http://forum.hawaaworld.com/showthread.php?p=53131038&posted=1#post53131038
ونزلته الان بترتيب وتسلسل حتى الكل يستفيــــــــد منه ...لانه استفسارات البنات ماشاءالله تضيع الصفحات ..
وراح انزل في هذا الموضوع بس الشغلات الجديــــده والهبات الجديده وطبعا كــــــــلها بتعليقات ونصايح
مـــــني ...
فــــــــــــــرجاء خاص جدا يابنات لاتحطون هنا استفسارات شخصــــــيه ابـــــــداً ... بخلي هالصفحات فقط
للجديد .. والهبـــــــات الجديده ....والاخطاء اللي
عاده نقع فيها ونعرف ليه ناسبت غيرنا وماناسبتنا
والاستفسارات حطوها بالموضوع القديم وراح اجــــــاوب عليه ان شاء اللــــــــــــه ....
ترا عندي هبات واشياء جديده .... وشئ ماشفتوه بعد ...
صفحــــــــــاتي هذي اعتبروها مو بس اطلاع للجـــــــــديد بالعكــــــــــس اعتبروها مفـــــاتيح للاناقه
ودليل تبتدين منـــــــــه باقي القطـــــــار مافات نهائيا .. ... ونشوف مع بعض
بس اللـــــــــي تبي انزل لها هـــــــــبه جديــــــده ... تقولي عنها بهالموضوع ..وراح أرد عليها ...
(( أشكــــــــــــــال الاجـــــــسام ))
كيف اشكال الاجسام .. يعني كل وحده مننا لها جسم يختلف اختلاف كلي عن الثانيه ...
وحسب راي خبراء التجميل قسموها الى 5 أجسام بشكل رئيسي ..
ونشوف مع بعض كل جسم .. مميزاته ..عيوبه .. وش اللي يناسبه .. وش اللي لازم نبتعد عنه ...
Petite (الصغير)
يكون الجسم مرره كيوت وصغير ونحيف الااكتاف شوي عريضه ورجول قصيره لكن فيه شوية خصر يعني مخصر الجسم وبصفه عامه صاحبات هالجسم يكونون قصيرات ونحيلات ...
Your Goals ( اهدافك )
لاازم تركزين على الجسم كامل وتحاولين تطولين حالك وتبرزين الشي الحلو..
( ارشادات الجزء الي فوق ) Petite Girls’ Guide to the Top Bits
الجزء اللي من الراس الى السره...
* لبس لون واحد من فوق لتحت يعطي الجسم تناسق ويطول
* التوبات القصيره والجكيتات البليروواي شي قصير من فوق يعني تحت الصدر على طول ييبين الجسم ويعطيه تناسق
* الشيفونات والحرايرتبين الانحنائات اللي في الجسم والتخصير ويخليها اكثر تخصير
* الي جسمها بتيت تركز على الفساتين اللي فيها شيفون
واللي من تحت فيها زي الكشكشه او كلفه طالعي الصوره اللي على اليمين لابسه اصفر
( ارشادات الجزء الي تحت ) Petite Girls’ Guide to the Bottom Line
* اذا لبستي فستان طويل او تنوره طويله تراعين انه يكون فيه حركه او قصه او تقليمه بسيطه تبين جسمك راهي مثل مايقولون
* بالنسبه للبناطيل تحاولين تلبسين البناطيل الضيقه او اللي قصتها نحيفه من تحت علشان تعطيك طول
* مهم اذا لبستي البناطيل اللي فيها صفطه من تحت انها ما تكون تحت مررره
لازم تكون فوق الكعب او ارفع شوي علشان تطولك
* لبس الصنادل او الكعب ترا يعطي انوثه ويعطيك طول هذي اكيد مانختلف عليها
* التنانير تكون نص الساق .. تعطيك طول واذا لبستي طويله حاولي تلبسين تحتها كعب مريح خاصه لو كنتي موظفه او طالبه اولا عشان الشكل مايصير غريب وتزحف التنوره
وحاولي تختارين تنانير طويله قصتها ناعمه .. وابعدي عن الاحزمه العريضه والاكسسوارات الكبيره ...
حاولي تتابعين شهيرات الفاشن واللي نفس جسمك وتاخذين منهم اللي يبرزك ..طبعا شي كلاسيك وناعم مو دفاشه وعفاشه
رزان مغربي .. بريتني سبيرز ..ريهانا ..
