هذه مشاركتي المتواضعة في مسابقة الاكلات التراثية الشعبية من تراثنا الفلسطيني ان شاء الله تعجبكم
اول شي خبزت الخبز المعتاد في فلسطين وهوبالعادة بيكون في الطابون واسمه خبز الطابون وهذه الصورة علشان الجميع يتعرف عليه
وهوفي العادة مصنوع من الصلصال بيعملوه على هذا الشكل وبيتركوه ينشف
هدا وهو جاهز للخبز
نرجع للخبز طبعا المفروض بالطابون بس ما في واصلا ما بعرف اخبزه فيه بس عملته بالفرن طبعا من زمان ما كانوا
يعيروا بالاكواب نظري بس انا اليوم للسهولة وعلشان الي حابة تطبق عملته بمقادير بالاكواب المعيارية
5 اكواب طحين ابيض واحد ونص طحين قمح مع 3 ك ماء فاتر وملعقة خميرة ونص ملعقة ملح جميعها في العجانة
لحتى نحصل على عجينة لينة مثل عجينة البيتزا كل ماتعجنت بتطلع احسن بنرددها وبنخليها تتخمر تقريبا ساعة بعدها بنقطع العجين بنلته شوي بالعجين وبنخليه يرتاح وبنكون مشعلين الفرن على اعلى درجة حرارة وانا استعملت صينية البيتزا مخصصتها للخبز دخلتها للفرن من لما فتحته علشان يحمى لازم اقل شي يكون من قبل ربع ساعة مشغل اجا معي 3 قطعات
رقيته بايدي ودخلته بالفرن بياخذ تقريبا 10 دقائق والصور بتوضح الطريقة
يتبع ,,,,
الخبز صار جاهز خلينا نعمل اكلة فلاحية فلسطينية
فتة باتنجان (باذنجان)
بدنا بصل تقريبا نص كوب وحبتين باتنجان مقشرين ومقطعين مكعبات كبيرة نص كوب زيت زيتون ملح وفلفل وقرن فلفل حار ملعقتين معجون بندورة
بنقلي البصل ليتذبل شوي وبنضيفله الباتنجان وبنقلبهم شي 5 دقائق ليشقر البتنجان شوي بعدين بنضيف عليه مي وملعقتين البندورة بنخليهم ليستوا تقريبا نص ساعة بعدها بنكون فاتين الخبز استعملت رغيف من الي خبزتهم وبنسكب عليهم طبخةالباتنجان وبنخليهم يتشربوا شوي وبنقدمهم مع فجل