مستجداتي مع زوووووووجي

السلام عليكم ورحمة الله وبركاته وشلونكم بنات طيبين أن شاء الله أول شيء بالنسبة للموضوع الي فات و المشاكل الي صارت فيه والأخت الذكية إلي كشفتني وتقول كذابه أسأل الله أن يذوقك ربع ماذقت عشان تعرفين الي أنا فيه وجربته وإلي احسه والي تقول إني كبر أمه مثال ماجرحتيني أسأل الله أن يجرحك أمام من هو شامت بك


موضوعي يابنات هو الله يعافيكم لي أسبوعين وأنا وزوجي على صامت ماحد يكلم أحد لين الويكند الي فات مسكني وقالي أسمع انا مابي اضرك ولا أبيك تضريني ولا يتضرورن العيال أنا أبي الوضع ينتهي قلت له وش تبي الي تبيه قله قالي يانستمر حبايب وأنتي تعرفين غلاك ومكانتك عندي يا نتفارق وتصيرين مثل خواتي شعر وجهي قلت له والله إلي تبي سوه مهي فارقهه معي قال أنا مابي انرفزك وترفزين ونقلب هواش نبي حل إنتي بتستحمليني وتستحملين ظروفي كان أبيه مانتي مستحمله الطلاق أرحم لك من العذاب الي بتعشينه وبعيشه معك قلت إذا تشوف العيشه معي عذاب وش جابرك تعيش معي قالي أنا مقدر شعورك وشعور المرأة الي يتزوج عليها زوجها لكن برضو الزوج كذلك له شعور والحين اختاري وفكري وقرري والي تبينه وفيه مصلحتك ومصلحة عييالك اتخذيه وأنا معك قبل اخذك ويوم خذيتك وبعد ماخذك ووعدنا الاسبوع الجاي فكري وقرري على راحتك والعيال الأسبوع هذا معي في البر بنرجع الإسبوع الجاي




يا بنات راسي بينفجر من التفكير تعبت والله تعبت مدري أعيش معه واصبر ولا اتطلق منه واموت قهر والله أحبه حب فظيععع لي ثلاثه أيام كل مافكرت بطلاق أرجع اشم ملابسه وانهار من البكي محتاره محتاجتكم امانه شورو علي ما ابغى تجريح الي عندها كلمه زينه تقولها والي ماعندها ياليت تكرمنا بسكوتها