مشترياتك الغذائية من السوبر ماركت؟؟

عن نفسي كاتبه كل المقاضي في رسالة جوال
وإذا كنت محتاجه السوبر ماركت أشيك على الرسالة عشان تذكرني بالشغلات الناقصة وأجيبها مرة وحدة
طبعاً أكتب المقاضي اللي أبيها ذاك اليوم في رسالة مستقلة لو كنت ماراح أروح بنفسي
ومعلقة عالثلاجة قلم وأوراق كل ماخلص شيء أكتبه في الورقة .. لأني عارفة اني راح أنسى

بشكل عام أهم المقاضي:
كل مايحتاجه الفطور و الغدا والعشا من خبز وحليب .. مروروا ً على السلطة ... وصولاً إلى ... الطبق الرئيسي :)
وشوية حركات مفرزنه على عصيرات وحلويات وشبسات
طبعاً مو لازم تكون متوفرة يومياً ..

مقاضي التنظيف:
المناديل بأنواعها والمنظفات والشامبو والصابون واللينور .. إلخ

مقاضي الأطفال:
حفايظ + حليب

وأنت تحددين الأشياء المفضلة والمهمة لك وتستمرين عليها

اختي دايما اتكلي على الله و سمي اذا بديتي الشغل عشان ربي يبارك في وقتك و شغلك
بالنسبة للتنظيم و النسيان .. ايام الاسبوع حوالي يكون للطبخ و تنظيف البيت على خفيف لان عندك دراسه و دوام الله يعينك .. يا دوب تصيرين تطبخين لكم شئ خفيف و تدرسين و تهتمين بالبنت
الويكند خصصي يوم الجمعة اذا عندك دوام بتجين مهدودة ريحي فيه من شغل البيت و الدوام خلي السبت يوم كامل للتنظيف البيت و غسيل الملابس يوم الاحد يكون تمشية و تقضي للبيت و يوم او العكس حسب وضعك ..
ادخلي موضوع طالبه و ام للاخت هوم الون جدا مفيد و حماسي .. ادخل منتدى التنظيم والله فادني كثير افكار ساعدتني للتنظيم و احس فعلا صرت منظمة اكثر الله يجزاهم خير
اختي المقاضي الأساسية زي الرز و السكر و الطحين اللي ما تخرب بالعربي لمدة طويلة قضي منها حق شهر كامل او شهرو نص
نفس الشئ المنظفات و الاغراض الخاصة زي الشامبو و الصابون و معجون الاسنان و اغراض الغسيل اشتريها شهري
و اذا كنتي في امريكا اظن عندكم مراكز بالجملة تبيع ارخص..
مقاضي الثلاجة زي الخضار و الفواكة هاذي اسبوعيه تكون عشان ما تخرب بس زي البصل و البطاطس و الجزر..
الاشياء المفرزنة غالبا بدون طعم مادري ليه .. حولي اذا طبختي تكثرين و تصير ليومين الطبخة و تصخنون
منتدى الطبخ مليان شغلات خفيفية و سريعه ما تاخذ وقت و جهد و بنفس الوقت لذيذة
و موضوع اكلات المغتربات يساعد انصحك ادخلي عليه

الله يعينك و يوفقك اختي

:)طيب افطرو كورن فلكس وحليب

معلش ياحبيبتي هي ايام الاختبارات منحوسة
انا طريقتي :
عندي الورق اللي من ورا فيه مغناطيس ومعه قلم ويتعلق على الثلاجة
وكل ماخلص غرض
مثلا :أكياس الزبالة الله يكرمك
اقول:أووووف ماعندنا اكياس زبالة واروح اكتبها على الورقة <<<لاحظي كلمة السر اهم شيء لازم تقولييين أووف خخخخخخخخخخخخخخخخ
وفي الليل مثلا يخلص علي مسحوق الغسيل واكتبه

وزوجي متى ماراح للسوبر ماركت بس يشوف الورقة من دون مايكلمني <<تعرفين الكلام هنا بفلوس لوووول
ويجيب الاغراض

وباين عليك معتمدة على اللحم بشكل كامل
شوفي لك اطباق اخرى ,مكرونة باللبن والخضار مثلا ,شكشوكة في الفرن , سمك

انا مثل البنات عندى سبوره صغيره عالثلاجه اكتب كل شي اول باول

مساء الخير جميعا ....

اول شي فكري بالأكلات الي بتطبخينها عن اسبوع ..

يعني مثلا .. السبت .. الصبح .. سندويشات جبن ومرتديلا وخس وطماط

الظهر .. باميه ورز او كبسه وسلطه طماطم وخس

العشا .. تونه بالمايونيز ..
شوفي الاغراض الحين ...جبن " مرتديلا " خس وطماط"لحم ممكن للباميه او للكبسه " ورز وعلبه تونه وسمون وخبز

واكيد راح يكفي يومين هالأكل .. فكري بالطبخات وسجلي بورقه ..

وبعدين كثري من المعلبات والخضروات والمكرونه الي تحبونها بالبيت ويكون تحضيرها سهل

واذا طبختي طبخه وزاد عنكم ارفعيها على طول بالثلاجه .. راح تطلعينها بيوم تكونين تعبانه وما لك خلق للطبخ