تقبل الله طاعتكم واستجاب دعواتكم وحقق امانيكم يارب
صراحه فعاليات رائعه كروعة من فكر بها وقام بها
وشارك فيها
اقول اشتقت لكم غيومه ليوله بنات الترفيهي كلللل ابوهم هههههه
طبعا يومياتي في رمضان تختلف من يوم لاخر حسب الوضع الاسري اممم والصحي
بعض الاحيان اكون معزومه ووقتي يكون اكثر
وبعض الاحيان افطر بالبيت فـ انام بعد طلوع الشمس
وبعض الاحيان احرص اكون بالسجاده من صلاة الفجر للشروق بنص ساعه ابي اتسنن
وكان اول يوم لي بتسنن ماعرف وقت الشروق وقعدت
لليييييييين شفت النور وحسبت نص ساعه واكثر ثم تسننت
بعدها اخذ مسبحتي وبعض الاحيان اذكر الله باصابعي وارقد اذكرالله ليييييين انام
بعدها اصحى لصلاة الظهر اصلي ثم اقرى او اذكرالله لييين ياذن العصر اصلي ثم ارجع انام
ثم اصحى قبل المغرب اجهز الفطور والعشاء وافتح اذاعة القران اسمع واشتغل
بعدين اثناء فطوري وعشاي اشوف التلفاز طبعا قنواتنا كلها اسلامية ولله الحمد والمنة
اشوف كتالوج وجواز سفر وغيرها كما ان اشتراكي في خدمة البلاك ماجددتها وبدلت بجوالي الثاني
حتى اللاب توب قليل افتحه اذا جيت اتصدق في اخر الليل ان تيسر لي ذلك
ومره مرت اخوي سوت كبسه وارسلتهاورجعت حافظتها بمعجنات هذي صورتها
ومن المواقف المضحكه اللي مرت علي مره سويت
العشاء وصار حااااااااار شوي وينفجرون اخواني وهم
ياكلون
اشوفهم يتعرقون خخخخخ يستاهلون انا طبعا مافرقت معي
احب الحبحر وصار ذاك اليوم تعليقات شاي بالحبحر ايس كريم بالحبحر
ايه ولاتنسون بهاراتكم الحاره اهمم شئ في السفر ركبوها معكممم هههههه
لاوابشركم سحروني من هرفي وانا بصراحه اكره المطاعم بس قلت يابنت معهم
وتجيني الله لايوريكم ذيك النزلة المعويه وتلعب فيني قلت
حدك ماقوى تعبت حيييل اتصلت على اخوي وصار سابقني للطوارئ
يوم خلص علاجه رجع ووداني عطتني مطهر امعاء ومغذي وصرفت مضاد لعشر ايام ومسكن واخواني يدقون سلامات شسالفه ووو
اه منها بس .
نرجع لبرنامجنا بعد العشاء اروح اصلي العشاء واتسنن ثم اقرى ماتيسر لي من القران
بعدها ان راح فتره ماتواصلت مع معارف امي الله يرحمها ارسلت
لهم على جوالاتهم حتى اهم مايقصرون الله يجزاهم خير
وبعض الاحيان بعد صلاة العشاء ازور اخواني اواختي
ثم اجي للبيت اريح شوي وانام بعدها اكل شى خفيف مثل بسكويت
او شبس او شوكولاته على حسب المزاج ثم اسوي السحور بعدها اجهزه
واروح اوتر واقرى قبل الاذان بنص اواكثر اواقل بشوي نتسحر
بعدها افرش اسناني واجلس شوي ثم اصلي الفجر ويبدأ يوم وينتهي يوم
الله يزيدنا من فضله في البر والتقوى والاخلاص في العمل ويوفقنا في ديننا ودنيانا
هلابك سكين ,, وتشتاقلك العافية يا قمر :)
يوميتك حلوة,, واحلى شي فيها عشاء الحبحر ههههه وزين ما انفجرو اخوانك ههههه
والحمد لله على سلامتك من النزلة
مشكورة على مشاركتنا يوميتك,, والله يملى حياتك طاعة وسعادة