همس النسيم
حياك الله ,,,

والطلاق بالفعل امر صعب ولابد من جعله اخر الحلول ,,,

Mrs TaTa
والله لااعلم هل كان هناك نظرة شرعيه بينهما لكن لااعتقد ذلك ,,, لانه واضح انه لم يرها قبل,,,

الشـــــوق
مرحبا بك

وسبحان مغير الاحوال ....
لكن المفروض الاهل دائما يحاولون يخطبون لابنهم زوجة بالمواصفات التي يريدها حتى لايظلموا بنات الناس
وشكر لك ماتقصرين واتمنى صاحبة المشكلة تستفيد من عرضك .....

لواثقة من زوجها
حياك الله ,,,

وبالفعل لاندري ماذا يحدث غدا ,,,,

نصيحتي لها ان تنظر حتى تضع مولودها ,,



فينوس

حياك الله ,,

الله يسعد صديقتك ويهنيها ....

والحمد لله ...

الله يعينك عليه هذا شكله ماعنده ذوق مدرى اش حابه فيه :26:

الشاب السعودى دائما تافه وسطحى .....وجهة نضرى ونا حره فيها


:26:

غريب هالانسان
يعني سؤال ماشافها قبل الملكه !!

هل هو وسيم مرره لدرجه انه يجرح مشاعرها بطريقه هذي بخصوص شكلها الخارجي خصوصا ان مافيها عاهه او عيوب خلقيه صريحه يعني فقط مو جميله موت !!

عموما ً ماهتميت بنقطه هذي مثل ماهتميت ونقهرت من طلبه الوقح بخصوص راتبها !! هذا بحد ذاته يدل انه ماهو رجال ولا يستحق الثقه ابدا
كيف هي تشتغل وتتعب وهو ياخذ راتبها ليه هو الكفيل وهي خادم عنده ولا ايش بضبط ؟؟

اوكي هي تترك بيتها الصباح وترجع تعبانه ويمكن تقصر شوي بخصوص بيتها يعني ممكن تساعده بمصاريف البيت لكن تعطيه راتبها كله لا والف لاااا

ولو ارضخت الان له وعطته راتبها ويتصرف فيه بكيفه راح تندم اشد الندم لو تطلقوا او تزوج عليها وتذكرت انها كانت تساعده بدون ماتدري فا تبعد عن اي شي ممكن يخليها تتحسف وتندم وتنقهر بوقت فات فيه موعد الندم الي ممكن يرافقها طول عمرها ويبقى حرقه بقلبها :29:

هي في بيت اهلها الان يعني بسبب مشكلة الراتب اجل بسلامته يا يعقل ويفهم انها انسانه عاقله وواعيه ومستحيل تسلمه راتبها كنها عامله عنده .. تخلي اخوها او ابوها يستفسر منه اكيد انه اذ فيه باقي ذرة رجوله راح ينحرج انه يقول ابي راتبها :D
لو قال ابيها تترك وضيفتها ارحم من انه يقول ابي راتبها .. وبرضو زوجها مو مضمونه الحياه معه فاراتبها راح يساعدها كثييييير خصوصا لو انفصلت عنه تكون معتمده على نفسها وماتكون هي وطفلها ثقل ومسئوليه على اهلها وعلشان يساعدونها بالانفصال مايرجعونها له بسبب مسئوليته :(

وختاما اتمنى الله يهدي زوجها ويشيل فكرة راتبها من راسه ويرجعون لبعض اقل شي علشان خاطر هالطفل المسكين الي جاي بطريق وبه الفتره مثل ماقالوا البنات تهتم في نفسها اكثر وبصحتها شي يساعد وزنها يزيد وتهتم بتغيير شكلها كلياااا من شعرهاا الا مكياجها الا لبسها الخاص معه وان شاء الله تملى عينه ويندم على كل لحظه جرحها فيه بخصوص شكلها !

وبالتوفيق :26:

..

.

عزيزتي حاولي تتعاملي معه بكبرياء عالي ولا تقدمي تنازلات وبنفس الوقت حاولي تغيري بشكلك وانتي في بيت اهلك يعني غيري لون شعرك و الامور اللي تعجبه وخليه يجي يشوفك وانتي على سنجة عشره رتبي خطه انه يجي بدون ما تقولي له تعال وبنفس الوقت ابقي على صدك له وشوفي كيف راح هو يركض وراكي

مرحبا ماويه
يالغاليه انا اشوف انه من البدايه قالها انها مو عاجبته وبين لها انها مو مثل مايتمنى
وهالشي جرح مشاعرها وحطمها وهو ولاهمه وهذا دليل على انه بايعها من الاول ومرخصها

اتوقع انها لو بتترك وظيفتها وتصبر وتضحي بعمرها مع واحد مستحقرها ,,,,,,,,,,,,,,,,, ماراح يتعدل بالعكس بيزيد الامر سوء خصوصا وهي صارت
منحده عليه الحين ومحتاجه لكل فلس يمده لها ,, واولا واخيرا بيروح يدور فتاة احلامه
والصفات اللي يتمناها وماحصلها فيها .. يعني الافضل انها تجلس ببيت اهلها وتنتبه للطفل لما يكبر ويشد حيله والحضانه طبعا بتكون لها لسبع سنين .. والله يعينها ويعين الجميع