مشكورين خواتي

انزين بالنسبه لمستشفى الزهراء كيف معاملتهم ؟ و اي دكتوره زينه عندهم؟ و كم ياخذون على الولاده؟

إختى عروس الشرق .. ليش غيرتي مستشفى دبي ثم مستشفى الوصل ؟؟
أنا ناوية أولد في دبي ... أب أعرف الأسباب ... لو سمحت ..

أنا الصراحة رحت لهم أودي ولدي اللي عمره أقل من شهر لطبيب الأطفال..يوم دخلت شفت الدكتور قاعد مع ثلاث طالبات متدربات عاد سووا هجوم على ولدي ..حشا حقل تجارب ..الدكتور تم يسأل وايد بس ما حسيته فاهم شى و من هذاك اليوم كرهت هالمستشفى..

أدري ما أستفدتي بس بغيت أقول عن اللي أستوى:26: :17:

الله يسهل عليج..

اختي هواجس انا كنت اراجع في مستشفى دبي بس حسيت ان معاملتهم مب زينه علشان جذي حولت الوصل و لحد الحين راجعت عندهم مراجعه وحده بس و الثانيه بعد اسبوعين ان شاء الله بس احس احسن من دبي

و فتحت لي ملف في مستشفى كليه الخليج لانه قريب من بيتنا يعني خمس دقايق بس و انا مجربه علاجهم و احسه انه اوكي حتى دكتوره النساء و الولاده احسها زينه بس ما سمعت عن حد والد عندهم


باقي البنات
الف شكر لكم و يعطيكم الف عافيه

أنا رحت لمستشفى دبي ... طواري بسبب آلام الغازات كأنها ولاده .. المهم في دكتوره مووووول ما إرتحت لها أنا كنت تعبانه و تقولي دلوعه و شو راح تسوين في الولاده .. ما نباج تولدين عندنا إذا هالدلع فيج :mad:

و من هذاك اليوم و انا أخاف تكون الدكتوره اللي تولدني :( :(

الله يستر ..

و مشكوره على الرد :26: