هذه القصه خياليه من بنات افكاري ربي يخليهم لي ويتربوا في عزي ان شاء الله خخخخ
حقيقه المشاركه هذه جاءت نتيجه لأن مشاركتي الأولى كانت بايته نوعا ما :42: .. لكن هذه طااااااااااااااازجه من مخي ما شاء الله الى مائدتكم خخخخخخ لكن قبل ما نبدأ حبيت اقول ان هذه القصه ما تعني اشخاص معينين ابدا و كل الشخصيات خياليه بداخلها وان شاء الله تعجبكم ..
نبدأها بسم الله
مرحبا انا تولين ويدلعوني هيله مدري هبله ؟! ... انا بنوته عمري ..... سنه .... عفوا لقد طلبت الرقم الغير صحيح .. اقصد ان هذا اسرار شخصيه .. هواياتي تسلق الجبال وجمع الطوابع البريديه و السباحه وركوب الخيل وجمع الصور اللي على سنتوب والجلسه لييييييييين صبح عالنت .. ادري اسرفت في هذا الجانب لكن يستاهلون من قالهم ما يوظفونا :angry:؟؟؟؟
المهم قريت يوما ما مع انه مو من هواياتي .. يعني قريت بالغلط لاأحد ينفجع ويقول اني تجننت يوم اني قريت
بس بالغلط ... ان فيه عجوز صينيه .. كان عندها جرتين فخار وحده فوشي وأحمر والثانيه فوشي واحمر برضه خخخخ المهم وحده من الجرات كان راسها مكسور مدري فيه شرخ ما طلع في الأشعه واضح ههه والثانيه سليمه والحمد لله .. المهم ان العجوز يوم كانت تجيب المويه في الجرات من والى الغدير ( سقى الله ايام المسلسلات البدويه ما يحلى اللقاء الا عند الغدير يحبون يوشوفن الحريم يكرفون 
خخخ ) المهم ان الجرة الأصليه مويتها كثييييييييير لأنها ماهي مكسورة والا التقليد ما تجيب الا نصها مويه شغل صيني يعني راح مشوار العجوز بلاش .. الا يوم من الأيام قالت الجرة المكسورة للعجوز سامحيني وانا اختك والله اني فشلتك مليون مرة ماغير امشي وانقط خخخخ قالت لها ولا يهمك انتي فايدتك من نوع ثاني قالت الجرة وشلون ؟ قالت العجوز الطريق اللي امر فيه من ناحيتك كللللللللللللل ابوة ازهار واعشاب .. اما الطريق اللي فيه الجرة السليمه (البخيله ) قاحل ما فيه ولا حبه عشب ... قالت والمعنى ؟؟؟ قالت الشرهه مو عليك على اللي قاعد يسولف مع جني الجرة وتارك شغله ... قالت الجرة عليك الله يازوله تكملي أنا ما ناقصه زعل .. قالت ياذا البلشه .. الطريق اللي من ناحيتك انتي تسقينه بالمويه اللي تنقط كل يوم عليها فالفائده تبين على الزرع اما الجرة الثانيه محد يستفيد منها الا انا .. انبببببببببببسطت الجرة المخرومه وقعدت تغمز للجرة الثانيه عشان تقهرها
خخخخخ .. انتهت القصه ,,الفائده اللي استفدتها ..
1- لاتصدق كل شيء ينقال .... اجل جرة تتكلم ؟
2- الصينيين يحبون يورونا ان منتجاتهم كلها زينه حتى الجرات اللي يسوونها تهذري مع الناس ... على مين هذا اللعب ؟
3- بما ان هذه اول صفحه اقرأها بالغلط في حياتي وكانت بهذا الشكل .. اذا ليش القراءة أصلا ؟؟؟؟؟
على طول شقيت الورقه اللي بيدي ورحت افكر وافكر وافكر ... ليييييييييين وصلت الى فكرة جهنميه ...
قلت لييييييييييييييش ما اكتب قصه من خيالي وتكون تراث للأجيال اللي بعدنا مثل العجوز الصينيه اللي قبل شوي ؟ حكمتها مغبره لكن الأجيال تتوارثها الى الآن ولا أدري وش تستفيد منها ..
بالله عليكم ما حسيتوا بالعجه اللي هبت يوم كنت اقرأ المثل عليكم ؟ وهذا دليل القدم حتى اسمعوا كح كح كح كح يوه بروح اشرب مويه واجيكم ..
حقيقه حسيت ان الحكم اللي في هالوقت ممكن اقتبس من بعضها واخلط من هنا ومن هنا واصلح مكس منها والنتيجه للأجيال النايمه ... عفوا الناجحه !!!
حقيقه المثل اللي ابغى استنتجه لايخلو من امور عديده اولا ..
ما يكون كذب ( مثل الجرة اللي تتكلم ) .. مايكون ممل وطويل .. تدرون الأجيال هذه ما يحبون يطولون في أي شيء عصر السرعه ما تشوفون كلمه لول .. برب ... باك .. يعني لازم يكون قصير .. جبت شويه أمثال وقررت صنع مكسي الخاص واسمعوا هذا المثل وخلوة لأجيالكم القادمه ...
مثلي
هو ..
هو ..
هو ..
اذا كنت في الحديقه وصدت عصفور خذه واتوكل على الله فعصفور في اليد خير من 10 على الشجرة وروح بيتكم وانت داخل للبيت سكر الباب لاجات الريح والباب اللي يجيك منه الريح صكه واستريح لأنه ممكن يدخل عليك الصقر واللي ما يعرف الصقر يشويه واذا تغديت احمد الله فالقناعه كنز لايفنى ..
هاه وش رايكم
؟ بالله مو مثل ممتاز ؟ مكس مميز الحقيقه واستحق على هذا المثل براءه اختراع هاهاهاهاهاها ... رحت عند امي في الحوش ابشرها ..
يمهيمهيمهيمهيمه ... امي وش فيك وجع ؟ انا يمه طلعت لي اختراع جديد .. قالت امي : بالله ؟ لايكون اختراع للأكل ؟ اظنك اخترعتي ملعقه تسرع من الأكل أكثر من 100كيلومتر في الساعه .. انا اخس يافيزياء والله ما انتي بهينه يمه ؟ قالت انا لو اني تعلمت من أول كان ما تزوجت أبوك كان مداني وزيرة الشؤن الإجتماعيه وسفيرة النوايا لاحسنه لعام 1431 نياها نياها نياها هاهاها قلت الله يمه والله انك طموحه .. ياسلام وانا اصير بنت سفيره والوزيرة بنفس الوقت ؟ ياسلام و اكل انام والبس على حسابك !! بس صح من وين بجي وانتي ما بتتزوجين ابوي ؟ ؟؟؟ قالت امي والله لو ادري انه بيجيني وحده مثلك كان دعيت ربي ما اجيب عيال ..
والله اهالي آخر زمن ؟!! اذا ما جاهم عيال جلسوا يدورون مستشفيات العالم كله ومشعوذين العالم كله واذا ما فاد راحوا لشيخ قالوا مسحورين واذا قرأ عليهم وما جابوا عيال ؟ قالوا ما يعرف يقرأ و اذا جاهم عيال يضربونهم ضرب ؟؟؟؟ ويدعون عليهم
احترنا مع ذا العالم ... اي والله لو تروحون تشوفون الناس اللي ربي ما رزقهم كان جلستوا تبوسونا ليل نهار ... حلوة ذي ..
طبعا رحت وامي مصدومه باقي من ردي .. ضميري يأنبني اني زعلتها جلست على اعصابي 1ونص دقيقه وشوي الا وانا عندها في الحوش يماااااه يماااه ؟ قالت نعم ؟ تبين ابوسك ؟ قلت يمااااااااااااه (بدلال مو لايق ) قالت خير ؟؟ قلت يمه تحبيني ؟ قالت نعم ؟ قلت تحبيني ؟ قالت وش المناسبه ؟ يالله يا ذا الجفاء عند الآباء يعني لازم يكون فيه مناسبه ؟ قالت ايوه .. قلت طيب لاتجاوبين لكن انتي لمن تخيطين هالفستان ؟ قالت لبنت جيراننا مريوم ؟؟ قلت بس هذا فستان زواج .. قالت طيب امها تبي تفصل فستان زواج بنتها ..انا : يمه مريوم بتتزوج ؟ قالت ليه بغيتيها تجلس عند امها ؟ قلت يمه انا احلى منها ودمي خفيف اكثر منها وأجيب الأولى من الأخير على بنات مدارس المنطقه كلها واعرف كلمات انجلش وفرنسش وايطالش .. حتى اسمعي .. اسباغتي .. فوتشيني .. مكرونه صغار .. مكرونه صدف .. قالت امي اجل صدف هاه ؟ ليتك تراجعين نفسك على الأقل في نقطه الجمال قلت احم احم .. يمكن يكون فيني شويه عيوب مثل النظر 1على 6 والبشرة حنطي كاروهات احمر والعيون صغاااااااااااااااااار مثل الأزارير و الأسنان نصها محشي ونصها مخلل خخخخخ اقصد نصها مهلهل وعود ناشف وشعري لين نص اذني لكن على الأقل السليم مني 10% وهذا بحد ذاته كفايه .. يكفي دمي خفيف و عقلي يوزن بلديه بكبرها ..
قالت امي ايه ايه يابنتي الناس ما عاد تدور الا على الزين بيضاء طويله نحيفه موظفه ابوها غني (عشان الورث ) الناس مايهمهم الا المظاهر مو المخابر ..
قلت يمه ما تحسين ان احد حاط لي سحر عشان ما اتزوج :icon28:؟ قالت امي بسم الله علينا من اللي بيحط لك سحر ؟ وعشان ايش ؟ انا : احم اممممممممم يمكن لأن قلبي ابيض ؟ قالت امي يابنت صلي عالنبي وروحي شوفي لك شغله ؟؟ قلت يمه فكري في هالنظريه زين وراجعي نفسك ... امي تركت فستان البنت وجلست تفكر .. قالت عطيني التلفون واتصلت على جارتها ام صويلح ..امي : الو .. أم صويلح : أم صويلح ليمتد دوت كوم معك من معي ؟ امي : هذه انا ام فالح قالت : هلا والله كيف حالك ؟ قالت امي : والله ماني بصويحيه فيني قهر .. قالت من ايش يا كافي ؟ قالت : والله تدرين يا ام صويلح ان بنتي الوحيده اللي في الحاره اللي ما تزوجت بعد وودي تشوفين لنا شيخه والا شيخ يقرا لنا عليها قالت ام صويلح .. والله اني اشك ان تكون بنتك مسحورة وعلى ايش ياحظي ؟ وانا من ورا امي // يمه خليني اذبحها وامي تهديني تبي تسمع والأخت تكمل باقي .. قالت لكن لازم الواحد يعمل بالأسباب اعرف لك وحده ما شاء الله على طول تقرا على الحرمه المشلوله من هنا وتقوم تمشي من هنا .. انا : اووووووووووو ه يالكذبه والله انها اخس من العجوز الصينيه اللي أول القصه
.. قالت امي : يلا شورك وهدايه الله متى نروح لها ؟ قالت ما تشتغل الا من بعد العشاء .. انا : ليش وطواط ؟ باتومن ؟ قالت الحرمه من يتكلم عندك ؟ قالت امي التلفزيون .. خلاص بكرة مرينا انا والبنت ونروح لها قالت يلا ... ومن البكرة مرت الحرمه علينا الساعه 9 ونص قالت لها امي لايكون الحرمه ما تشتغل الحين ؟ قالت لا ما تشتغل الحين بس لازم نروح عشان نحجز الحريم يوصلون عندها كل يوم 200 وفوق قلت : حشا والله مطعم ... على غفله .. قالت ام فالح سكتي بنتك واللي يرحم والديك خلي الليله تعدي على خير والا اذا زعلوا عليها الأسياد ما يندرى وش بيصير فيها ..
وامي تقرص فيني وانا ابلع ريقي بالغصب ..
شويه الا ووقفنا عند بيت شعبي قدييييييييييييييييييم قدامه سيارات فارهه بكل ما تحمله المعنى من كلمه .. وكلهم سواقين ما فيه الا كم واحد سعودي .. قلت لأمي انا مصدومه .. قالت امي يويلي من صدمك ؟ قلت يمه انا مصدومه نفسيا من هذا المنظر السيارات هنا اقل وحده على نص مليون .. معقول لهذه الدرجه الحرمه تداوي ؟ اخذنا رقمنا من عند الباب .. كل اللي داخل من جنسيات افريقيه و الجو هاااااادئ ما عكر علينا الا صوت واااااااااااااااااااااااا صياح الحرمه وامي تدور لي ما لقتني الا عند الباب
قالت خفتي قلت لا بس اشوف المرسول جاء والا باقي ههه على بالي مدرسه ... شويه الا جاء دورنا وانا اقول يمه خلاص ما ابغى قالت امي والله ما تتحركين قبل ما تدخلين عندها لنا 5 ساعات منتظرين وبعدين نروح ؟ قمت توكلت على الله ودخلت عندها .. مكان مريع مخيف ريحته قذرة مدري كم مرة تحمم في السنه الحمدلله انا اتحمم كل 3 شهور مره خخخخ قامت ام صويلح تفهمها الموضوع قالت لي وش اسم امك ؟ قلت اذا شاطرة اعرفي من دون ما اقولك .. قالت انا ما ألعب معك ام صويله وش هذا ؟ جت ام صويله عفوا صويلح قالت لي هيله الله يرحم والديك اسكتي خلي الحرمه تفك عنك السحر قلت لها اسم امي قامت نثرت شوي بخور على الفحم واحنا مندمجيييييييين على الآخر وشوي الا واااااااااااا واااااااااااااا واااااااااااااا والحرمه ساكته من اللي يصيح ؟ ( نفس الشيء ما لقيوني الا عند الباب بس هالمرة انا وامي خخخخ) قالت انتي عندك مس عاشق وما يخرج منك الا اذا جبتوا لي الطلبات هذه .. قالت أمي والله انها كذابه بالله من يشوف وجه بنتي ويعشقه ؟؟ هذ الكلام ينطبق على الإنس والجن وحتى الحيوانات .. قلت يمكن تكون صادقه الا قالت شوفي جيبي لي فار يتيم .. وقرد ابكم .. وديك امه مطلقه .. هاهاهاهاااااااااااي والله هذه عند امي هي بتكون وزيرة الشؤون الإجتماعيه .. قالت اذا ما عندكم انا اوفر لكم قالت امي خلاص قالت بس بنتك لازم تنضرب (الظاهر حقدت علي ) قالت امي والله هذه النقطه انا موافقه عليها وبالعشرة وقامت الحرمه واخذت عصايه يااااااااكبرها وتلحقني ما كنها العجوز اللي ما تقدر تقوم وتجري وراي في الغرفه وانا اصييييييييح لين لقيت وراها ستارة واشيل الستارة على بالي فيه باب وراها وش تتوقعون لقيت ؟ لقيت مسجل فيه صوت اللي يصايح طوووووووووووول اليوم تدرون وش سوبت ؟ اخذته وهربت به برا عند الحريم وسمعتهم الصوت وعرفوا انها دجاااااااااااله وعيونكم ما تشوف الا النووووووووووووور .. آآآآآآآي ضربها يعور ... الله الله بالردود السنعه ... التوقيع فور روز
نقطه انتهى ..