صدقوني فرحتوني بردودكم حسيت ان الله عوضني بنعمة الاخوات بكم..لان ماعندي خوات كبار يساعدنني كلهن صغار في الاعدادي وتحت:(... وصدقوني مازعلت من ردودكم بالعكس خليتها بالاعتبار لاني داشه ابى اسمع نصايحكم لي ومب غلط اتصححوا اخطائي بالعكس هذه خدمة طيبة منكن...عسى الله يوفقكم ويصلح بالكم مع ازواجكم ويصلح ذريتكم ان شاء الله

اختي شي موطبيعي... تسلمين والله على الرد..
اتصدقين للحين مافتحت السالفه معاه واعتذرت الا الا مرة وحده لما اتصالحنا...واحسه عادي مطنش ولا كانه صار.. بس اللي اخاف انه بعده شايل بقلبه..وانا اعرف اذا اعتذرت بيقولي خلاص مسامحج.. بس بعد ماضمنه زوجي كتوم:16:


اخت ناتو من جده...
فكرتج حلوه.. بحاول ارد اتعدل اكثر من قبل.. وناويه اشتري اشيا يديده كنوع من التغيير وعشان يحس اني اتغيرت ومشكورة الغاليه


اختي Reemo-only...
والله اني اشرد منه للغرفه الثانيه..بس اذا اتكرر نفس الموقف تلقيني خلاص اغلي غلي...خاصة ان الدورة كانت بتجيني يعني الله لايراويكم اعصابي كيف اتكون..بس بحاول اتجنب وقت الدورة اي مشاكل...وتسلمين الغاليه عالرد


اختي اطيب قلب....
انا اول ماتزوجت كنت اسوي اللي قلتيه بس بعدين حسيت العين علينا وزادت مشاكلنا ووقفت...اتذكر حتى خواته يقولون كلما مانشوفكم نتمنى نتزوج... بس خلاص بحاول ارد امدح واهتم جدام عمتي لانها الاهم وجدام ابوه بعد..اما من ناحية المشاكل بحاول اسيطر اكثر..بس مصيبتي اذا علا صوتي...وهم الله يهديهم كم مرة سمعوا صوتنا نتضارب مايقفلوا بيبانهم بالعكس الكل يسمع شو انقول..وبكل وقاحه يخبروني انهم سمعونا ويقولوا شو اتكلمنا:( يعني عيب مب حلوه يتسمعوا ادري الصوت واصل في الحوش بس يقدرون يقفلوا الباب والدرايش... بس ياليت القى حل للصوت:(... ياناس صدقوني احاول بس اذا انفعلت طبيعبي تلقين صوتي علا..حتى لو نبهوني وحاولت اقصر ماقدر احسها طبيعه في صوتي... ومشكورة الغاليه على النصيحه ..



اخت رعبوب غرشوب...
اللي مريحني ان اهله مثل ماقلتي عرفوا اني فاهمه اللي كانوا يسوونه.. هو صدق مثل ماقلتي ساكت عن السالفه.. واخاف صدق اذا اعتذرت اكثر من مرة تكبر في نفسه.. والتغيير الحمدلله باديين فيه وهو الصراحه ماشاءالله مبين عليه التغيير في اسلوبه معاي.. وتسلمين على النصيحه



اخت هبات مدنيه...
والله اني ادري ان اهانتي له قويه عشان كذا حاسه بغلطتي صح هو غلطان في امور بس انا حسيت ان ردة فعلي زادت هالمره عن حدها...واهله ماهموني مثل ماقلتي مع الايام بيلتهون... بس عمتي الله يهديها اذا اهديتها شي تعرف انحنا طلعنا واتقول لو شليتونا معاكم..كنت ابغي وابغي..واتقلل من قيمة الشي اللي جبته...بس انشالله اصلا ناويه اشتريلها هديه وابدى اسلوب الطناش... اما خواته صدقيني ان اخته الكبيره اعتبرتها مثل اختي خاصه انها كانت معاي بنفس الجامعه وعندنا سوالف مشتركه..وكنت اخبرها بمشاكلي وساعدتها بمشاكلها بس للاسف اكتشفت انها قبل لاتسافر حاشيه راس زوجي علي وخلته ينقلب علي...فالصراحه خلاص فضلت ان علاقتي اتكون سطيحه معاها..وخواتها الصغار مراهقات من سن 14و16 و18 يعني القى سوالف معاهن واحسهن يحبني بس اتعرفين اذا عمتي قلبت علي واختهم الكبيرة اكيد لازم ينقلبن بعد... بس الله المستعان معاهم.... وتسلمين الغاليه


اخت ام حصوصي الحلوة...
والله افكارج حلوة..خاصه حركة اني اطرش عمتي اتييب هديه:)... عجبتني..اخليها تعرف اني اعزه ...تسلمين الغاليه..


