مشجع و متجدد/ قصصنا مع الدعاء المستجاب في شهر رمضان فقط

سبحان الله وبحمده سبحان الله العظيم

لااله الا الله محمد رسول الله
اللهم صل وسلم على سيدنا محمد
اللهم لك الحمد كما ينبغي لجلال وجهك وعظيم سلطانك
لاحول ولاقوة الا بالله العلي العظيم
استغفرالله الذ لااله الا هو الحي القيوم واتوب اليه
لااله الا انت سبحانك اني كنت من الظالمين
اللهم اغفرلي ولوالدي وللمسلمين والمسلمات الاحياء منهم والاموات
سبحان الله وبحمده سبحان وبحمده سبحان الله العظيم

اللهم صل على محمد وعلى آل محمد

السلام عليكم ورحمة الله وبركاته والله ثم والله اني باقولك هذا الكلام وانا صادقه في كل كلمه اقولها لك حبيت ارتب وقتي هذا رمضان العام وكان عندي رغبه شديده في العباده وختم القران الكريم ولاكن سبحان الله معا اول ايام الرمضان جاتني سخونه اعوذ بالله وبعدها الم في جميع مفاصل جسمي وضيقه شديده وامر مشكله ثانيه قويه قويه شوفي ياخواتي رحمة الله قويه صليت العصر وانسدحت جنب سجادتي وانا تعبانه حيل كلمتني امي فديتها تبي مني اجيب لها اغراض ضروريه واسوي لها شي من الحلا والاطباق الثانيه لانه بجيها ناس من قرايبها ساكنين براء الديره وبيفطروون عندها قلت لها ابشري وقمت من سجادتي وانا ابكي من الالم وضيقه ودخلت المطبخ وسويت الي ربي قدرني عليه وكلمت الدريول ورحت خلصت شغلها واثنا ذاللك ادعي ربي بسبب بري بامي ان الله يشفيني والله يحل مشكلتي ايه ونسيت لا قولكم بعد تبيني اجلس عندها اساعدها في اكرام ضيوفها والله يابنات بسرعه بسرعه رحت بيت امي بعد ماخلصت شغل امي ورتبنا السفره ونساء ماشاء الله من التعب ماميزت عددهم اي والله ياخواتي هم خمسه اوسته مادري بس بعد صلاة التراويح جلسوا يسولفون ويسئلوون امي عن ناس من قرايبنا من زمان ماشافوهم طبعا انا كنت واقفه اقهويهم واتذكر سبحان الله ياخواتي اني خذيت صحن اللقيمات اقدمه صوبهم يقدعون منه الا وتجيني مثل الضيقه والكتمه سبحان الله وعطيهم الصحن واجلس وتدعي لي وحده من العجايز الله يشفيك يا بنتي تعبناك وتدعي وتدعي وترووح امي فديتها وتجب ماي زمزم واشرب وضيوف ماشاء الله مشووو وتكلم وحده منهم امي بعد ماراحووو وقالت لامي بنتك فيها عين وعين وحده من العجايز الي معي اخذي غسول الفناجيل وغسلي بنتك فيه والله يابنات تغسلت وتوضيت فيه سبحان الله وتجيني لوعه وانتو بكرامه وجيني مثل الاسهال والاغازات سبحان الله وتعطيني امي منه وتقول وقت السحور بعد تغسلي فيه اهم شي القفاء اول صبه فيه سبحان الله وارووح البيت تعبانه وانام وتجيني بنتي الكبيره وتقول قومي يمه وقت السحور وجدتي على تيلفووون وتكلمني تطمن وتذكرني بالماي المهم الحمد الله تسحرت وتغسلت والحمد الله واجلس اشوي بعد صلاة الفجر الذكر الله وابكي واستغفر وادعو الله وحزينه جدا جدا على الرمضان الي راح مني ماعبدت الله فيه عبادة ترضيني المهم نمت وشوف رؤيا الزينه سبحان الله واقوم متخرعه افتكرت اذن المغرب من طول النومه وانا شبعانه ونشيطه نوم وشفت ساعه الا الساعه 11 سبحان الله وقمت نشيطه وبخير ولاعاد اشتكيت من شي الحمد الله وسبحان الله وبعد صلاة التراويح جاني الخبر الثاني الحلووووووو وهو ان الله حل مشكله كبيره كانها ماصارت وعرفت ان البر من الاعمال الي الله سبحانه يكشف بها الكربات ويستجيب الدعاء

سبحان الله وبحمده سبحان الله العظيم
ان الله حي كريم يستحي ان يرفع العبد يديه ان يردهما صفرا خايبتين
لايرد القضاء إلا الدعاء
يستجاب لاأحدكم مالم يستعجل
عندما ترفع يديك وتبتهل فالدعاء ف ثق بانك في إحدى ثلاث حالات إما إجابه. اودفع سوء.او ذخر للأخره
اللهم استجب لكل من دعاك يارب.