يوميات مسافرة <<<<< دوناتهـ
مازالت اجندت سفري تحتوي الكثير من المواقف والظروف المختلفة خلال السفر,,,,
واليوم سأسرد لكم يومية من يومياتي داخل الطائرة ,,,
كنا مسافرين على متن الخطوط الالمانية ,,اللوفثانزا....
,,,كنت انا وزوجي وعدد 3 من اطفالي حاجزين على البزنس كلاس,,,وكان خط سير الرحلة
الدمام>>>> الكويت>>>>>> فرانكفورت
وكانت محطة الكويت مجرد نزول في المطار وركوب المسافرين من الكويت ...يعني كنا بنمر عليهم وناخذهم معانا في طريقنا لفرانكفورت:hahaha:
طيب اول ماركبنا من الدمام اخذنا مكانا على المقاعد المخصصة لنا ,,, وكان فية عدد معقول من المقاعد فارغة لركاب الكويت
طيب بما اني انا وزوجي وعيالي 5 وكان صف المقاعد يحتوي 6 مقاعد 2 في النص و2 على كل جانب ,,,
جلسنا في مقاعدنا وبقى مقعد شاغر ,,,
لما وصلنا للكويت وبداء الركاب بالركوب للطائرة واخذ اماكنهم استعدادا للانطلاق ,,,,
صادف ان المقعد اللي بجمب بنتي لشخص اجنبي,,,:mex:
طبعا هو اول ماشافنا بان الاستياء على وجهه ,,, وبداء يتذمر بقولة ,,,انا حاجز بزنس كلاس علشان ارتاح ماهو علشان اجلس وسط الاطفال,,,
وحاول في المضيفين انهم يغيروا مكان جلوسة علشان يبعدعن الازعاج ,,,
طيب انا الى الان وعيالي مابدر منا اي ازعاج ولا امداه شاف خيرنا او شرنا
لية بادي علينا الهجوم ,,,مادري:06:
المهم رتبوا له المضيفات ,,,مكان جلوس يبعد عنا مقعدين الى الخلف ,,,
لانه مستحيل ان المضيفات يجبرون كل الركاب على تغيير مقاعدهم علشان عيون هالاجنبي,,,
طيب اقلعت الطائرة بحفظ الله ورعايتة ,,, وكان الوضع جدا هادي في الطائرة لان اغلب الركاب نايمين ,,, واولهم عيالي ,,, :04:
وعسى ما ادور براسي للخلف وتطيح عيني بعينة الا المح هذيك التكشيرة اللي تقطع الرزق ,,,اعوذ بالله
المهم ,,,جاء وقت الوجبة وبدت الحركة على متن الطائرة واغلب اللي نايمين صحصحوا علشانهم جوعانين ,,,:cook:
المضحك في الموضوع ان المضيفات لما جابوا الوجبة لي انا وزوجي اخذنا الوجبات وانا بطبعي اذا كانوا عيالي نايمين استمتع بوجبتي و بعدين لما اخلص اصحيهم واطلب وجباتهم واكون مشرفة على اكلهم ,,, وبكذا احاول احافظ على هدوئنا
اللي صار ان المضيفات لما جابوا وجبة الاجنبي كان نايم وصحوه من النوم واعطوه الوجبة وطلب المشروب ,,,رد واين
علشان يعدل مزاجة ....:f226:
جابوا له مشروبة الاحمر ,,,لكن المفارقة المضحة انوا لما حاول يعدل وضعية جلوسة هووووووووووووووووب طار الكاس وانكب الرد وااااااااين على ملابسة وعلى ارضية الطائرة ,,,,:hahaha:
واتبهدل بهدلة مهب طبيعية ,,, واذا هو مكشر من البداية ,,الان قفلت التكشيرة مضبووووط ,,,
انحرج احراج مهب طبيعي وبداء يشتكي ويتذمر وحاول يكسب النقطة لصالحة بانه ماهو مرتاح وطلب انه يتكلم مع كبير المضيفين ,,, وقال له انا كيف انزل للمطار وانا مبهدل بالشكل هذا وملابسي مبقعة بالاحمر ,,,
لازم يكون لي تعويض ويكون فية حل لمثل هالموقف انكم تغسلون ملابسي
طبعا لاحياة لمن تنادي ,,,
يعني ايش يغسلوا له ملابسة ,,, يفتحوله لوندري على متن الطائرة علشانة يغسلوا ملابس سي السيد
المهم ... انا استمتعت بالوجبة ,,,, ولما خلصت ادرت راسي للخلف وتطيح عيني بعينة ,,,والمح نظرة الانكسار بعيونة لانه كان متوقع انه على حق وانو العرب مع اطفالهم هم من يسبب الازعاج والفوضى على متن الطائرة ,,,
عدت الرحلة على خير ,,, ونكاية به خليت عيالي ياخذوا راحتهم على متن الطائرة ,,طبعا في حدود الادب ,,,,بس علشان ارفع ضغطة شويتين :S_45:
وبسبب هالموقف ,,انا كسبت المضيفات لصالحي ,,,وكل شوية يعتذرون لي ويسالوني اذا ودي شيئ انا وعيالي
وكل ما اتذكر هالسالفة هات ياضحك من قلب ,,,,يعني اذا انت دافع تذكرة علشان ترتاح حنا بعد دافعين قيمة التذكرة علشان نرتاح ,,,
واذا هو مايبي احد يضايقة ...يمدحون قسم العفش يروح يجلس فية ويستمتع بالرد وااااين هناك....:024:
الزبدة من هالكلام اللي كتبتة ,,,ان الطائرة تحتوي على ناس من العالم كلة على اختلاف اجناسهم وتفكيرهم ,,,, فاذا انا اخترت احسن الخطوط وجلست في افضل الاماكن على متن الطائرة ,,, لازم احط في اعتباري ان الناس ماهم سواسية في تعاملهم مع الاخرين ,,, وتبقى الاخلاق والاداب العامة و الابتسامة هي سيدة الموقف في مثل هالظروف ,,,
.
.
.
دمتم كما تحبون
:)
دوناتة
•
ماشاء الله يادوناته رائعه كما تعودنا عليك .. معلومات مهمه تسلمين والله يصلح اطفالنا جميعا
الله يسعدك يا دوناته والله اني استفدت من الموضوع وبصراحه روعه قليله فيه ويستاهل التميز ياقمررر
الصفحة الأخيرة
واذا على دزني ,,,اذا كان عندك اطفال لاتفوتين الرحلة لدزني وان شاء الله تنبسطوون:32: