السلام عليكم ورحمة الله وبركاته
وكل عام وانتوبخيروصحه وسلامه يارب
هذي اول ردلي على مشاركه بعدرجعتي من الحج
وسبحان الله كنت ناويه اكتب هالموضوع بعدرجعتي بس زين شفت الموضوع قبل ماانزله
اول شيء اسال الله ان يتقبل مناومن جميع المسلين الحج ويغفرذنوبنااجمعين

بالنسبه للحج فانااعتبره احلى رحله في حياتي بالفعل
وطبعااول مره احج فكنت متحمسه وفرحانه وان كان فيني خوف لكن الحمد لله على التيسير
امابالنسبه للمواقف فحدث ولاحرج مرت علي مواقف مبكيه ومضحكه مابقى منهاغيرالذكرى
اول موقف مرعلي هواني لمارحنانطوف طواف الافاضه طبعااحناطلعنامن المخيم الساعه ثنتين ونص الليل ومارحنامع باص الحمله رحناوحدنالان الحمله كانواراح يتاخرون واحناخفنامن الزحمه قلنانروح بدري
المهم عاد ركبنامع نقل علىاساس يوديناالحرم ومشيناشوي بعدهاركبومعنا مجموعه وكملناالطريق وبعدهابفتره وقف الباص ونزلوامنه ناس واناسمعت واحديتكلم يقول اللي تبع الحمله بس يجلسون
قمت اناونزلت لاناموتبع حملة الباص نفسه ويوم نزلت















اناظريمين يسارادورعلى زوجي والاابوي مافيه احد
اتاريني نزلت بالغلط تخيلوالموقف
ساعتهاحسيت قلبي توقف
قمت ودقيت على جوال زوجي وقلت له ارجعواتراني نزلت قال وشو؟؟نزلتي لييييش
واسمعه يصارخ على السواق وقف وقف
المهم نزل ورجع لي وهويركض وطبعاالباص ماراح يستنى مشى ورحناخذيناسياره ثانيه
والله موقف ماانساه والحمدلله رحمه ان الجوال مسك معي لان الشبكه كانت دام مشغوله من الزحمه لكن ربي ستر
وموقف ثاني بعداحلى واحلى
لماكنابمزدلفه كانت الساعه ثلاث الفجرواناماجاني نوم كان فيه وحده معي كانت تبي تاخذحصى واناكنت ابي اروح اتوضا قمناومشينابنروح دورات المياه وطبعاالناس كلهم نايمين بالشوارع وعلى الارصفه وبكل مكان
المهم اناكنت متغطيه طبعاوبالليل وماشوف زين واحنانمشي حسيت اني رصيت على شيء وماقدرت اكمل المشي قلت يمكن رصيف وماشفته يوم ارفع الغطا وش تتوقعون؟؟؟



تخيلوا اتاريني وطيت على رجلين واحدكان نايم
وشكله بغى يقوم يكفخني بس شافني حرمه ماقال شيءمسكين والله الى الحين اسال نفسي اقول ياترى هل هويمشي زين والايعرج
وعسىمادعىعلي بس الله يستر
ياربيييي وشهالمواقف


وفيه كمان موقف ثاني بس هالمره مولي وحده معي بالمخيم
البنت مسكينه قامت ترتب فراشها وطوت البطانيه وكان فيه رف حديد معلق بالخيمه عاد هي بتحط البطانيه عليه بس ماتطوله
قامت ورمته بقوووه

وين راح



طارالمخيم الثاني


ومن فيه؟؟



رجال اللي كانوافيه
والله متناضحك عليهامسكينه
وللاسف توقعنايرجعونه لكن مارجعوه والله يخلف عليها
والايوم جاعليناالمطربالجمرات تعالي شوفي اشكالنابعدماتغرقنا والاابوي وزوجي خذولهم اكياس زباله صفراءوفتحوافتحه لروسهم ويديهم وصارت كانهاسديري ودخلنامبنىوزارةالحج لين راح المطر
والثياب كانت بيضاءصارت سووودامن المويه الوسخه
وفيه مواقف كثيره بس طولت عليكم والسموحه على المغثه

تحيتي

لا مستحييييييييل مع الله

نسيم الود
الحمدالله عالسلامه

تقبل الله منا ومنكم صااااااااااااااالح الاعمااااااااااال

وحج مبرور وذنب مغفوووووووووووووووووووور

ماشاء الله نسيم الود

الحمدلله على السلامه
وحج مقبول وسعي مشكور وذنب مغفور

أما المواقف الحمدلله راحت
وتبقى ذكريات

:27: :26:

ياقلبي يانسوووووومه...

مواقفك خيال...

والله ايام روعه...

ياربي بس القى وقت واكتبها لكم...

احلى سلام...

0
00
0
نسيم الود .. حج مبرور وتقبل الله
وش هالمواقف .. روعه.. والحمد لله على سلامتك

بس تصدقين كل شي ممكن تخف ذكرياته الا ..
الجوانب الايمانية العظيمة في الحج .. يعني السنة الجاية
اذا شفتي الحجاج بيوم عرفه في التلفزيون تتذكرين وقفتك بعرفة
وكل ماشفتي الكعبة تحسين بلذة الطواف والزحمة في الحج
والمشاعر فوق الوصف في الحج رغم التعب والتعجب من الاجناس
والاشكال والاوضاع واسلوب الحياة في الايام المحددة
الا ان . لها طعم ايماني خاص
اللهم تقبل منا ومن سائر المسلمين

هلا يالغالية .. لامستحيل
في شوق لسرد مواقفك

اختكم:
**المتفائلة 4**
0