إلى الأخت العزيزه
لا مستحيل مع الله

أنا حجيت من زمان قيل 12 سنه تقريبا
وما كان عندي خبره مع إني فتحت كتيبات عن الحج
بي أحس ما فهمت شيء سبحان الله التطبيق غير القراءه وخصوصا الحج
المهم الحج عدى على خير بس آخر يوم في طواف الوداع عقب ما خلصنا
وكنت يعني كاشخه ما أدري شالسالفه قلت الأمر هين نطوف وخلاص بعدين
على المطار وكان الحذاء إلى لابسته مو مريح ما كنت ألبسه أيام الحج خليته
للمطار يعنى الأخت مسويا روحها مسكته
طفنا على خير والحين بروح المطار ندور سياره مافى سياره نلحق عليها
نطرنا نطرنا ماكوا خاف أخي إلى مرافقني إنه تغيب الشمس وإحنا بمكه
قالي يالله نمشي والله وكيلك مشاني في نفق كله عماله ورجال
والنفق شطوله وظليت طول الدرب أمشي ودموعي تصب من تحت
النقاب :icon33: ما بطلت إلا لما وقفلنا ولد حلال وركبنا وصلنا على الفندق
وعبالي المستخدمات راح يساعدوني في حمل الشنط الكل مشغول :16: عني مو صوبي
ولازم أخلص بسرعه علشان أروح المطار بسرعه
اضطريت أنزلهم بروحي وأمري لله
وبعدين رحنا المطار وارتحت شوي
قلت الله عسى أن يكون خير

أنصحك في الحج :
لا تجادلين مع أحد لو كنتي محقه
خوفا أن يتبع ذلك فسلد أو نقص بالحج
"فلا رفث ولا فسوق ولا جدال بالحج"
كله منهى عنه ولأتك
راح تشوفين أشكال وألوان من البشر وخصوصا النساء
راح تشوفين أنواع من اللباس ما يصح ارتداها حتى لوبين النساء
فاتركيهم حتى لا تخرب حجتك
راح تشوفين مخامط على الطعام اللعب حيث يملئون الصحون بما
لا يأكلون غير الهمز واللمز وكل شيء مو عاجبهم
وحريم ما همهم إلا السوق والتبضع
انصحك:
إذا تبتشترين هدايا اشتريهم من الحين وخبيهم
لا أحد يشوفهم علشان ما تضطرين تروحين السوق ويضيع وقتك
خلى ملابسك خفيفه ولا تنسين أدوات التنظيف
من صابون و فرشه معجون مشط محارم كريم
ولا تنسين بعض الأدويه إلى قد تحتاجيلها مثل الأدول
دراعه حلوه حق العيد وملفع حلوه وكحل بعد التحلل
خذي معاك مروحه صغيره يدويه علشان إذل صار حر بمنى
أنا وقتي كلن حر ما أدري وقتك شلون
استغلي الأيام بالطاعات من ذكر وقراءت قرآن وصلاة فالأجر مضاعف
والإكثار من الدعاء خصوصا يوم عرفه

وأتمنى لك حج مبرور زذني مغفور بإذن الله

ياااااااااااااهـ مرّت سنه...

مرت سنه من حجي...ياااااه وش قد الايام تمشي سريع...سريع...حتى اني ماعدت رجعت لصفحتي اكتب لكم مواقفي بحجي العام...

لكنها مازالت محفوظه عندي...ولابد اصوغها لكم..

حبيت ارجع هالصفحه بينكم..تجديد لهمة من لم تذهب للحج..

واستمتاع لمن حجت..واستعاده للذكريات...

ياربِ ارزقني حجات ..قبل الممات

محبتكم/لامستحيل

السلام عليكم ورحمة الله وبركاته
الله يسهل عليك حجتك انشاء الله ويتقبل منك ومن الجميع
اولا البسي عبايهمهيب مسكره الي نسميهاالاسلاميه لانهاخطر في الزحمه وانا اذكر اني لبست عبايهكتف واسعه وفوقها طرحه كبيره زي طريقة الاجانب تقريبا وكانت مريحه مره لانكمعرضه للزحمة وتجرجر العبايات وخذي معك عبايه احتياط
والبسيجزوة رياضه مريحه لاني اذكر اني لابسه دس وطاحت مني في الرمي ومافيهامل ترجعين شي هناك والبسي بنطلون داخلي استر لك ولاتنسين تاخذين
بطارية جوال احتياط
وانصح الجميع في الطواف دائما كونو وراء الزنوج الافارقه لانهم دايم يبعدون الناس من قوتهم ماشاء الله وبذلك تكونين تبعهممرتاحهبسمنصرعه من الريحه
واذا كنتي في حمله مرفهه مره حاولي انك تنسحبين من الجلسات الي مالها داعي وكلها حكي في امور الدنيا
ومن المواقف الطريفه في الحج ان زوجي بعد ماحل الاحرام وكان مقرع وتجيك ذيك الحمامه وتسويا على راسه اذكر انه ارتاع من هالي لبخ فوق راسه وع وع
واسال اللهللجميع حج مبرور وسعي مشكور

هلا..بهلا

نورتي الصفحه يالغلا..

بس شكلك مانتبهتي لاخر ردودي...انا حجيت العام وموضوعي هذا من العام الماضي بس حبيت ارجعه بين البنات عشان يكتبون مواقفهم لنا...

اشكرتش مره2 على مرورتش

أخواتي في الله ادعو لي أن ييسر الله لي الحج والعمرة فوالله كل ما نهم بالعمرة لا تتيسر أموري اما لمرض زوجي او لولادتي أو او اشياء كثيرة قد تكون تافهة لكن لا تتيسر أموري والله أدعو دائما بان أرى الكعبة بعيني وهذه امنيتي .. فالرجاء الدعاء لي ..
وعدني زوجي ان نذهب للعمرة الاسبوع القادم فادعوا الله ان تتيسر أموري