وشلونكن وش اخباركن عساكن طيبات وبخير
انا ياربي لك الحمد بخير ومستانسه .....
احم انا دايم اقول صدقو سليم وكريم يوم قالو ان
الرياض محد يعرف به احد وفعلا انا كنت احسب
تسذا وعايشتن به كني مسافره ياكافي محد
يجيني ولا احد يزورن غير اهل رجلي الله يطول بعمروه بطاعتوه ورضاه وكل ما اطلع
واشوف باب جيرانا اليمين والمقابلين لنا ينجرح
قلبي وودي اني اجيهم ويجوني واقول ماش هذولا
مايحبون احد يسير عليهم ولا يسيرون على احد
واكش عليهم وامشي الله لايعاقبن لي 5 شهور
ولا احد طق بابي المهم الين جا يوم السعد والهنا
حل اليوم عندنا :icon28:احم اقصد الين جا الموعد المنتظر
وكنت نازله لرجلي الله يصلحوه يعني كان تحت كان رايح
يحلق وجا ودق علي قال انزلي < ادق التفاصيل
احم المهم وانا طالعه من شقيقتي ومتجهه للاسنسيل < يمديكن على الدلع
المهموانا اشوف الا ينفتح واشوف يد تطلع اغراض قلت
لاحول ولاقوة الا بالله اكيد رجال
وانا اتستر وادعس يديني داخل عباتي :biggrin: يالله الستيره المهم يوم شفت
الا حرمه حرمه ايه نعم حرمه طار عقلي واخيرا
شفت وحده من جاراتي
وهي تسلم سلمت انا
وسألتن اي انتي اي شقه قلتله 19 قالت انا 20
سلمنا وكذا وقالت واخيرا شفناتس وكذا وقالت انا
وشقه 21 تزاورنا وكان ودنا نرسلك صحن حلى
ونعزمك بس تقول ماعرفنا لارقمك ولا شي < لولا
الحيا كان قلتله ياكافي ماتشوفون الجرس والباب
هذا كبروه
بس قلت يله اوفر لين امون وتسلم وكذا وتقول عطيني رقم جوالك قلتله والله ماني حافضتوه
انتي عطيني قالت يعني انا الي حافظه هههه
وقهقهنا قهقهة تسليك وطلعت جواله واعطتن
رقمه قلت طيب يله سلام منزعج عقلي ابروح اعلم
رجلي الله يهديه ويسخروه لي باللي صار قالت طيب تعالي دقي علي
عشان يطلع رقمك قلت ايه طيب وانا ادق عليه
ويطلع رقمي عنده وتقولي اسمه واقوله اسمي وقالت ان شاء الله نشوفتس قريب
واروح طيران واعلم رجلي الله يخليه لي وانا مستانسه عاد الحين
ماعندي احد قلت اعلمكن بالسالفه وبس احم
مع السلاآآآآآآآآآمه
