،،،لمعة ألماس،،،
•
موفقه بانتضارك
واوووووووووووووووووو
اسم الله عليس قصه رائعه
كمليييييييييي بانتظارك
ياختي كان من اول كان نزلتي قصص
اسم الله عليس قصه رائعه
كمليييييييييي بانتظارك
ياختي كان من اول كان نزلتي قصص
فناتيل
•
وليد يدخل عليهم بالاكل :
ام وليد: يمه امداهم يتعشون
وليد: لايمه الظاهر الفندق سبقونا وعشوهم اوماادري وش اللي صار بس انهم تعشو
ام وليد: مكتوب من نصيبكم ياتبنات تعشو جعله بالعافيه
يجتمعون عالعشاء وياكلون ووفاء وهند وندى يسولفون ويضحكون ونوال وحصه ياكلون ويشاركون من غير نفس مايبون يحسسون امهم بشيء
الساعه صارت وحده طلعت ام وليد لغرفتها ولقتها ناسيه مبخرة الكهرب بالكهرباء : ياربي سترك الحمدلله زين ماولعت بغرفتي الله يهديك ياابو وليد مبخره الغرفه لك وماشفت وجهك
حصه جازوجها وخذها وباقي البنات طلعو لغرفتهم بينامون
هند وفاء وندى طلعو عند هند بغرفتها وجلسو سوالف للفجر نوال تسمعهم وودها تروح عندهم وخايفه ماتمسك نفسها وماحست بنفسها الاتصحى عالساعه 8الصباح
تسمع صوت غرفة امها
تطلع نوال وتتجه لغرفة امها وتحصلها صاحيه
نوال: يمه وش عندك صاحيه بدري
ام وليد: والله يانوال ادق على ابوك ولايرد غريبه مابعد صحى من النوم ياخوفي يدخل وانا ماجهزت له فطور ويزعل علي
نوال: ييييوه يمه نسيت وليد قايل لي اقول لك انه ماراح يجي حتى عالغداء
ام وليد: ليتك علمتيني ناقله هم ومانمت زين وكل شوي افز اشوف الساعه
نوال: يمه امسحييها بوجهي نسيت يالغاليه
ام وليد: ماعليه يمه انتي وامك هاليومين ثاقل الله يعينك اجل بروح اخذ لي غفوه
نوال: يمه اكسبي راحتك وارقدي لك شوي
رجعت نوال لغرفتها ونامت
الساعه ثنتين الظهر صحت وفاء وصحتهم كلهم وكانت مجهزه فطور
اومليت جبنه
على شكشوكه حاره
على جبنة حلوم مشويه
هند: ااااه ياقلبي بسسسسس ودي اعرف اسوي زي كذاا واوري فهودي سناعتي
ام وليد: واله معد فيه حياء بح صوتي وانا اقول لكم ادخلو المطبخ تعودو بس ماعندي احد
نوال: وفاء مشاءالله عليها لها نس من يومها بنت اذكر اول ماتزوجت ادق عليها شبه يوميا اخذ طريقتها وبدقه في كل شيء كان عبدالعزيز جنبي واحيانا انقله ويكتب يوه ياذيك الايام وكل شي اصوره واحس اني الشيفه نوال
ندى :ههههههههههههههههه ياهو بعد بغى ينطق فيني عرق اول ماتزوجت كل يوم خالتي تمدح بناتها قدامي ودي اصيح بس ماابين لهم اني مااعرف ااااه وين ايامك ياسعديه كانت تعلمني بدون مايحسون واخيرا صارتخالتي تمدحني وكله من تحت ديات سعديه
هند: وفيه المهم جوالك حولك 24 ساعه اذا بغيت منك طيق شيء ولاك تردين علي طب
وفاء: ابشري بعد مااقدر اقول لا،، والله بفقدك ياما سافرت وتركت عيالي عندك
هند: عادي جيبييهم يوسع صدره فهودي عيهم
ام وليد: اثقلي عيب حسام ووليد نازلين
جلسو كلهم عالفطور وسوالف وضحك
ام وليد كل شوي قايمه للتلفون وراجعه
حسام: يمه وش فيييك
ام وليد: ابوك غريبه اذا نايم لهالوقت مايرد علي
وليد: يمه تلاقينه تارك جواله صامت من عقب الليل ماعليك بخير وعافيه
ام وليد: بس بعرف متي بيجي ودي تجهزون يابنات فطاير على شوي حلى فشله في ابوكم حتى عشاء امس ماذاقه
هند: يمه اعذريني تعرفين بتجيني صاحبه الحلاوه الحين وببتتاخر عندي
نوال : يمه ماعليك اذا بيجي انا بجهز لك كل شي
وفاء : وانا بساعد نوال لاتشيلين هم
ندى : يمه انا باخذ الخدامه بنطلع نجهز قسم الرجال للملكه بكره
ام وليد: زين ماسويتي الله يعطييكم العافيه جميعا
وبعد العصر دخلو نوال ووفاء المطبخ يجهزون فطاير وحلو لابوهم
نوال تتصل بوليد: وليد وينك
وليد: قريب ليش؟؟
نوال: دق على ابوي قل له البنات مجتمعين ويبون يسلمون عليك وحرصه قل يبه مانبي نضايق امي اقلها بعد الملكه
نوال ماكان قصدها السلام بس ودها تفرح امها انه معبرها وجاي يسلم
وليد: اكلمه وارد لك والله مدري عنه
نوال: استنى اتصالك
وفاء: نوال وشو اللي ياجل الموضوع لبعد الملكه
نوال: يوه ناسيه انك ماتدريين وفاء سمي بالله ولاتضيقيين خلقك احنا لازم نصير اقوياء ونوقف جنب امي
وفاء تحط الصينيه من يدها: نوال خوفتيني وش صاير
نوال: وفاء ابوي متزوج وهو وعروسته بالفندق
وفاء:ههههههههههههههههههههه ضحكتيني جد والله علميني وش صاير
نوال: والله جد
وفاء تشوف ملامح الجد بوجه نوال ولاودها تصدق يكفي انها مجروحه قبل من زوجها يوم تزوج عليها
وفاء: نوال لاتكفين قولي غير كذا
نوال: وفاء والله ابوي متزوج ووحده هنديه جايبها معه من الهند
وفاء: لاااا عز الله كملت هنديه بعد ليشششش امي وش قاصرها الكل مايصدق بعمرها ويحسونها اصغر وحايفته حوف يادهينه لاتنكتين وحشمه ودلال وبيت مليان عيال وبنات وش ناقصه
نوال: وفاء وانتي وش ناقصك يوم يتزوج عليك عزيز بس الرجال كذا لايفكرون ولايقدرون العشره
وفاء: ياااعمري يااميميتي ، الله لايفجعها بس
نوال : الله يصبرها لو احسب الحريم كلها تصبر مااظن امي تصبر تحب ابوي حبها مبين في كل حركه وكل تصرف
ام وليد كانت تسمع كلام وفاء ونوال وتماسكت لنفسها سندت ظهرها عالجدار حست انها بحلم وجرت نفسها على غرفتها
دق جوال نوال: هلا وليد
وليد: ابوي يقول بيجييكم بع المغرب ساعه وبيرجع
نوال: هههههههه عريس الغفله والله علشان اميمتي والا شايله عليه بخاطري لبكره ولاابي اشوفه
يجهزون نوال ووفاء مالح وحالي وقهوه وشاي وتطلع نوال لغرفة امها تحصلها متغطيه
نوال تستغرب نومة امها بهالوقت بس ماحبت تزعجها طفت نور الغرفه وطلعت
اذن الغرب هند عندهاكوافيره تسوي لها حلاوه وحمام مغربي
حصه توها جايه من بيتها
وفاء ونوال جالسين بالصاله محضرين قهوتهم وشاهيهم
ندى تشرف عالخدامه بالتنظيف
