انا ضد الطلاق في هذا
الوقت خصوصا ان بينهم طفـل
واذا كان عن شكلها فالجماااااال ليس مهم
لانها لو كانت جميلة مصيره راح يمل منها بيشوفها
حلوة مرة ومرتين بعدين راح يمممممممممل اذا كان الزواج ينجح
بسبب الجمال فلن ينجح الا القليييييييييل وستفشل الاغلبية
والحب راح يبنى مع الايام اهم شي هي ماتيأس
وماتصير بعيدة عنه لا تقرب منه وتستحمل الكلام
يعني تسمع من هنا وتطلع من هنا وانا فهمت انها
شخصية مرحة خليها تحاول تتمسك بمرحها وشخصيتها
الحلووووة ولا تخلي الظروف تهزمها وزوجها باذن الله راح يمل من كلامه
خصوصا اذا جاء الطفل راح تتغير اهتماماته ويصير يفكر في الطفل ومصيره واذا عن الوظيفة خليها تبحث عن السبب اللي خلى زوجها
يطلب منها انها تترك الوظيفة .هل هو قلة اهتماهها فيه يعني تبحث عن
السبب وتحاول تعالجه بقدر الامكان.....
ولا تستسلم ابدا اهم شي اخلاقه وصلاته اذا كان يحافظ عليهم
هذا والله اعلم ....

أولاً: احب اسأل الزوج ما شاف زوجته قبل الزواج؟ اقصد الشوفة الشرعية
واذا كان شافها ليش رضي يتزوجها اذا ما كانت عاجبته؟؟ (بنات الناس مولعبة)
تخيلت نفسي مكان الاخت
كرامتي ما تسمح لي اني اجلس مع واحد ماني عاجبته ولكن...
الطفل يخليني اعيد تفكيري مرات ومرات
قاعدة افكر في طريقة تخلي الزوج هو اللي يجري وراها ويترجاها انها ترجع له
لو انا مكانها اجلس حاليا في بيت اهلي (ترا البعد عن الزوج يخليه يحس بنقص في حياته ويحس بقيمة زوجته)
واهتم في نفسي بعد الولادة كاني عروسة (لازم الاخت تحرص على الاهتمام ببشرتها وقوامها ومكياجها ولبسها والابتسامة اللي هي معروفة بها لا تتركها لانهاراح تحسسه بانوثتها وقوتها في نفس الوقت)
والوزن اكيد بيزيد بعد الولادة
واذا كلمني في التلفون احسسه اني مررة مرتاحة عند اهلي واني اقدر اعيش بدونه (لازم اكون واثقة من نفسي لان الف رجال يتمنى وحدة عندها اخلاقي)
وبعد الولادة عااادي اتفاهم معاه على الطلاق
احسسه اني انا اللي ما ابغاه وانا اللي ارفضه لانه يبتزني وياخذ فلوسي
انا ما احتاج رجال ما يقوم بواجبه تجاهي كزوج
اجل ليش هو رجال البيت اذا انا اللي راح اصرف على نفسي
هو اللي المفروض يصرف علي حتى لو انا غنية وعندي فلوس

واكيد انه لوشافها بعد التغيير مع التغيير المعنوي في الشخصية (القوة والثقة بالنفس بدل الضعف واظهار الحب له)
راح يغير رأيه ويتمسك فيها لان هي هذي اصل المشكلة
صدقوني
المشكلة ما هي شكل الزوجة لا لا
المشكلة في شخصيتها
لازم تكون قوية وواثقة من نفسها بدل ما تكون انهزامية
لو كانت شخصيتها قوية من البداية ما كان التفت الزوج لشكلها
ترى الشكل هذا هو الشماعة اللي الزوج قاعد يعلق عليها اسباب عدم رضاه
صحيح انه لا بد من الاهتمام بالشكل (عشان يلتفت لها )
بس اللي راح يأثر فيه اكثر شخصيتها
اتمنى من الاخت دائمابينها وبين نفسها انها تردد العبارات التالية
(طالما انني انثى ، اذن انا مرغوبة )
( كل انسان فيه نقاط جمال شكلية ومعنوية تلفت من حوله لكن لابد من ابرازها بشكل واضح )
واسأل الله انه يصلح حالهم

الطلاق يا ربييييييييييييي

ترا الطلاق مو سهل

والمشكله اللي ذكرتها الاخت اهون من كثيييييييييير من المشاكل ..المشكله ما خلاها تبرز هاليومين الا الفضائيات وبلاويها حسبي الله عليهم ...ذبحونا صرنا في وضع مقارنه ما بين جمال طبيعي وجمال صناعي ومرقع

ذكرتني هالسالفه بحماي اخو زوجي كان مشترط على اهله مواصفات معينه ومن ضمنها البياض يوم الخطبه كان مرتبببببك وما شافها عدل بعد الملكه استخف وسوا مشاكل ما لها اول من تالي ...مرت على البيت ايام مثل الكابوس لدرجة انه اجل العرس 3 مرات وكان بيطلقها!!! رغم كونه جامعي وانسان فاهم بس راسم صوره معينه ماهو راضي يغيرها .... وبعد الزواج ظل شهر على نفس الوضع وبعدييييييييييييييييين تغير 180 درجه صار الرجال ما يفارق البيت وصارت زوجته السمرا تساوي حريم الدنيا عنده وقالها كم مره يقول شلون كنت بفرط فيها ويعترف انه ذلها اول الايام وانها كانت تبتسم وتقول له بكل ثقه راااح تلف وتدور وترجع لي ...بس شنو السبب اللي غيره ,,,,؟؟؟؟ السبب ان زوجة حماي هذا انسانه مثقفه واااااااااااثقه بنفسها وفوق هذا وحده تعرف تبرز جمالها تعرف تهتم بنفسها لدرجة ان حريم البيت كلهم اللي هم ابيض منها قامو يغارون منها هههههههههههههههاي يعني بشطارتها خلت زوجها ما يشوف بالدنيا غيرها...مشاء الله تبارك الرحمن الله يتم عليهم

انا من وجهة نظري ان الاخت تبتعد فتره عن زوجها ولكن ما تحسسه انها طفشانه من تصرفاته بل بالعكس تكلمه بكل هدووووء وثقه ..لا تحسسه انها حست بالاهانه ... واهم شي الثقه الثثثثثثقه ...خل تكون واثقه من نفسها

وبعدين المرأه اذا زاد وزنها اكيييد بتفتح بشرتها وبتحلو خصوصا ان اغلب الحريم بعد الطفل الاول يزيد جمالهم بشكل كبييييييييير ...واهم شي انها تهتم بنفسها وشكلها ومن هالناحيه انا ما عندي اي مانع اني اساعدها بدون حدود لتغيير شكلها وللحصول على احلي نتيجه من ناحية المكياج واللبس ومستحضرات التجميل والخلطات وكل سوالف الحريم ...نيووو لوك على ما قالو:) واذا بتتواصل معاي انا بالخدمه . .يعني راح تطلع للزوج بعد النفاس بشكل يبهره ويعلقه فيها ..

والوظيفه اذا شافت انه مصر حيل تشرط عليه مبلغ معين تحصل عليه منه وتاخذ اجازه من غير راتب تجرب فيها الوضع الجديد ..بس تحاول انها توصل لهالحل بدون شد او توتر...

ولا تحط فكره الطلاق في بالها الانسان يتفائل ما يبديها بكلام يحبط..ترا بعض الحريم ما فيهم من الزين شي ومع هذا يعرفون شلون يجذبون رياجيلهم وبعض المزايين يتحسف الرجال انه اخذهم !!!

وان شاء الله تهدى الامور وتستقر نفسيا وتصير عند زوجها اغلى من عيونه

اولا الله يقومها بسلامه
ثانيا انا من رايي انها ماتتسرع صحيح انه جرح بس ماتدري ربنا ايش كاتبلها
امكن تكون اسعد من مليون زوجه بعدين انصحها تستشير انسان عاقل وله خبره
والوظيفه امان لها لاتتركها ايش ماصار.....ولاتنسى الدعاء والله يوفقها ويقدملها
السعاده....آآآآآآآآآآآآآآآآآآآآآآآمين

سبحانه ذكرتني بنفس قصه صديقتي

على ان صديقتي ابتسامتها ومرحها يعطيها جمال خارجي يطغى على اي جمال
الكل يتنافس على صداقتها وحبها
بس طاحت برجال ماشاف هالشي ابد
وهي نفس الشي يتيمه عايشه عند عمها اللي مايجيب وربها احسن تربيه
مالكم بالطويله

هي نفس تسلسل القصه الين ماقال لها انه راح يطلقها بعد ماتولد .. وهي كانت تبكي وتقول لي انا عشت بدون اب وجربت هالحرمان ..مابي ولدي يعيش بدون اب ..
ورجلها كان يقول لها ولدك ذا مابيه ربيه انتي ولا راح اطالب فيه ( من كثر ماهو بايعها )

المهم .. قعدت كل شهور الحمل عند اهلها .. لين جت حزه الولاده وتعسرت بهالولاده وبغت تموت .. وكانت طول ماهي تولد وهي تدعي ربها ان يسخر لها رجلها
سبحان الله ماكتب ربي هالولد يعيش ومات على طول من بعد ولادتها ..
الكل فرح انه خلااااص مابينهم شي وراح يطلقها .. يعني قبل كان فيه احتمال وجود الطفل بس ربي اخذ امانته

المهم بعد شهر من ولادتها على ان الاب ماحضر دفن ولده ولا شارك بشي
جاء لمها يبكي ويطالب انها تسامحه وقال كل شروطك على عيني وراسي بس ترجعين لي
سبحان مغير الاحوال

ورجعت له لانها تحبه ولا عاشت بمحيط رجال ولا لها خبره بالرجال

والحين صار لهم 3 سنوات .. جابت طفلين ورجلها بس وده يشيلها من الارض بعيونه من حبه لها


:24: