مستشفى قوى الامن من جربته ولاده

أي مدينه انتي تقصدين ؟
اذا كان الخبر صراحه عنايه ويمدحونه انا ماقد جربت الولاده فيه بس اراجع عندهم

اذا تقصدين اللي بالرياض انحاااااااااااااشي زفت بكل معنى الكلمه ماقول غير حسبي الله ونعم الوكيل
تعبت من كثر مااحكي عن تجربتي فيه
اذا تحبين نفسك لاتروحين له ابد لا اهتمام ولا عنايه وخياطه مثل الزفت لي اكثر من سنه اعاني الى الان

اي انا اقصد اللي ب الريااض ي ربي تستر

ياليت البنات اللي والدات قريب يفيدونا
انا ولدت فيه قبل 7 سنين وكان رووووعه نظافه واهتمام ..والممرضات عسسل والخياطه كويسه
بس الحين مدري عنهم ..ودي اعرف لاني بولد عندهم ان شاء الله

حماتي ولدت فيه قبل 5 شهور تقريباا وكان النونو بالعرض وقالو مو مستعجلين عليك بنحاول طبيعي واعطوها ابره الظهر من دون ماتطلب وحاولو انها تولد طبيعي بس النونو تعب واضطروا يعملون لها قيصريه ومرره تمدح الولاده عندهم والعنايه وكانت بغرفه خاصه واول ماتطلبهم يجونها ممرضتين يساعدونها بالمشي والحركه وانا زرتها بالمستشفى مرره نضيف مو زي قبل سنه كان اهمااال مرره كنت مرافقه مع عمتي

وانا الحمد لله حامل اللحين واتابع معهم وان شاء الله اذا ربي تمم لي بخير بولد عندهم