نوال: بطلع لامي اجل اصحيها تصلي واعلمهاان ابوي جاي
تدخل غرفة امها وتلاقيها على نومتها تصحيها
ام وليد: نوال جيبي لي جهاز السكر شوفيه بالدرج اللي بجهة ابوك
نوال: سلامتك يمه وش فيك
ام وليد: ابد يابنيتي بس حاسه بدوخه ويمكن سكري مرتفع
تقوس نوال لامها السكر تلاقيه مرتفع حبتين
نوال : مرتفع يمه شوي
ام وليد: ابوك كلكمكم
نوال: يمه بيجي بعد المغرب بس صحتك يمه لاز تروحين للمستشفى خليني اتصل بوليد
ام وليد: لايمه عادي دايم تصير معي اكل حبة زياده خافض وخلاص
تقوم ام وليد من سريرها وتاكل حبتها وتتوضى للصلاة وتصلي وتلبس دراعتها اللي كانت لابستها امس لابو وليد
وبنفسها تقول( ااااخ ياعبدالرحمن هنت عليك طول عمري اقصر على نفسي بالراحه بالفلوس بالنومه الزينه على حساب راحتك وصحتك
تجازيني وتعرس علي لاوهنديه بعد) بس ماعليه انا وانت والزمن طويل
تنزل ام وليد وهي متطيبه ولابسه دراعتها ومدعجه عيونها وحاطه احمر الشفايف اللي ماعمرها غيرت لونه لانه لونها المفضل
نظرات نوال ووفاء وحصه المنكسره والمشفقه على امهم متوجه لها تتطلع بعيونهم وتقول بنفسها صارت امور اكبر من كذا ولاحسستكم بها ومااظن عرس ابوكم بيهدني وتتطلع بعيون وفاء وتقول بنفسها ياوفاء ماابيك تصيرين صورة من امك ابيك تاخذين الي يصير معي درس بحياتك
جلست بينهم وحسستهم ان الوضع عادي
دخل ابو وليد بعد الصلاة ودخلو حسام ووليد
سلمو البنات على ابوهم وقامت ام وليد بعد ماسلمو وحبت راسه وقالت له الحمدلله عالسلامه
صبو القهوه والشاي وجابو تحضيراتهم
http://www.*******.com/vb/imgcache/2/8904love.jpg
وسولفو وضحكو مع ابوهم اللي تمثل واللي فرحانه برجعت ابوها وام وليد بينهم مااحد حاس بالبركان اللي بصدرها
ابو وليد: وليد جب الشنطه اللي فيها هدايا امك واخواتك
جاب وليد الشنطه وفتحها ابو وليد وهذي عادته في كل سفره يجيب لكل بناته واولاده وزوجته هدايا
جاب لكل وحده من البنات بنجابي شكل
ابووليد: عاد لاتحسبونه رخيص جايب القطعه فوق الستميه
وفتح هديه ام وليد: هذي عاد هدية الغاليهام وليد ذهب هندي احسن من ذهبكم هذا ذهب خالص
مده لاام وليد وخذته منه : تسلم ياابو وليد خيرك سابق ماقصرت
وكان بنفسها تقول ليتك ماجبت لي شيء ولااحرقت صدري
قام ابو وليد من بينهم واستاذن بيصلي العشاء بالمسجد وبيرجع لفندقه
ووصى وليد يظبط امورالشبكه: وهذي بطاقتي لاتقصر عليهم بشيء
هبت هند وحبت راسه : الله يخلييك لي يبه
ام وليد جالسه بمكانها : الله يحفظك
ابو وليد حس بشيء ام وليد مو عادتها ماودعته زي قبل
طلع من عندهم وجلسو البنات يتقاوسون الملابس اللي جايبها ابوهم
بعدها بدءو يجهزن انفسهم ملكة هند
وبالليل كل خلد لغرفته وناام وام وليد قلبها يحترق وماودها تضايق احد من بناتها وعادتها كتومه بسريرها ودمعها بعينها وجالسه تتذكر الماضي والايثار اللي تسويه لعيون ابو وليد
