مسلسل الرعب- بقية الحلقات

الحلقة الرابعة
حصلت لزوج خالتي يقول: كنت انا وزملائي في العمل اذا خلصنا نجلس في الحديقة التابعة لمكان العمل وكانت على مسافة بعيدة مننا ست مرررررررررررررررررررررررررررررررررة حلوة وتجنن بيضاء وشعرها طويل يعني وحدة مرة قمر وكنا نتأملها وبعدين بتروح وكل يوم على هذا الحال بتقعد في الحديقة و احنا تأملها الين جا يوم وقررت انا واصحابي انه نسألها ايش يجيبها منطقة زي منطقة عملنا كلها رجال يمكن محتاجة للمساعدة او شي فلما قربنا منها كانت المفاجأة

لقيناها انسانة بلا ملامح يعني ما عندها عيون ولا انف ولا اذن ولا فم وقرعاء تماما وصرت انا واصحابي نتراكض من الخوف وبعد داك اليوم اختفت الست تماماو ما صارت تجي


الحلقة الخامسة
حصلت لشاب في بلاد المغرب يحكي ويقول: لما كنت بالجامعة كان معايا صديق جدا وفي ويعزني كتير ومن كتر معزته لي طلب مني اني اتزوج اخته وفعلا تم الزواج وكان زوجتي مثال رائع للزوجة المخلصة والمطيعة بس كنت الاحظ فيها شي غريب اني لما نكون بغرفة النوم واقلها طفي النور بتطفي في اقل من ثانية او بالاصح في غمضة عين صح كنت اطنش الامر بس لما لاحظت كثرته قلت لازم اشوف اش السرعة الرهيبة اللي تخليها تطفي النور حتى بدون ما تقوم من مكانها وقلتلها يا فلانة طفي النور وعملت نفسي اني نايم واشوفها تطووووووووووووووووووووووووووووووووووووووووووول ايدها وتطفي النور انا جسمي اقشعر مررررررررة بس عملت نفسي اني ماني خايف ونمت واليوم التاني رحت عالجامعة وبدور على صديقي اخو زوجتي و ما حصلته قلت يمكن غايب وسألت عنه الطلبة قالوا ما يعرفوه ولا عمرهم شافوه وسألت عن اسمه بالكامل عند كل الاساتذة والدكاترة فاجأنوي وقالولي انه من يوم ما بدأت الدراسة و ما عندنا طالب بهذا الاسم قلت يعني انا الوحيد اللي بشوفه وقابلته بيوم وقلتله على اخته وقالي احنا فعلا من العالم الاخر بس مسلمين و مانؤذي احد وانا اعجبت بشخصيتك وحبيت ازوجك اختي والحمدلله انا عايش مع زوجتي في سعادة وهناء

هذا الشي فعلا يصير مع بعض الاشخاص يعجب بهم بعض الجن ويتخيلولهم فيكونوا هم الوحيدين اللي يشوفوهم وغيرهم ما يشوفهم


الحلقة السادسة

انتبهووووووووووووووووووووووووووووووا من الليموزينات والله ان هذا الشي للحين بنغفل عنه قبل ماتركبي الليموزين او اي سيارة تاكسي سمي بالرحمن لا ما تدري انت بتركبي مع انسان او .... زي مانتو عارفين بس نقول الله يحفظنا من كل مكروه
هم تلات قصص كلها متشابهة تقريبا
الاولى: حصلت في مكة لبنت كانت تبى تركب الليموزين وهي بتتدخل السيارة وقعدت و قالت بسم الله وما كملت جملتها الا وتلاقي نفسها بالقمامة ومرررررررة كانت مصدومة

التانية: حصلت لست كبيرة في المدينة وهذي صديقة خالتي الله يرحمها ركبت الليموزين و قعدت وقالت بسم الله ولقت نفسها طايحة على الارض ومافي اي اثر لليموزين

التالتة: صحبة اختي تحكي: مرة كنت رايحة على بيت وحدة من صحباتي وو قفت ليموزين كان شكله غريب يعني كان لابس غترة بس وجهه ابدا مو واضح يعني كان الغترة مغطية وجهه كأنه ما في وجه المهم وصفت له الطريق و والله من وقت ما خلصت الوصف الاقي نفسي قدام بيت صحبتي يعني في اقل من 5 دقايق والبيت عشان اوصل له لازم اخذ نص ساعة حتى لما جيت اعطي الفلوس حرك يده بالنفي وسار بطريقه من يوم ما ركبت معاه ولا سمعت ولا كلمة ولا نفس منه قلت يمكن حب يعمل خير وما حب يأذيني

الحلقة السابعة
انتبهووووووووووووووووووووووووا يا بنات على نفسكم و يا أمهات على بناتكم انكم تودوهم عالمدرسة وقت الفجر قبل ما يطلع الضوء لان الوقت هذا المدرسة تكون فاضية يعني حتى الفراشات لسة ما بيجوا وتعرفوا ان المدرسة بتنهجر وقت طويل وطبعا بتنسكن فلا تستهونوا وتودوهم بهالوقت مهما كانت الظروف
قصتين وحدة حدثت لبنت عمتي والتانية لصحبة خالتي

بنت عمتي تشتغل مراقبة بمدرسة فمرة راحت عالمدرسة بدري مرة ما كان في احد وطلعت الدور الثاني وهي بتمر ناحية الفصول سمعت اصوات طبل وغنى وهيصة وناس مبسوطة استغربت ان احد بهالوقت يدق ويغني وقالت يمكن هذولا الفراشات والعاملات بس خليني اتأكد ولما راحت عند الفصل اللي بتطلع منه الاصوات فتحت الباب وما لقت ولا احد والفصل فاااااااااااااااااااااااااااااااااااااضي يعني لا طبل ولا مزامير ولا ناس ولاغيره وصارت من غير ما تشوف الطريق تجري على تحت وما طلعت فوق الا لما جوا المعلمات والطالبات والفراشات الحقيقيات

الثانية:
صحبة خالتي فراشة وتحب تروح المدرسة بدري مرة راحت عالمدرسة وطبعا ماكان في احد الا هي وهي قاعدة في الساحة شافت بنت بتدخل المبنى الداخلي اللي فيه الفصول وهي ما شافت البنت من وشها بس من قفاها وصارت تمشي ورا البنت عشان تمنعها من الدخول والبنت ولا كأنوا احد بيكلمها والفراشة بتمشي وراها وتقولها تعالي انت فين رايحة والبنت ولا قلبت وشها لحد ما وصلت لاخر دور والفراشة وراها و ما سابت البنت الا لما سمعت صوت وحدة من المعلمات تقولها اش فيك يا فلانة قالتلها انا بمسك البنت هذي اللي تعبتني وتبغى تدخل قالتلها المدرسة اية بنت انت من اول بتكلمي نفسك ومافي اي احد وفعلا البنت اختفت ولا لها اي اثر حتى راحت تدور عليها في الفصول والغرف ولا حصلتها

الحلقة الثامنة
اياكم وتأذوا الحيوانات او تحاولوا اذيتهم خصوصا البساس والكلاب
عايلة من معارفنا راحو على منطقة استراحات اللي برات جدة وتعرفوا هذي الاستراحات تكون غالبا مسكونة المهم استأجروا استراحة كبيرة وفيها غرف كثير وفي بنتين منهم(هناء وضياء) حبوا يعملوا مغامرة ويتجولو في الاستراحة واثنأ المغامرة مروا جنب غرفة وكانو سامعين من الغرفة صوت اثنين من اخواتهم يتكلموا ويتضحكوا فهناء وضياء حبوا قبل ما يدخلوا عليهم يفجعوهم حبوا قبل الفجعة انه يراقبوهم ويشوفوهم ايش بيعملو والحمدللللللللللللللللللله انه ما استعجلوا وفجعوهم لان لالصوات والضحك كانت طالعة من بستين قاعدين قعدة اوادم وقدامهم سفرة فيها رز ولحم وكل وحدة من اخواتنا في الله تمسك في التانية من الخوف وتحاول تسبقها طبعا حكوا البقية عن قصة البستين وكلهم قاموا عشان يشوفوهم ولما وصلوا على الغرفة تقول رجاء: والله والله والله اننا مل لقينا البستين والسفرة اللي كانوا بياكلوا عليها مربوطة ربط ومرمية عالجنب وما رجعنا تاني مرة للاستراحة (المضحك انه هناء وضياء هما اللي عن جد اكلوا الفجعة)

