اختي عروس دبي ... مستشفى الزهراء ياخذون في الولاده يوم واحد بس 3500
اما يومين على ا اظن 5500 واذا عمليه 10000

السلام عليكم ورحمه الله وبركاته
أنا من عيمان لا تخافون بالنسبه لمستشفى الخليج انا ان شاء الله بفتح ملف عندهم يوم بكمل الشهر السادس بصراحه أنا ما جربت بس وحده من أهلي والده عندهم وتمدح فيه وتقول الخياطه بعد ثلاث أيام طاحت واهم شي معاملتهم ممتازه واذا كنتي تعبانه وااايد يعطونج ابره في المغذي واايد تساعد وتريح
أما بالنسبه لمستشفى الوصل عاد انا كنت دلوعه قلت ما بولد الا في دبي هاذا البجر عاد لازم في دبي الله يسامحهم والله لعوزوني بغيت اموت
انزين خلوني أكمل وبعد سنتين ولدت في مستشفى خليفه بعيمان الحمد لله مش بطال لكن ألحين الكل يشرد من عندهم بسبب دكتوره سودانيه
وأنا ألحين قررت ان شاء الله هاذي الولاده الثالثه بمستشفى الخليج الله يسهل علينا

اختي ماسة الامارات مشكوره على ردج
بس عندي سؤال
الخياطه عندهم كيف؟ عاديه ولا تجميليه؟ و هل صحيح يخلون الطلبه يدخلون؟

اختي هواجس
انا هذا الي خلاني اشرد من مستشفى دبي،، لحقي على عمرج و بدلي المستشفى قبل ما تتوهقين

هلا فيج اختي عروس الشرق ان شاء الله بسأل وأرد عليج

بنات ترا كله المستشفيات ينوجد فيها الطلبه وخاصه الحكوميه ... وخاصه في مستشفى الوصل والله كانت الدكتوره في ولادتي السابقه بتنزل لي الماي وتقول حق الطالبات تعالو شوفو تخيلو الوقاحه اللي فيهم ... جان اقوللها نعم ؟؟؟اسفه انا ما ارضى .. صدق فرت من اسلوبها ليش نحن فرجه كفايه انه النيرسات والدكتوره تشوفنا بعد الغير ايي ويطمش ؟؟ هذا حرام حتى الشرع ما يقبله ...