****************************** ************************
Apple(التفاحه)
شكل التفاحه يعرف بالمنحني والعريض ,, وصفاته صدر مليان وعريض ,, والخصر عريض ويصغر وانتي نازله ,, وسيقان نحيفه ,,وكفوف احيانا نحيفه
Your Goals ( اهدافك )
تبرزين يدين نحاف وشكل للخصر. تعملي توازن لهم مع بقيه جسمك التحتاني
( ارشادات الجزء الي فوق ) Apple Girls’ Guide to the Top Bits
* عشان تبرزين الخصر ركزي على التوبات المخصره والاحزمه والجكيتات المخصره
* التوبات الي تنلف من تحت يعنى الي يكون فيها زي القماش من تحت وانتى تلفينها على خصرك
* التوبات الي فيها قصه او كشكشه او موديل عند الاكتاف فكره حلوه تعطي صغر لليدين
* حاولي تلبسين شي يبرز صدرك لانه جزء حلو في ها النوع من الاجسام
( ارشادات الجزء الي تحت ) Apple Girls’ Guide to the Bottom Line
* الفساتين الطويله راح يعمل توزان لجسمك وراح يخبي الاشياء الي ما انتى حابه يبنون ويعطي شكلك انك نحيفه
* التنانير والفساتين القصيره راح تبرز سيقانك الحلوه فحلو انك تركزين عليها
* اذا لبستى تنانير قصيره اختاري الي تلمع او الوانها فاتحه او فاقعه شي زي كذا وابتعدي عن الملابس المخصره كلها يعني التنوره اذا لبستيها البسيها ضيقه وفوقها بلوزه مو ضيقه وتخفي الارداف خاصه لو كانت اردافك مختفيه ..
* حلو انك تكونين ها النوع من الاجسام عشان عندك رجول حلوه ويدين وش حلوها لازم تبرزيها لانها نقطه قوتك
* فابرزيهم بالتنانير والتوبات الي اكمامها 4 \ 3
حاولي تتابعين الشهيرات اللي نفس جسمك .. مثل كيت وينسلت ..
والهام الفضاله .. ورايتشل راي
****************************** *********************
يكون الجسم مستقيم من فوق لتحت مافيه بروز كثير من الصدر او من تحت
Your Goals ( اهدافك )
يكون مخصر فيه انحنائات او تقوس على قد ما تقدرين خبي الاستقامه الي في جسمك وحاولي تخلي فيها شوي تخصير
( ارشادات الجزء الي فوق ) Slim/ Athletic Girls’ Guide to the Top Bits
* من الاشياء المهم لبسها للنوع من هالاجسام هو الجوليهات او البديات اللي مافيها ربطه او شريطه
واللي يكون الفريم حقها مررره صغير Strapless
* برضه لبس الاشياء اللي فيها طباعه او زخرفه بسيطه او متشابكه والوان مختلف كويس للنوع هذاوالمشجر روعه
* اي شي يظبط الجسم مهم الوحده تركز عليه مثل الاحزمه الااشياء المخصره
الربطات الطبعات واشياء زي كذا اللي تبرز الصدر والارداف والخصر
* لبس المجوهرات الغريبه والملفته والساعات وخصوصا اللي
علشان تخلي الواحد يطالع فيها اكثر يعني يركز في الوجه
* علشان الوحده تكون مخصره حلو انها تنتبه على الاحزمه والجكيتات اللي مخصره اللي نازله شوي عن الخصر
* الااشياء اللي موديلاتها بسيطه حلو ان الوحده تلبسها سواء الجزء اللي فوق او اللي تحت
( ارشادات الجزء الي تحت ) Slim/ Athletic Girls’ Guide to the Bottom Line
* اللي يصنع الخصر هي الاحزمه او الاكمام اللي فيها شغل مثل الشك او التطريز او الكشكشه وبرضه التنانير
* الفساتين اللي فيها خط او قصه او شريطه او كلفه او مغاط سوء اللي عند الصدر او الخصر علشان تضم هالمناطق هذي وتعطي الوحده خصر
* البناطيل القطنيه او العاديه او الجينز اللي قصتها نحيفه من تحت تخليك مخصره وتطولك
* انتبهي على الاشياء اللي قصاتها مرتفعه من الخصر او نازله اللي نسميها لو وست
* كمان الفساتين او التنانير اللي فيها ورود بارزه او فيها شغل او حركات بارزه والكلوش والبلايز اللي تجي شيفونات وحركات من الصدر
شهيرات لهم نفس الجسم .. كاميرون دياز ...مادونا..اليزابيث ثيرون ..
****************************** ************************
Hourglass (الساعة الرملية)
يكون الجسم فيه انسياب كلاسيكي يعني حلو مثل للي بالصورهـ يتميز هالجسم صدر عريض مو مره يعني حلو وله نظره وخصر نحيف
Your Goals ( اهدافك )
تبرز الاشياء اللي في جسمها يعني " المقررات " بطريقه ستايل وشيك بطريقه حلوه مو اوفر وتحاول الوحده تخفي الااشياء اللي مو حلوه في جسمها
( ارشادات الجزء الي فوق ) Hourglass Girls’ Guide to the Top Bits
* حلو الوحده تلبس التوبات الضيقه والملفوفه والفساتين المخصره او اللي تبين الخصر
او اي شي مثل الاحزمه وغيرها يعني الوحده مهم انها تركز على الخصر
* الملاابس اللي قماشها خفيف مو شفاف يقلل من حجم الوحده يعني ينحفها فتركز على الاقمشه اللي مو سميكه
* الفساتين او اي قطعه اللي فيها ربطه او خيط او شريطه عند الصدر والبرا البارزه المفروض الوحده تركز عليها
* التوبات او التيشيرتات اللي قصتها على شكل V "سبعه " تعطي شكل للرقبه وتصغر الصدر العريض
لاانه غالبا تكون هالاجسام صدورها عريضه فالوحده تركز على انها تضمها او تلمهااو تربطها باي طريقه حتا لو تجيب حبل
* تبعد عن لبس التيشيرتات المقفله من فوق يعني الي تكون فتحت الرقبه فوووق
* لبس الالوان الموحده يعني لون واحد يخللي الوحده ستايل وتناسق في جسمها
ومع انها تقدر تلبس الاشياء الملونه او المزخرفه بس الافضل انها تركز على الااشياء الهاديه مو اللي اوووفر
* الملاابس اللي اكمامها طويله تكبر يدينها النحيفه والاكمام three quarter يعني لين فوق نصف اليد حلوه للي تبي تنحفهم
( ارشادات الجزء الي تحت ) Hourglass Girls’ Guide to the Bottom Line
* التنانير اللي على شكل اسطوانه او اللي لين الركبه وتكون ستريت يعني قصتها على طول
او اللي خصرها فوووق يعني مرتفع حلو ان الوحده تلبسها وتكون شوي شترتش
* البناطيل الناعمه والجينزات اللي قصتها من تحت نحيفه او وسيعه حلوه ان الوحده تلبساه
* النوع هذا من الاجسام حلو لاانه عنده خصر يقطع القلب فبرزيها بالفساتين والتنانير.
بنلوبي كروز .. سلمى حايك ..
****************************** **********************
(الكمثرة)Pear
من اجمل الاجسام شكل الكمثرى يتميز هالنوع من الاجسام بانه نحيف شوي من فوق ومخصر مع وجود ارداف اللي هي تطلع الخصر
Your Goals ( اهدافك )
الحفاض على جسمك تخلي تركيز العين على المنطقه الي فوق عشان تعملي موازنه للمنطقه الي تحت
( ارشادات الجزء الي فوق ) Pear Girls’ Guide to the Top Bits
* لبس التوبات اللي على شكل سبعه حلو علشان يبرز منطقة الاكتاف والصدر ويعطيها تناسق
* وبرضه حلو لبس التوبات اللي فيها موديل عند فتحة الرقبه او الصدرمثل الاشياء اللي فيها شك او تكسير وغيرها
* حاولي تصغري المنطقه الي تحت بانك تلبسي توب مجنون فكري بالحرير وضيق ويكون فاتح فيه تفاصيل كثيره اوقصات فيها حركه
* راح يكمل الشكل وتخلي تركيز العين على المنطقه الي فوق لما تلبسي الجنز الي تحت من جسمك غوامق
* كثير بنات الي نوعيه جسمهم كذه ودهم يبنون انهم اسمن من فوق
فممكن يلبسون الاشياء الي فيها شكشكه او يركزون على البرا= سوتيان بوش اب
* اللي عندها ارداف حلو انها تركز على خصرها
* تلبس الاشياء المخصره من جاكيتات واحزمه وفساتين علشان يطلع جسمك صح
( ارشادات الجزء الي تحت ) Pear Girls’ Guide to the Bottom Line
* اذا الارداف كبيره مره والوحده ودها تصغرها تلبس التوبات الواسعه اللي تكون نازله على الاارداف
* برضه لبس الاشياء الغامقه من بناطيل وتنانير حلو لتنحيف المنطقه اللي تحت
* اذا الوحده اردافها كبيره بس مو مره وافخاذ وسيقان كبيره حلو لبس اي شي سترتش بسيط
* اللي عندها بطن شوي حلو تلبس ربطه او حزام عند البطن او تحته باصبع او اصبعين علشان يخفي البطن
وعلشان الوحده ما تشغلنا عطوني مخده علشان تحطها على بطنها
* البناطيل اللي فيها خطوط عموديه بالطول تطول الرجول وتنحفها
* لبس التنانير اللي تحت الركبه واللي فيها قصات عشوائيه تعطي نظره للبطات اقصد اللي خلف الساق والكعب
* حلو هالنوع من الااجسام لاان الوحده تقدر تلبس اي نو من التوبات
والانواع الثانيه من الاجسام ما تقدر علشان كذا تلاقين الناس تغار وتحسد هالااجسام
شهيرات لهم نفس الاجسام .. مريام فارس ... بيونسيه .. شكيرا ..تايرا بانكس ..