الحلقة التاسعة
هذي حصلت لبنت خالتي الله يرحمها
طبعا احنا نعرف انه ينبع لها عدة مناطق منها ينبع النخيل وينبع البحر وبعض الناس اللي تروح من طريق ينبع النخيل يقولوا انه مهجور ومسكون
المهم بنت خالتي هذه كانت هي وامها واخوها طالعين من جدة رايحين لينبع وكان عندهم عرس طبعا بما ان العرس كان بينبع النخيل فكان لازم يمروا من الطريق المسكون المهم وهما ماشيين بالسيارة لقوا في الطريق بوسط الظلام الشديد محل استريو المعروف انه محلات الاستريو اللي تكون على طريق السفر ملحقة مع محطة وبقالة ومسجد اما انها تكون لحالها فهذا شيء غريب المهم والله يهديهم ما بعرف اش اللي خلاهم يوقفوا السيارة ويدخلوا محل استريو زي هذا وراحو يسألوا البياع : عندك اخر شريط لاصيل ابو بكر يقولهم لا مافي وهم شايفين الشريط قدامهم وصارو يسألوا عن كم شريط وكل مرة يقولهم لا مافي والمشكلة انه كل الاشرطة اللي سألو عنها قدااااااااااااااااااااام عينهم بس طنشوا وقالو شكله ما يبغى يبيع لنا وخرجوا من المحل وكملوا سفرتهم وهم راجعين على جدة على نفس الطريق مالقوا محل الاستريو حتى سألوا اغلب الناس الاي بيمروا من نفس الطريق وقالولهم انه مافي لا محل استريو ولا غيره


الحلقة العاشرة
هذه جدتي الله يحفظها طلعت مع اولادها عشان تحج وبعد ما خلصوا ضاعت منهم مع الزحمة ومسكينة عشانها ست كبيرة ماهي عارفة فين تروح وصارت تمشي مع ست تانية ضايعة زيها مع غروب الشمس وبعدين شافتهم ست متلثمة وقالتلهم اش فيكم عندكم مشكلة قالولها انه احنا ضعنا عن اهلنا قالتلهم خلاص انا برشدكم بطريقة تلاقو اهاليكم يبس تعالوا معاي وجدتي تقول: انا بس انتبهت انه الست المتلثمة رفعت شوي من غطاها ولقيت شكل الله لا يوريكم اياه لقيت انه الست مالها عيون ولا فم ولا اذن وعندها لحية الرجال تقول انا جسمي كش وحسيت برعب فظيع واحنا ماشيين لقيت سيارة نقل جماعي كانت بتنقل الحجاج وبدون ما تحس الست المتلثمة هربت ورحت دخلت السيارة وحمدت الله انه نجاني منها واست اللي كانت معاي مسكينة اخذتها معاها المهم بعد ما وصلت جدتي بيتها حكت اولادها على اللي صار معاها وتقول انه بعد ثلاث ايام سمعت انه الست اللي كانت ضايعة زيها وكانت مع الست المتلثمة ماتت الله يرحمها


والى اللقاااااااااااااااااااااااااااااااااااااااااااااااااء يا حلوين في سلسلة جديدة وجزء تاني من الرعب