ( ام رايه بيضا اتهبل نفس قلبها) واتمنا ان المسابقه اليايه تكون خاليه من الشحونات

بنات
للاسف











للاسف للاسف :06:












تدرون شنو صار لي








زايدة كيلو

والله ضايق خلقي
وشكلي نفسيتي مفتوحة على الاكل :44::06::o

هلا كلكم خواتي ،،،
الأميرة الحبابة : اذا في مسابقة جديدة لحقينا بها ولا تتباطئين آنه اول المشتركين .

أما عن فطوري فكان ( 1توست نخالة + 1 جبن قليل الدسم + تفاحة )

بين الفطور والسحور ( 2 جزرة كبيرة )

السحور ( برتقالة + 1 توست نخالة + 1 جبن قليل الدسم )