يو م ا جا زته ا لبسى ا حلى ما عند ك وتعطرى وقو ليله ا نا بر ضيك يا عيو نى

عشا ن تسا محنى ا لعمر كله 0 صد قينى را ح ينبسط فى ها ليله 00000 )

وا لله يو فقك ا ن شاء ا لله ويسخره لك 0

وان شاء الله بعد ما تتصالحون
حاولي تتحكمين باعصابك
واذا ماتقدرين اطلعي عن المكان اللي انتي فيه
وروحي مثلا دوري بالحوش واذكري الله
وبتلقين نفسك هديت وفكرت بعقلانيه وهدوء
والله لا يريك مكروه

ربي يهديكي و يوفك بينكم

نصيحه اتمنى انك تاخذينها بعين الاعتبار

مهما طلع من زوجك بروود يذبح ولا زعل على شي تافه اهم شي يبقى في غرفتكم ما يطلع

عارفه انك بتقولين هو يذبحني ببروده ويطلع من الغرفه ؟؟؟ طيب سألتي نفسك ليش يطلع ؟؟؟

انا بقولك هو يطلع عشان ما يعصب عليك بالعربي الرجال يهدي نفسه لأنه لو جلس معاكي

بالغرفه بتزيد النقاشات وتصير هوشه لكن يطلع احسن انتي تهدين وتراجعين نفسك وهو كمان

زوجك يسوي عين الصواب لكن انتي الله يهديكي طرتي فيه و اكلتيه قدام اهله .........

احسن شي تراضين زوجك فيه انك تبينين انه اغلى شي عندك ( هو اكيد انه غالي بس بيني

اكثر ) كل ما تأخر قولي لأمه انك خايفه عليه تأخر واتصلي عليه حتى لو انه ما اتأخر

دايم خلي على لسانك( تاج راسي _ انت تآآآآآآآمر _ من عيوني _ الراي رايك .......الخ )

واي كلمه يقولها قدام اهله هي اللي تمشي بالعربي خليه سي سيد عند اهله واي شي مو

عاجبك تفاهمو فيه بغرفتكم اذا زعلتي منه مو مشكله نامي سوي اي شي المهم ما تطلع برا

يعني خليها بالقلب تجرح ولا تطلع برا و تفضح ..........

اتمنى تتقبلي كلامي بصدر رحب

اختي اللي صار صار خلاص مايفيد الندم ويمكن احسن لج لما بينتي لاهل زوجك انك تعرفين انهم يحاولون يغيرونه عليج يعني انه يقول لج لما يحاولون يغيرونه عليج هذا بيخليهم يوقفون عند حدهم بس يمكن يستغلون عصبيتك عليه قدامهم والموقف اللي صار اذا زوجك ما شال من خاطره اللي حصل انتي اللحين لا تخلين اهله يحسون انه بعده زوجك زعلان عليج بالعكس ولا تحسسين زوجك ان اللي صار بعده في خاطرك يعني انتي اعتذرتي وخلاص ليش تردين تقولين له انت زعلان ومادري شو بيقول في نفسه اكيد الموقف يسوى اكثر وكبير وهي نادمه واحرجتني واهلي عندهم حق ومادري شو انتي حاولي تعتذرين منه بس باسلوبك بمعاملتك يعني امسكي اعصابك ومدامكم تفاهمتو على اسلوب جديد في حل خلافاتكم خلاص طبقي على طول ولا تخلينه ابدا يزعل عليج او يطول في زعله عليج اول ما يصير شي بينج وبينه قولي له اذا بغى يطلع برا الغرفه بكل هدوء حبيبي هالاسلوب ماينفع ونحن اتفقنا نغير اسلوب نقاشنا طبعا انتي بعد لا تحرقين اعصابك وتعصبين لا خذي الامور برويه وهدوء وخليه يطلع اذا حسيتي انه احسن يطلع تراه اكيد بيرد في الليل طلعي انتي عادي ولا كن شي بينكم ولا تبينين شي قدام اهله ولما يرجع في الليل احضنيه وقولي كل اللي في خاطرك واتفقي معاه مهما صار بينكم لا ينام واحد وهو زعلان من الثاني
وممكن في هاليومين اللحين يعني تشترين له هديه حلوه او تسوين له ليله رومانسيه وقولي له حبيت اغير شوي من الروتين وابسطك وتدلعي عليه وسوي له حركات وعشا وقعده حلوه تنسيه اللي صار
صدقيني حتى لو كان حاط في خاطره بينسى باسلوبك الجديد واذا حصلت مناسبه وقال لج مثلا انه زعلان من اللي صار قولي له اوكي وانا بعد كنت زعلانه واحنا اتفقنا على الحل انت بارد وانا عصبيه وبنحاول نوصل لحل وسط واذا بتشيل في قلبك انا بعد بشيل وبكذا ماراح نسامح بعض وبنشيل على بعض خلنا نبدا صفحه جديده وباسلوب جديد لا مشاكل ولا عصبيه ولا برود ولا اي حد يتدخل في حياتنا لا اهلي ولا اهلك

