مشاهدات لتصرفات خاطئه للامهاااات " هناا "

حبيبتي المتغليه .. كلامج عين العقل ..

وذكرتيني بموقف صار من سنييين ولا أحب أتذكره بس .. راح أقوله يمكن الأمهات ينتبهن ..

أذكر مرهكنت رايحه الحديقه مع بناتي .. وكانت هناك شغاله فلبينيه الله لا وفقها وين راحت وين جت يارب حسبي الله عليها .. كان معاها ثلاث اطفال أكبرهم يمكن ست سنين ولدين وبنت والأطفال بنت ولد ما يتكلمون عندهم إعاقه بس الولد الكبير لا طبيعي واتخيلي البنت اتأشر لها تبيها تلاعبها بالمرجيحه ونفس الشي الولد والفلبينيه مشغوله ترغي مع الخدامات اللي ماليات الحديقه .. شو تتصورين ردة فعل الخادمه ؟؟ شو أبعد شي ممكن يوصل له خيالج؟؟

اتصوري خلعت جزمتها وانتي بكرامه وهاتك يا ضرب على وجوه الأطفاال!! والشغالات يضحكن لها

والله اني انصدمت وجيتها طايره وأصرخ فيها ليش اتسوين جذيه؟؟ ووين المدام؟؟

الا اتقولي هذا ولد مجنون مافي كلام بس صيح صيح !! والمدام في البيت .. واخذتهم وولت يعلها ما تربح وين ما اتكون

والولد الكبير ايقولها بخبر ماما وتركض وراه تبا تضربه بعد !!

وقلت للولد ليه ما تقول لأمك قال انها ما اتصدقه ..وحتى هو يتكفخ من ها الشغاله !!

حراااام والله العيال امانه .. وراح نتساءل عنهم يوم القيامه ..

يعطيك العافية يالمتغلية موضوع جميل بارك الله فيك

باذن الله لي عودة.

مشكوره اختى المتغليه على موضوعك
انا اكثر شي يضايقنى لما اشوف الخدامه تغير للطفل البامبرز وخاصه اذا كانت بنت مره اتضايق ولما اقول لامه تقول اقرف ماحب اانظفهم من جد هذا اكثر شي يستفزنى
واذا تذكرت شي جيت وكتبته

صحيييييييح كلامك ياقلبي (المتغليه)

حسبي الله ونعم الوكيل على هذول الخدامات...

يا ويل حالي على العيال الي ذكرتهم راس المعزه .. و الله اني بكيت عليهم :( :(

الموقف الاول

للأسف لوحده من القرايب .. كنا معزومين على حفلة اطفال ، و ها البنيه عمرها اقل من سنه و امها باعثتنها مع الشغاله -الحين ام شهور شو بتسوي بالحفله- .. اوكي .. البيبي لما تشوفينه ما ترحمينه ؟ .. انا شلتها من عربتها عشان العبها .. ما تنشال من كثر ما حفاظتها ثجيله ، شكلها ما تبدلت من كمن ساعه .. و كلمت الشغاله عشان تبدللها و طبعا ما كانت راضيه ان حد ينتقدها .. المهم .. رحت اودي بنتي الحمام تكرمون و لقيتها هناك .. و الله ها الموقف ما بنساه حسبيا الله على امها .. كانت مشلحتنها الحفاظه و حاطتنها في المغسله و ترش رش عليها الماي ، و هاذيج المنطقه حممممممممرا .. و البنيه الفقيره تضحك تضحك .. الشغاله ترغي و تضحك مع العامله تبع الحمام و تلعب البنت بهاذيج الطريقه .. الحمام عام و كل حد يدخل يشوفها .. الحين حتى لو البيبي بو شهور ، ما نستر عليه ؟ .. و شو ها العلوم الي نعلمه اياها ؟!!
كلمت الام .. طبعا ما كان في فايده ، جابتها بطريقه مزح .. و بعدين عبست و قالت انا اشتغل و شو اسوي ؟ .. للأسف :(

الموقف الثاني

و الله قاهرني .. و ميته من القهر على ها الحال .. و خايفه من الزمن الي بيوصل فيه عمر بنتي 9 او 10 سنين .. بنات صغار مش اكثر عن 12 اذا زادوا .. و بنات عرب و رياييل .. في المولات و السينمات بروحهم لا مراقبه و لا محاسبه .. مب حرام ها الشي ؟ .. الحين الام او الاب يدرون ها البنت حق شو تتعرض ؟ .. يدرون بشو ممكن تتأثر ؟ .. حسبي الله عليهم

********

الحين ها الناس الي ياخذون معاهم شغالاتهم المطاعم ، ليش اييبونها معاهم اذا ما يقعدونها على نفس طاولتهم .. نحن كلنا سواسيه .. ليش عازلينها عنكم ؟ .. تبين خصوصيه انت و ريلج .. جان خليتوها في البيت .. و البيبي ليش ما تحطونه على كرسي الاطفال -الي اعرفه المطاعم مليانه من ها الكراسي- ؟؟!!!