الساعه عشر الصباح صارت وام وليد ماغمضت عينها صحت البنات ونزلت جهزت فطورهم بنفسها
جلسو عالفطور وافطرو
ام وليد: يله يابنات كل وحده تجهز نفسها وتكلم المحل اللي حجزت منه وتروح مع السواق تجيب اغراضها نبي نرتب كل شيء قبل ياذن العصر وانتي ياهند كوفيرتك كلميها اكدي عليها تجييك العصر ارييح لك وانا امك
بدو البنات وكانهم نحل يرتبون وينسقون وخذو اطفالهم الصغار حطوهم ببيت عمتهم الكبيره وهي اللي طلبت منهم يجيبون الصغار عند شغالتها علشان مايشغلونهم
ام فهد العصر طلعت المشغل وسوت شعرها ولبست احلى لبس وكان شكلها اصغر من عمرها بعشر سنوات
فهد حااس نفسه اليوم شخص ثاني وفاقد نعناع امه على انه مو وقته بس مايبي يحسسها ان فيه حاجه بالدنيا ممكن تبعده عنها
يتصل على امه: هلا يمه
ام فهد: هلا حبيبي
فهد: يمه ناقص شيء
ام فهد: بسم الله وشو
فهد: يمه ابي نعناع من يدينك والحين
ام فهد: هههههه خرعتني احسب ناقص شيء من تجهيزاتنا ماعليه من يديني من يديني شوي حبيبي واجيك بالصاله
وفي بيت ام وليد التجهيزات على قدم وساق ووليد حايس ويوصي حسام والكل شغال بامور الملكه
وبعد العشاء الامور مرتبه العروس جاهزه بفستانها الاحمر وتسريحة شعرها البسيطه
اخواتها سوو استشاور مع بف بسيط ولبسو فساتين سهره ناعمه
كان جو الملكه حلو هادي مرتب والبنات ماقصرو بالشموع والحركات الرومنسيه
دخل فهد بعد الملكه عند النساء كانت هند مستحيه ومنزله راسه من الحياء ام فهد تطلع لفهد وهو داخل وماتمالكت نفسها قامت وضمت فهد وباركت له وجلست تبكي
فهد حاضن امه ويبتسم لهند : يمه اذا تبين نهون نهون
هند ماحست بنفسها وخزته بنظره حاره ضحك منها فهد
ام فهد: ترفع راسها الله يوفقكم ياوليدي ويسخركم لبعض
صورو العرسان وصورت معهم ام فهد لبس فهد عروسته شبكتها اللي كانت ثقيله وكلها مرصعه بالالماس
ولبسها الدبله اللي كانت ماتقل لمعه وفخامه
هند يومها صايره كيوت بالتسريحه الناعمه والمكياج الاحمر ضحكت قطعت الاقتوه مع فهد ومازالت تحس نفسها بحلم
ام وليد تطلع بعيون هند وباقي البنات وتقول بنفسها(اللي ساه ابوكم لايمكن يغير فييكم شيء الا بيقويني وبوقف جنب كل وحده فييكم واسعدها وبعلمها ماتسخر حياتها لخدمة زوجها وبس لالالا لازم تخلي لنفسها قدر واحترام
فناتيل
•
البنات اللي طلبو قصصي السابقه
بيت العائله
http://forum.hawaaworld.com/showthread.php?t=3032372&styleid=34
الغربه المؤلمه
http://forum.hawaaworld.com/showthread.php?t=2970995
بيت العائله
http://forum.hawaaworld.com/showthread.php?t=3032372&styleid=34
الغربه المؤلمه
http://forum.hawaaworld.com/showthread.php?t=2970995
الصفحة الأخيرة