هلا حبيبتي....شوفي عندي لك خطتين باذن الله ما يخطون اللي تبغينه أبدا:)



أولا انتي الحين بمرحلة مابعد العاصفة....اي شي تسوينه بيظل ملون بلون الزعل...هذا شي طبيعي
اللي تحتاجينه هو انك تخلي ها الموضوع ينتسى...و صدقيني انتي تشوفينه الحين لكن الأيام راح تذوبة ...و أهل زوجك راح ينشغلون بدنيتهم عن ها السالفة.......

فلا يهمك منهم.... المهم زوجك؟
القضيه مش بس رد اعتبار له قدام اهله.....القضية هي كيف تجعليه راضي عليكي و لا كأن شي حصل؟

أولا ها الايام لمدة شهر شهرين...كل المطلوب منك حسن الصحبة و اخلاص النية في طلب مرضاته...مهما تشوفين حركات يحاول فيها يسترد كرامته.......... كلام..........مواقف بايخه....صبري صبري صبري..و لا تبينين انك زعلانه أو ملاحظة ها الحركات...بالعكس كثر ما تقدرين بينيله ان هو مشالله عليه اسطى في معاملة الستات و حنون و طيب و حبيب و ما عليه كلام....و انه صادق في كلامة.
تراه مو شوية الاهانه علىالرجال...و أكيد هو حافظ لك قدر كبير من الحب خلاه يتجاهل تصرفك و يسعى في طلب المصالحه بنفسه ....فانتي تحملي ها الايام شوي و طولي بالك.

شوي شوي راح يرد لطبيعته و ينشغل هو ايضا بامور اخرى.


ترى الانسان اذا حس بلومك بيزيد....و مع حسن الصحبة كل ها السواليف تذوب و ما يبقى الا المحبه باذن الله...

و اذا عمرت المحبة بينكم .....غصب عليكم راح تبان عند أهله.من نظراتك من احترامك له من كل شي.

فعليكي تمشي بهدوء مع الايام ...و اهم اهم شي تحسنين استغلال المواقف اللي ممكن تكبره عند أهله و تمسح اللي فات....لكن لا تتكلفين شي ماهو وقته .

يعني مثلا حصل ترقية بوظيفته سوي حفلة و حطي كيكه و عليها صورته و سوي كل اللي في بالك....

لكن تسوين ها الأمور بسبب الخصام اللي حصل.....ما أظنها (((في هذا الوقت))) حلوة.... الا اذا انتي تشوفين ان ها الشي أنسب الحلول...لأن أولا و أخيرا انتي الوحيده اللي تقدرين تحددين شنو المناسب تبعا لطبيعة زوجك و أهله و اللي يحبونه....

همسة في اذنك....اذا تبين رضاه خل امه ترضى...جيبيلها هديه مثلا أو على الاقل بوسي راسها و اعتذري لها من قلب اذا انها زعلانه...أو شوفي شنو الشي اللي ممكن يرضيها سويه ،و انشاء الله ربي يصلح القلوب.

أما خواته اذا كانوا هم سبب في المشاكل فالبنات يسكتهم السواليف...... حاولي تشوفين منو فيهم أقرب لنفسك و استغلي المواقف اللي تربطك فيها بانك تسولفين معاها عن اشياء تحبها بطريقه حلوة..





طيب يا حلوة و الخطه الثانية اللى الأولى ما تنفع بلاها......الاستغفااااااااااااااااار لا يطيح من على لسانك....


هدى الله لك زوجك و جمع بينكم بخير يا رب.