مسافرين الشام احتاج مساعدتكم ؟؟

اهلا وسهلا فيك اختي الكريمة
ممكن تدخلي على هالرابط
واية استفسار اتفضلي http://forum.hawaaworld.com/showthread.php?t=170707

حلوه بس عااديه

يعني طبيعه وجو

لكن سكن وسوق انسي

عتدهم الجزم حلوه بس مو عمليه

وقمصان النوم

والقطنيات

لكن ملابس انسي

هلا وغلا يا اختي الحبوبه ...tiaa

ما قصرتي يا عمري ,, استفدت واااايد من الرابط مشكوووووره يالغاليه ..

وبما انك سوريه ودي اسألك اسئله ثانيه لو سمحتي لي ؟؟

1 - ان شاء الله انا رايحه آخر شهر 6 ال اول 7 .. اشلون الجو في هالوقت ؟؟

2 - السكن بيكون في منطقه (( يبرود )) اشرايك فيها ؟؟ وهل هي بعيده عن دمشق

وعن الاسواق ؟؟

3 - ما هو قوه الفولت الكهربائي لتشغيل الاجهزه الكهربائيه ؟؟

4 - بالنسبه للاماكن الطبيعيه وين احسن شي تنصحين فيه .. انا بصراحه مو شرط

عندي الاسواق بالسفر اهم شي الجو البارد علشان ارتاح شويه من الحر اللاهوب

بالكويت !!!! وبعد الطبيعه مهم جدا اشوف الخضره .. وعالماشي اكيد لازم امر على

الاسواق وانا احب الاسواق القديمه وين الاقيها ؟؟

وتسلمين لي يا رب ويسلمون اهل الشام ...

هلا فيك يلا اختي العزيزه .. roma 88

مشكوره على تواصلك .. وانا فعلا رايحه هناك علشان الجو والطبيعه

يمكن هي اشياء عاديه عندك .... بس بالنسبه لي مهمه !! ما عندنا بالكويت طبيعه

الا في الربيع تشوفين الخضره والزهور كل مكان .. والجو بالصيف حااار واايد

احنا تعودنا طبعا وكل مكان بالكويت مكيف والسيارات كلها مكيفه ما تحسين بالحر

بالداخل .. بس اذا تمشين تحسين بالحر ..

بس بالنسبه للسكن شنو قصدك يا ريت توضحين لي ؟؟

الاسواق اعتقد الملابس الصناعه السوريه مثلما اشوفها باسواق الكويت .. عمليه

ورخيصه من ناحيه لبس اليهال .. اقصد ملابس البيت و البيجامات .. وما ادري عن

اسعارها هناك ,, اما الشنط والاحذيه مثل ما قلتي ما افكر اشتري منها ..

اختي العزيزه .. ريما التغلبيه

مشكوووره يالغاليه على تواصلك ,,

لكن احبطتيني بكلامك !! معقوله اللي قلتيه ؟؟؟ من ناحيه الناس قالوا لي ان الحال

تغير الحين واهم شي هناك انهم مهتمين بالسياحه .. واعتقد كل مكان تلقين فيه

ناس زينين وناس بالعكس يعني مو بس سوريا ؟؟

والسوق مو مهم عندي يعني اهم شي الراحه وتغيير الجو ..

وتسلمين ..