بعض الاجسام بسيطه وبعضها صعبه او معقده وهذا الموضوع راح يبين لك كذا نوع من اشكال الاجسام ...
واذا حسيتى انهولا نوع من هالاجسام نفس جسمك..
او ما عرفتى تكوينت جسمك ادمجي نوع او نوعين من الاشكال عشان تعرفين الشكل الي يناسب لجسمك واذا انت تعرفين شكل جسمك ما عليك الي تشوفي التوصيات الي تحت كل نوع يخص جسمك
ويالله كل وحده تشوف جسمها وتختار اللي يناسب جسمها ويبرزه وكل جسم له نقطه ضعف ونقطه قوه اكيد
مو كل الاجسام برفكت ترا بس فيه بنات تعرف تلبس اللي يلوق لاجسامها وبس ..
ويآآآآآآآرب تكون هالجزئيه مفيده لكم :26:
وتابعوني بشغله جديده اكيد
وبنات اتفقنا بلـــــيز ماحد يرد هنا نبي الموضوع
...متسلسل ...
كل وحده منا لها لون بشره مميز ومختلف تماما عن وحده ثانيه ..
مثل البصمه ... وطبعا كل وحده لها لون يناسبها اكيد وماراح يناسب غيرها ويبرزها بشكل لافت وانيق ..
وبالجزء هذا راح نتعرف على كل الوان البشرات وش يناسبها وش اللي مايناسبها وتبتعد اكيد عنه ...
وبالجزء هذا راح نتعرف على الاتي ...
درجات الوان البشرات كلها بشكل عام ..
الالوان المناسبه لكل لون بشره في الملابس لكل درجه ...
والالون الغير مناسبه في الملابس واللي لازم تبتعد عنها ..
الوان المكياج اللي تناسب كل بشره ...
وكيفيه تضبيط الاساس لكل درجه ...
حتى لون العدسات المناسب لكل بشره راح اقولكم اياه ..
واكيد راح اعطيكم الاخطاء الشائعه اللي كثير نقع فيها والتصحيح لها في المقابل ..
واللي عندها اي استفسار بخصوص الفقره تحطه ... وراح اجاوب عليه بقدر ما اعرف ...
1- درجات لون البشره بشكل عام
مثل مانشوف تقسيم الوان البشره دايم يكون ..
بيضــــاء..
حنطـــيه مائله للبياض ..
حنطيه مائله للسمار .. او قمحيه مثل ما يقولون ..
وسمراء ...
هذا تقسيم عام ...طبعا لكن فيه تقسيمات ثانيه حسب خبراء الاناقه والتجميل والموضه ولكل وحده شي مختلف وميزه خاصه ...
هنا راح نشوف تقسيم اكثر دقه وشموليه لالوان البشره وتمقلوا فيه زين وكل وحده تحدد الون القريب من بشرتها لاننا راح نعتمد عليه كثير مره ..
سواء في ملابس .. او مكياج .. او حتى الاساس ..
هذا التقسيم لو لاحظنا يشمل الدرجات الحنطيه بالغالب او السمراء ...
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 571x360 و بحجم 23KB.
وهذا تقسيم اخر بعد بالغالب راح نعتمد عليه في تقسيم درجات البشره لاختيار اساس مناسب ...
بتقولون لي كلها الوان بقولكم ايه الوان .. مليان السوق ..
عشان كذا نشوف فلانه تلبس فستان معطيها نضاره وصحه وكان وزنها نزل ..
والثانيه شحوب وكآبه وكنها مريضه واحيان كثير وزنها زايد ..
كل هذي الشغلات خـــــــداع بصري فقط لا اكثر ..
وراح نشوف بالجزء الثاني اكثر ..
بنات جد اعذروني دخولي قليل اصبح لانها الاواخر وعيد وكل عام وانتم بالف خير بس لاني فعلا مضغوطه هالايام ولا الحق يالله يالله احاول اجاوب على استفسارتكم ..
وعندي اشياء كككككثير مره راح تخليكم بقمه الاناقه وتصحيح لاشياء كثير خاطئه وراح اوريكم اشياء حلوه يستخدموها جميلات هوليود وكانت تعتبر من اسرارهم الخاصه ...
وهالجزء بسيط مره مره لانه الجاي ثقيل وبياخذ وقت مني في التظليل والتنزيل وراح انزله باذن الله الليله كامل وهو عباره تقريبا عن 5 اجزاء وافيه شامله ...
يتــــــــبع