اخت Rosee...
صدقيني انا مابغي اضعف.. بس بغيت بعد ماكبر الموضوع عشان اهله ماياخذونه عذر علي ويخربون بيتي اكثر ماخربوه... ابغيه يحس انه ماراح يندم لانه اتمسك فيني وردلي عقب اللي صار... ومنها تحدي لهم وله اني اعترف بغلطي واعتذر واصلح عمري مب مثل طبعهم..اتصدقين مره يغلط على ابوي جدام عمتي وولدها وللحين مب راضيين يعترفون باللي قاله ولا هو اعتذر ولاعمتي راضيه تعترف انها سمعته او اتخليه يعتذر وهذا اللي بعد خلاني اشل بقلبي كثير من مده.. وهو الصراحه مثل ماقلتي كله يتهرب واول مافتح معاه اي مشكله يقلب علي ويطلع عيوبي ويغير السالفه..وهذا اللي كان يعصب بي..بس هو وعدني يغير طبعه وان شاء الله يلتزم بوعده...وصدقيني وايد غير وفي امور كان رافضه رد يوافق عليها..وتسلمين عالرد الغالية


اخت همسات الغسق..
مثل ماقلتي بحاول امسك نفسي واخلي الامر داخل غرفنا قد ما اقدر وعسى الله يهدينا..ان شاء الله وتسلمين الغاليه


اختي ام سمسومه....
.اولا كلامج عسل والله يعني انا داشه اطلب نصيحتكم لاني اشوفكم مثل خواتي والاخت لازم اتشد على اختها مافيها شي...بس من ناحية اهله انا بعدني الا سنه وعشر شهور متزوجه يعني مابان خيري من شري.. اول ماتزوجت ماكملت شهر العسل بروحي مع زوجي بالعكس شجعته يردنا نسكن عندهم مع انه مب مجهز الغرفه (سالفه طويله بروحها) المهم وصبرت ارقد على الارض عادي في غرفته الجديمه الله لايراويكم كيف كانت واغراضي تمت في الشنطه ثلاث شهور بدون كبت ولا حمام خاص لين ضبطنا غرفتنا وانا سكتت وماخبرت اهلي ولا اعترضت..وحاولت اساعد عمتي واطبخ الغداء قد ماقدر واللي اقدر عليه اسويه واساعدهم بدروس عيالهم واقعد اغلب وقتي معاهم واسمع عمتي اتسب بحريم عيالها واسكت..وعقب اشوف السالفه تنقلب علي..اول شي عرفت من حريم العيال وماصدق ...توصدقوني ما اوسوس هم صدق يتكلمون عني لان زوجي بنفسه قال.. وصرت كم مره القط كلمه وانا داخله الصاله..حتى الشغاله يتكلمون عني جدامها واتخبرني مع ان توها مشتغله عندهم قبل لاتزوج بشهرين...وغير هذا مثل مايتكلمون على حريم عيالهم عندي..كيف ماتبوني اصدق انهم مايتكلمون عني وحريم عيالهم احسن عني بالف مره..
بس الدرس اللي اتعلمته مثل ماقلتي ماخبرهم بشي ابد عن مشاكلنا حتى افراحنا... بكتم احسن اللي يصير بيننا(ان شاء الله اقدر) ...ومن ناحية انه يتزوج علي:( اصلا دوم حاطتنها في الحسبان لان زوجي ماشاءالله ملتزم واخاف يسويها.. بس عمي متزوج ثنتين ومطلعات عيونه ومرضوه بالسكر والضغط وبلاوي متلتله..وزوجي يقول مايبى يصيرله مثل عمي:D
وتسلمين الغاليه على النصايح والتهزيئ:)

اختي يتيمة ام.... الا الاعتذار جدامهم مباشره ماقدر...
افضل طرق غير مباشره تعرفين مافيني يكبرون السالفه ويقللون من قيمتي عند زوجي..
وتسلمين على الرد الغاليه

فلانة بنت فلان,,
نصيحه لوجه الله,, قولي لزوجك لاينقل لك كلام خواته عنك..

البنات ماقصرو والله يهدي سركم ويجعل السعادة دوووووووووم بينكم

هلا اختي

هو غلط لكن انتي غلطت بغلط اكبر..........

راضيه بطريقتك مثل ماقالوا البنت

بعد كم اسبوع اعطي امه هديه بس مادون ماتقولينها انها بسبب المشكله...""تهادوا تحابوا"" والهديه تلين القلوب...
اهم شي زوجك يكون راضي عنك لأنو هو بطريقته راح يغير نظرتهم فيك لأنك انتي مهما حكيتي لهم ماراح يصدقونك

وحاولي قدر الإمكان تمسكين نفسك ولا تدخلين اهلك واهله بمشاكلكم