هذا اللون مدري ماحبه نهائي ,,
العنابي .. او هالدرجه بالذات ماحبيتها نهائي على هالبشرات احسها كئيبه كذا ...
ومكياجها يجي صعب جدا ونادرا مايناسب هالبشره ..
على فكره ... الدرجه ذا اذا ماركبت على البشره تعطي الوحده اكبر من عمرها ...




الزيتي حلو على فكره .. ولون غريب على هالبشره
اهم شي لايكون الزيتي الكاكي اللي يكون ساده مو حلو ..
اذا كان جيشي حلو ..
واهم شي انتبهي مضبوط للدرجه المطلوبه ..



الاخضر الفستقي والموف درجات غريبه وتعطي انعاكس حلو مره ..وفخمين ..لو اللون تبع الشنطه كان لحاله صدقوني بيطلع بايخ ..
بس دمج لونين يعطي فخامه




الاصفر لون حلو ويعطي دفى للبشره ...
صحيح مممكن يغمق الوحده شوي خاصه الحنطيات الصفراوات بس مو لون غامق حلو لا بنضاره واشعاع وهذا معنى الدفء للبشره



البيج لون حلو مره على البشره الصفراء ..وفخم ورسمي...



اكيد باللون الاحمر ... البشره الفراء تزهي بس اختاري درجات الاحمر الفاتح الزاهي والخمري والدموي والغزالي كلها مناسبه ...

وبكذا ختمنا البشره الصفراء ...
وباكثر الالوان المثيره للجدل ..واللي مليان السوق منها ...



ماراح ادخل بالعميق في البشره البيضاء لانه تقريبا كل الالوان تناسبها بس تعتمد على وزن الجسم فيها ..
يعني اذا مليانه تبعد عن الفواتح بس تدخلها على لون ثاني دمج كتغيير
واذا نحيفه تبعد عن الغوامق بس تدمجها مع الفواتح كتغيير


اتمنى وفقت في اخراج هالجزئيه بالشكل المطلوب

تحياتي لكم ...

قبل لا ابتدي يابنات الاستايلات الجديده بالشعر ..
والقصات حابه استعرض لكم قصه .. ظهرت لها سنتين .. وبصراحه اعتبرها اقبح وابشع استايل ظهر
وهي قصه (( الايــــمو )) انا مش بصدد طرح تاريخ الايمو .. ومدري ايش لا .. ولا ابي وحده تفتح لي موشح عنها بمعلومات غلط .. ويصير اتجاه الموضوع شي ثاني ..
اتكلم عنها كستايل ...
مو حلوه .. تنتف الشعر وتقصصه .. وغير كذا بصراحه بشعه جدا مع احترامي للي سوها وقالوا حلوه .. ماشوف فيها اي شي جمالي ومو راقيه
ماشفت اميره من الاميرات ولا جميله من جميلات المجتمع مسويه الايمو ابد ..
مايستفاد من كلامي .. مو اي موضه يابنات نسويها
والله شفت حريم وسيدات راقيات ومسوين الايمو بصراحه منظرهم ماعجبني

ولولا اختلاف الاراء لابارت السلع

ونشوف مع بعض الفرق بين الايمو وغيره من القصات الكلاسيكيك الراقيه ....



هذي هي قصه الايمو ..شايفين كيف شعر باهت وكنه متقطع ومحترق من الاستشوار ...






هذي للشعر القصير لا لون ولا قصه ولا ستايل جد قبيحه ..


هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 640x457 و بحجم 51KB.

قصه من وجهه نظري مافيها اي اتجاه انثوي .. واعيد واكرر هذي وجهه نظري الشخصيه ...
وكل وحده حره باللي تسويه بشعرها .. بس الايمو فوضى مو موضه ..

وفيه ستايل جديد هابين فيه بنات الجامعات والكليات اسمه الكدش النسائي ... مادري صدق وش تحس فيه اللي مسويته بصراحه ... وولاسف مالقيت صوره له .. بس الصراحه خــالي من الانوثه .. سوي كيرلي .. جعدي ..
اما كدش لاعزاء للشباب بصراحه ...


الاحسن والافضل واللي عرضه لنا سنه 2010 هي موضه الاستايلات الراقيه ... صحيح قديمه وبعضها جديد لكن هي الدارجه الان وبقوه ..





انوثه راقيه بصراحه ..



