مساعده من معلمات الرياضيات

السلام عليكن ورحمه الله وبركاته


بعد السلام ألايوجد من يساعد هذا الانسان؟؟؟بعد الله .............انا بحاجه الى مساعدتكم

وعليكم السلام ورحمه الله وبركاته..
كان بودي اساعدك لكن انا متعلمه على الطريقه الطوليه..
شفت مقدمه في منتدى ثاني تمهيد لمعنى كثيرات الحدود..اذا ودك به..اجبيه ..

هلا دمعة غلا؟؟
تصدقين داخلة القسم ناوية أقولكم بكرة عندي درس نموذجي بنفس درسك؟؟؟؟
بس للاسف انا بالطريقة الطولية..وكنت ابي افكار للوحات او بطاقات..
ممكن اساعدك بالتمهيد لكيفية الجمع بكيفية ترتيب الغرفة اولا ننظمها ونرتبها واخر شي الكنس وكذا بالجمع أولا نبسط ونرتب وبعدها نجمع أفقيا أوعموديا وتسألين البنات عن شكل صفوفهم بالفصل...اتمنى تلقين من يفيدك وبعد يفيدني:)

الله يجزاكم العافيه\\

الي عندكم حطوة طولي او عرضي احاول اقلب فيه <<<<<<والي يعافيكم بسرعه

اختي قطرة امل طيب وش احط مقدمه للطرح <<<<<<لنفرض شرح الجمع وانا اشرح الطرح
احتاج لمقدمه حلوة له<<<<<وياليت تعطيني التحضير حتى لو بالطولي


اما التطبيق بسويه كلعبه بحاول اشتغل عليه واضبطه

واذا عندك افكار عطيني وان شاء لله اذا لقيت افكار اعطيك متى درسك؟

السلام عليكم..
اولا اسأليهم عن حد السارق وحد القتل عشان يتعرفوا على الموضوع وقولي لهم ان الرياضيات لها علاقة كبيرة ببقية العلوم فنجد ان كلمة حد ذُكرت في القرآن الكريم وبعدين روحي على جزء الهامش من السبورة واكتبي لهم عبارة رياضية مثلا 5 + 3 = 8 وقولي لهم في اللغة العربية نجد انه يوجد جمل مفيدة واسأليهم ماذا نقصد بالجملة المفيدة وبعدين قولي لهم في الرياضيات يوجد عبارات رياضية وتكون مفيدة مثل العبارة التي كتبتها لك سابقا ..
نرجع للاستنتاج التعريف: كذا انت قلتي لهم انها عبارة رياضية ولما اقول وحيدة حد يستنتجوا انها تتكون من حد واحد لما البنات يعرفوا تعريفها لازم تقولي لهم انها لاتحتوي على متغير في المقام وقبل ماتقولي لهم كذا قولي لهم مما تتكون المعادلة راح يقولوا لك تتكون من متغيرات اومجاهيل ومعاليم ثم اكتبي لهم وحيدة حد مثل 5 / 3 س ركزي لهم على الكسر واسأليهم مما يتألف الكسر ؟
اسأليهم ماذا الاحظ على المقام ( نلاحظ على المقام انه معلوم يعني عدد )
هل يحتوي على متغير ؟ طبعا لا اذا وحيدة الحد هي عبارة رياضية تتكون من حد واحد لاتتحتوي على متغير في المقام ولازم تركزي لهم انها اذا احتوت على متغير في المقام في هذه الحالة نسميها عبارة كسرية وسوف تُدرس في الصف الثالث المتوسط
وبعدين ادخلي على بقية الشرح واذا فيه اي استفسار ردي علي لاني اخاف اكتب اشياء وانت ماتبغينهاوالدرس هذا رائع جدا وراح تستمتعي في إعطائة للطالبات والله يوفقك ان شاء الله
اتمنى انك تستفيدين منه ..وسامحيني اذا قصرت معك لان عندي درس متوازي الاضلاع..الاثنين الجاي وابحث عنه ..