كيف حالكم
وش اخباركم
وش سويتو بعدي
أكيد جلستوا تبكون وتبكون وتبكون حتى تفقعت عيونكم
معليش أنا مقدرة إني غالية عليكم <<<<<<<<<< خخخخخ مصدقه نفسي ترى
يا ويل اللي تكسر بخاطري وتقول انها ما فقدتني
احم نرجع للموضوع يا غاليات
طبعا تعرفون اني كنت غايبه عن المنتدى لإني كنت مسافره <<<<<< تبي تقول لكم انها سافرت
المهم نرجع للموضوع ابقول لكم وش صار لي في حرم مكة
هذا يا الطيبات بعد ما طفنا طفنا طواف الوداع وكان الوقت قبل آذان العصر
يعني الظهر رحت انا ومعاي بنتيني الله يخليهم لي و جلست وانا ميته من التعب والحر والعرق
و جلست في المكان اللي فيه الحريم انتظر آذان العصر و زوجي مو بعيد
و شوي و أنا آآآآآآآآآه آآآآآآآآآخذ نفس ولا ضربه على كتفي طالعت بسرعه ولا الحرمه اللي
جنبي تكلم ولدها الصغير و تشر علي وهي تقول خذيه خذيه خلاص ما أبيه ما يسمع الكلام
تركتها لإنها كان واضح انها تهدد ولدها انها تعطيني إياه لو ما سمع كلامها
شوي و لا ضربه ثانيه و تطلع نفس الحرمه تكلم ولدها و تضرب في يعني خلاص خذيه
يا ربـييييييييييييييي وش ذا النشبه
حاولت اجاملها شوي قلت لها الله يصلحه كم عمره ؟
و ليتني ما سألت ،
لإنها انفتحت تهرج تسولف و تسأل و تبغاني اكلمها و اسولف معها
وأنا بصراحه ما ودي اسولف لإن الرجال يمرون كل شوي و الصوت طالع
المهم طلعت الحبيبه من الرياض و ولدها عمره 3 سنين الله يحفظه
و جلست تسأل انت من وين طيب و المويه عندكم مالحه و لا حلوة
و يا كثر ما سألت بعدين قالت معك صارور
قلت لها وش هو الصارور ؟
قالت ما تعرفينه ؟ قلت مدري انت قصدك على ايش ؟
قالت صارور صارور انتم وش تسمونه ؟
قلت لها وش هو الصارور عشان اقلك حنا وش نسميه ؟
قالت زهيوي ؟
قلت لها وش الزهيوي و الله ما عرفت
قالت هذاك الدودة البنيه اللي تجي في الحمامات
قلت لها آآآآآآآآه قصدك صرصور
قالت ايه هو
مت من الضحك وش يجيب الصرصور معي
دقتني على خفيف وقالت انا بس ابخوف الولد
وبصراحه ولدها ما شاء الله عليه شاق الأرض وطالع جننها ما يجلس بس يشرد وهي تلحقه
المهم حزنتني قلت خليني أخوفه يمكن يخاف مني و يهجد جنب امه
قلت له اجلس عاقل و لا ترى آخذك معي البيت
قالت امه ايه ايه خذيه هالجني
قلت لها خلاص لو ما يعقل آخذه
ونطق الشاطر تدرون وش قال لي
قال بأعلى صوته
(((((((((((((( تقلَّعي )))))))))))))))))))
آآه قهرني
يا ليت بنات الرياض يوضحون لي بس بشويش علي لا تصدموني كثير
لإن شكل الكلمه قويه أمه قالت له لالالالا يا حمار يا كلب عيب
صح معناها انقلعي يعني لو كان كذا ما يخالف خفيفه أهون من يكون معناها كبير
يعني روحي وخلصيني وفكيني من شرك
ههههههههههههه معقول ماتعرفيها