من الصبغات الجديده روعه مره .. بس مين يضبطها


كيووت وانوووثه ودلع بصراحه



هذي مره حبيتها احسها انثويه وشبابيه بصراحه وتلائم كل الاعمار وتعطي عمر اصغر




هذا ستايل برنساس يعني الوحده تقصه وهي مرتاحه يواكب الموضه حتى لو بعد 5 سنوات



هذا الاشقر الغامق اليوم حددت موعد وابي اصبغ نفسه نفسه نفسه ....<< يايولكم تقلدوني لووووووول اذا ضبط جيت وعلمتكم وان ماضبط ماني معلمتكم لاتضحكون علي ههههههههههه





هذا ابسط شكل واسهل شكل يناسب اللي شعرها من قدام خفيف ومن ورا مسويته استشوار ورغوه يبين كثير وهو خفيف وحبيت هاللون لانه مايحتاج كثير عنايه ..




على فكره هابين بالغره كثثثثير كثيير الان بس انا ماحبها عشان الاستشوار ههههههههههههههههههههههه

احلى مافي الاستايلات الجديده انها تضبط باستشوار خفيف وشويه سيراميك وتصير ميه ميه ..
اهم شي لاتنفش مع الرطوبه ....

وطبعا مثل مانشوف عوده للشعر الطويل والمتوسط المايل للطول ...
...


يــــــتبع

عدنــــــا مع استايلات 2010 ونشوف انه اغلبها كلاسيكي والابرز راح استعرضه لكم





لاحظنا هالسنه موضه التجعيد بدرجاته .. سوا كان صغير كيرلي او عريض مثل الويفي ...
انا عني احب التجعيد لانه يعطي ستايل غجري وخارج عن المالوف جربوه احسه حلو وكل وحده تختار التجعيد اللي يناسبها ...




هنا تجعيد كيرلي احب هالنوع من التجعيد .. احسه انثوي كثير .. خاصه للي ماتحب المنفوش شوي يناسبها ذا ..
وفوق هذا اللون اشقر رمادي غامق روووووووووووووووعه بصراحه ..




هنا تجعيد ويفي طبيعي حلو مره ويناسب الشعر الخفيف ولونه ستايل على فكره




هذا اللون دمار شامل بس طريقه الشعر غبيه شوي مع انه التجعيد روعه ...
بقولكم ليه غبيه : لانه الفرق بالنص يعطي قساوه وكبر بالعمر انصحكم تجنبوووه




الغره كانت حاااضره هالسيزون بقوه .. بس ماحبه الغرر القصيره لانها متعبه مع هالحر ...




اللي ماتحب تقضي وقت على شعرها وتبي بنفس الوقت شي انيق وسهل تصبغ وتقص نفس هذي ..

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 590x422 و بحجم 37KB.



روعه اللون بصراحه ولمعته روعه



تدريج الشعر مررره انثوي ويناسب وحده هاديه وماهي مود تجعيد وخرابيط



بنجي لستايل جديد ظهر باول سنه 2010 وهي الشعر الستررررررررررررررريت ....
الحلو بشعر الستريت انه يعطي مظهر كلاسيكي .. او كاجوال او سبورت .... بس عيبه انه ياخذ وقت لين تضبطينه وتعطين شعرك لمعه يعني متعب بس مع ذلك انا عني حبيته مره




ستريت ومدرج احب هالنوع من التساريح ...





شايفين وين الغلط بشعرها جاي على لونين وماهو ستايل بس التسريحه ستايل





الغره والاستريت كانت الابرز هالسنه والاكثر انوثه ودلع ورقي ...



تعليقي الخــــــــــــاص :::

عموما مو مهم شعرك ناعم شعرك وسط شعرك مجعد او خشن .. اهم شي اهتمي فيه والان ماعندنا اعذار ...
بنات عندي ملاحظه صغنووونه بالنسبه للاهتمام بالشعر .. صحيح في خلطات زيوت تجيب فايده .. وخرابيط تجيب فايده بس قليل مره ...
الافضل ادفعي مبلغ زياده شوي واحصلي على افضل علاج لشعرك بدل الحوسه وتقلبون شعوركم مطابخ
يعني هالشركات اللي ببلاين الدولارات فاتحه ليه مثلا ... انا هالشي تعلمته من اختي .. انا طول اليوم احوس بالنت خلطه الزيت الفلاني .. وخربطه الماسك بالبيض العلاني ... وهي مريحه بالها باشياء جاهزه ... والله يابنات شعرها افضل من شعري بكثيييير ومازليت ....
مايستفاد ؟؟؟
بدل لا ادفع 300 مفرقه على خرابيط زيوت وريحه وقلق ..
ادفع 300 على جلسات وماسكات بصالون او مستحضر يفيد شعري
وطبعا حريه شخصيه وكل وحده حره باللي تسويه ..
هذي نصيحتي لكم مع اني كنت من اكبر المتجهين للخلطات ... بس الان رسيت على يمكن خلطتين والباقي كلها فاشله × فاشله .. واللي ناسبني او ناسب غيري مو شرط كلنا يناسبنا >> بعد ماضاعت دراهمي وضاع شعري

ادري مو كلنا عندنا ميزانيات نصرفها على الشغلات هذي لكن جمعي وحطيه مره وحده بدل لاتحطين 50 في اغراض الخلطه والزيوت هذي
و40 على الاعشاب العلانيه
و60 على حمام زيت مدحته فلانه
و30 على الكريم العلاني


وبنات اللي تبي تصبغ تروح صالون وتصبغ وبلاها مغامرات بشعورنا .. نساكافيه وبروكسيد .. وحنا واوكسجين ... اقرب صالون وصوني شعرك وبس .. وكلن بعقله راضي

وتحياتي لكم ...

عدنــــــا مع اجمل استايلات الشعر في 2010 وهالمره مع القصير ...
اول شي حابه اعلمكم شغله عن الشعر القصير ...
حسب راي خبــــــراء التجميل انه الشعر القصير على الوجه اللي يناسبه يصغر من عمر المراه كم سنه ..
وهالشي صحيح بس اهم شي نختار القصه اللي تناسب الوجه ..
ثاني شي اللون المناسب ..
احلى مافي الشعر القصير انه سهل العنايه ومريح وماياخذ منك اي وقت ابد...

ونشوف مع بعض ..






لون احمر نحاسي غامق .. ومثل مانشوف الغالب انه القصه تكون طويله من قدام



بوب كاريه اسمها هالقصه بصراحه راقيه مره وحبيتها بس للاسف حاليا اتجه للشعر الطويل انا وتصلح عالشعر متوسط الطول





لونها خطير وروعه وتناسب الوجه الضعيف





هذي هي فكتوريا ====>> واسم القصه (( بــــــوب كاريه )) وحنا نسميها فكتوريا نسبه لفكتوريا بيكهام .. العضوه السابقه في فريق سبايسي قيرلز الغنائي .. وزوجه لاعب كره القدم الشهير ديفيد بيكهام ...
عرفتوا ليه نسميها فكتوريا القصه ذي ؟؟؟




يهبل لون وقصه وتجعيده مو صعب اننا نحصل على لوكات بالشعر القصير على فكره ..




وهذا ستايل وطريقه ثانيه بالشعر القصير ..




هذا كاريه فرنسي بغره بس محتاج استشوار مضبوط اذا تبينه نفس الاستايل ...



على فكره هذي ترا بوب كاريه بس طريقه تصفيفه الشعر عطتنا ستايل غير شكل ..






وهذي هابين فيها للشعر القصير عني انا ماحبيتها ابد ابد احسها طفوليه وتشابه القصات الفرعونيه القديمه .... وكلها بسبب الغره

يابنات فيه فرق بين
الـــكيرلي ... والويفي .. والريترو ...
فرق واضح جداً .. وللاسف مسماهم واحد عندنا ..
وراح اوريكم وشو الفرق ....




هذي هي الريترو شوفوا الشعر فيها كيف
وكانت مشهوره بالستينيات والسبعينات وعصور قديمه .. لاحظناها في التماشيل اليونانيه والاغريقيه قديما وكانت تعبير ورمز للشخص الاستقراطي ذو المكانه ...
وكانت التسريحه ذي تقريبا حصريه على الطبقه البرجوازيه في الستينات والسبعينات وكانت رمز للانوثه والاغراء والجمال ....







هذا هو الويفي ونشوف الشعر مجعد فيها بطريقه غجريه وكانه ملفوفه بس بدون ترتيب ...
انثويه وحلوه ونفس طريقه الكيرلي اللهم انه اللفه فيها اعرض تجي بينما الكيرلي صغيره ...

هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 558x634 و بحجم 33KB.

هذي هي الكيرلي شوفوا كيف اللفه تبع الشعر مرتبه ومتناسقه ومرتبه



هذا الكيرلي شايفين كيف الخصل تجي ملفوفه ونسحبها شوي لتحت تعطينا هالشكل بالضبط ...
وتنعمل بالفير الصغير او بلفافات الكيرلي الصغيره




وان شاء الله وصلت المعلومه لكم واضحه الان وعرفنا الفرق بينهم
تحياتي لكم