فناتيل
•
وليد: نوال ابوي متزوج هنديه وجايبها معه وخايف على امي
نوال تحط يدها على فمها: ياااااويل قلبي صادق وليد
وليد: وبالله هذا مززح والله صادق ومكلمني يقول عطهم خبر بجيبها معي
نوال: لالاوليد لازم تشوف لنا حل
وليد: اشوف حل كيف ابوي حطنا امام الامر الواقع وتعرفينه مايناقش بس ابي منك وشلون نوصل لامي الملعومه
نوال: صدقني امي المفروض ماتدري اقلها ليين تخلص ملكت هند
وليد: مثل مااقول لك امي بتدري اليوم بس كيف هذا اللي خلاني اناديك من بد اخواتي
نوال تصيح ودموعها مغرقه وجهها وماسكه وليد بيده: وليد دبرنا يااخوي امي بتنصدم والله يمكن يجيها جلطه لو درت ولاودنا نخرب فرحة هند
والله ماني مصدقه ابددد ابووووي ليش وش قصرت به امي
وليد:نوال تكفين ابوي على وصول للمطار وبطلع اخذهم دبريني
نوال: طيب اقلها اليوم وبكره فيها حل ورحال
وليد:يعني وش اسوي
نوال: وش راييك تروح تاخذهم من المطار وبعطييك فلوس قبل تاخذهم احجز لهم بفندق قريب وقل يبه طالب ماتدخل بها على امي الى ماتهدى الامور ولعل وعسى
وليد: نوال مااتجرى اسوي كذا مع ابوي،،طيب وامي اللي من اصبحت بالمطبخ تطبخ وتنفخ وش نقولها
نوال: والله مدري بس يدبرها ربك بنقول لها جاي معه رجال وسكنو بالفندق
وليد: الظاهر هذا اللي بيصير وفيها اللي فيها
نوال توكل على الله بس واحجز الفلوس مني لاتشيل هم
وليد يروح ياخذ غرفه نوم بصاله ويطلع عالمطار
يستقبل ابوه ومعه المدام يسلم علييهم خايف ومتردد يكلم ابوه باللي سواه
وليد: الحمدلله على سلامتك ياابو وليد
ابو وليد: الله يسلمك اخبار امك
وليد: امي بخير
ابووليد: درت عن شيء
وليد: ماقدرت يبه اقول لها
ابو وليد: طيب رح لاقرب فندق احجز لنا فيه بتركها فيه لين تنتهي ملكت اختك وبعدها يصير خير
وليد: حاجز يبه
ابووليد: سويت خير بدل ماتلفلف بنا
وليد ووده يحسس ابوه بتانيب الضمير بس مدري وش اقول لامي مطبخه ومن صباح الله خير بمطبخها مابقى طبق ماسوته
ابووليد: عاد يااني مشتهي طبخ امك اجل رح قل لها ابوي معه رجال جاي من الهند وبينوم وياه بالفندق وبااخذ العشاء لهم
وليد حس بقهررر وحرره على امه الضعيفه بس مايقدر يقول لا: على امرك ابوي
يحط وليد ابوه وزوجته بالفندق ويروح البيت ام وليد من خلصت وعرفت ان وليد راح يجيب ابوه طلعت لغرفتها بخرتها وتروشت لبست دراعه جديده شاريتها في روحة ابووليد وناويه تلبسها اذا جا بس مستحيه تقول لبناتها انها علشان جيت ابوهم
ام وليد جالسه هي وبناتها بالصاله
ام وليد: نوال وش فيك يمه وجهك مصفر
نوال: هاه يمه شوي صداااع تعرفين مع الوحام الصداع ملازمني
ام وليد: الله يعينك يابنيتي ماتشوفين شر ودي اقول لك قومي خذي لك غفوه بس اخاف يجي ابوك وتجي بخاطره انك نايمه ولااستقبلتييه
نوال حاسه بخنجر طاعنها بصدرها من القهر وراحمه امها والمعه بتنززززل بس تتماسك الى اخر لحظه
يدخل وليد: ام وليد تفز وراك وانا امك داخل قبل ابوك
وليد: يمه ابوي نزلته وياصديقه بالفندق ويقول جب لي العشاء بالفندق تعرفين مايقدر يخلي الرجال لحاله
ام وليد: ايه يمه ماعليه ننكبه وخذه معك صادق ابوك عيب يترك الرجال لحاله
وليد وامه كاسره خاطره بفزتها ودخلت المطبخ : تعالو يابنااات نزين عشاء ابوكم والرجال حوفوه بيضو وجه ابوكم
نوال ماتحملت وراحت بسرعه للمجلس حس تحصه فيها شيء ولحقتها اما هند وندى ووفاء دخلو مع امهم المطبخ وزينو معها عشاء ابوها
حصه: لالامنتي طبيعيه اليوم ابد وش فيك صاير شيء بينك وبين عبدالعزيز
نوال: حصصصصصه وتحضنها وتبكي
حصه: بسم الله علييك نوال يااخيتي وش فيك انا اختك قولي لي فضفضي
نوال: كلنا محتاجين احد نفضفض له
حصه: وش فيك وش تقولين انتي
نوال: ابوووووي ياحصه تزوج على امي
حصه تبعد نوال عن صدرها : نوااال صادقه انتي
نوال: ايه والله وليد علمني وهو وعروسته هالهنديه الحين بالفندق والعشاء اللي طابخته امي وحايفته لاابوي بيروح لهم يتعشونه ياجعلهم مايتهنون فيه
حصه: ياربي وش اسمع انا وش تقولين ياااااربي لاحول ولاقوة الابك
وليد واقف على راسامه واخواته وهم يزينون عشاء ابوه ومحتر وهو يشوف امه تطلع من صحونها اللي رافعتها للمناسبات وتحط فيها الاكل
خلصت ام وليد حاطه الاكل بحافظات ومرتبته عاد يمه ارف قانت تسوق لايحتاس الاكل
وليد: ان شاءالله يمه الله يحرم يدياتك عن النار
ياخذ الاكل ويحطه بالسياره
ويروح للفندق وقبل ينزل الاكل يكلم نفسه: والله ماتذوقون طبخ امي انت وهنديتك تبطون تذوقونه
ويدق على ابوه :يبه معليش تعطلت سيارتي وحسام طالع البر مع زملاه ماعندي احد
ابو وليد:دبر نفسك خذ ليموزين
وليد اوما اخذ ليموزين : يبه مدري لاتعتمد اصلا اهلي خذو من العشاء ومابقى شيء يحمل اخذ ليموزين واجييكم
ابووليد: اجل خلاص امري لله بطلب عشاء من الفندق
وليد: وانا اشوف كذا
يتصل وليد بنوال : نوال لاتطلبون عشاء عشاء امي حلفت مايطب فمهم جاي بعشاءكم استنوني
نوال: زين ماسويت
نوال وحصه مقهوريين وجالسين عند امهم وكاسره خطرهم بدراعتها الجديده وكشختها لاابوهم
نوال تهمس لحصه انتبهي لاتدري هند اهم شيء وفاء وندى عادي الاهند
حصه: ايه بعد مايبي لها
الصفحة الأخيرة
بنات ارجوكم الى عنده رد اكويس ترد الله ايبارك والى ماعنده نحن قاعدين نستنا حبيبتنا فتونه امت ما تفضه على اقل من مهلك يا مبدعه