مساعدتكم يابنات حواء

الأسرة والمجتمع

بنات انا عندي مشكلة وابغاكم تساعدوني في حلها
انا يا بنات معلمة وعندي ثلاث اطفال الله يخليهم لي والرابع ان شاء الله في الطريق
انا حامل في الشهر الخامس تقريبا ونفسيتي مرة تعبانه وبالعافية اروح للدوام انا طلبت كم مرة من زوجي انا نسافر انا وهو فقط يومين نغير جو لكن الله يهديه يرفض يقول بعدين وهو اذا عنده شغل طيران له بدون مايناقش مثلا السبوع اللي فات سافر للرياض وطلبته اروح معه وقالي مشغول مو فاضي .......... والحين اطلب منه اني اسافر لاهلي في الشرقيه في اجازة العيد ويقول لا تفكرين انا ما ستغني عنكم ومن هالكلام مع ان العيد هذا راح يجي ناس من قرايبه وقرايبه هذولا اذا جاو ماعاد اشوف خشته الا وقت النوم ...... لانه يسنتر عند اهله وان اقوله مو مشكله احنا بروح نستانس عند اهلي وانت اجلس عند اهلك استانس معهم .... والله يابنات خلاص احس اني بنفجر من الضيقه .... تخيلوا الايام هذي زي منتو عارفين الجو حلو اذا جا العصر اقول طلعنا شوي انا وعيالك نغير جو ونشم شوية هو اء ويقول مو فاضي ويطلع منا من العصر ولا يجي الا اخر الليل وانا قدني واصله حدي من التعب وهو ولا حاس فيني ....
تكفون قولوا لي كيف اقنعه يودينا للشرقيه :(:(
7
750

يلزم عليك تسجيل الدخول أولًا لكتابة تعليق.

تسجيل دخول

زوجه سعد
زوجه سعد
اكثري من الاستغفار بنيه تيسير امرك وتسخير زوجك لك
دعواتك
برووئه
برووئه
زني عليه الزن اقوى من السحر
اجمل لقاء
اجمل لقاء
اطلبيه بالمعروف واذا ما وافق خلي احد من اخوانك او ابوك يجي وياخذك
قولي لهم نفسيتي تعبانه وزهقانه من البيت وهو ولا هامه يروح ويجي
ولا عليه مني وانا زهقت ما عاد اقدر اتحمل اكثر
والله غير ينحرج منك ومنهم اخذ بنت الناس وبس حابسها بالبيت
نسايم الشرق
نسايم الشرق
الله يسخره لك وييسر لك السفر الى اهلك
سكروسط
سكروسط
الله يسخره لك انتي حاولي فيه اعزميه للعشاء انتي وهو بدون الاطفال وكلميه وخلي عيالك من جهه ثانيه يطلبونه ويارب يوافق
عاد بشرينا اذا وافق