مشكلة امي مع قريبتي ابي حل

السلام عليكم
مادري صراحه اغلط ع قريبتي او هي قصدها ثاني
شوفو بقولكم المشكله بالتفصيل انا كبيره عمري ٢٩
من يوم كنت بزر عمري خمس سنوات وانا تقريبا
ساكنه عند هالاقارب ذولا لي لان كل بناتهم
قريبين لعمري كبرنا مع بعض درسنا مع بعض
الى قبل شهر ننام مع بعض ببيتهم انام عندهم وينامون عندي
فجاه صارت مشكله صغيره بين امهم وامي
على عزومه حفله ماعزمت امي مدري كيف كبرت السالفه مره مره
والنفوس شالت وكلن يزيد النار حطب
اللي يجون يقولون لامي مطنشتكم واللي يروحون
يقولون لاقاربي وش دخلها تتشره وتكبر المشكله
وتتمشكل
انا انقطعت وحذفت قروب بنات اقاربي لان
شفت امي مره مره شايله عليهم
دخلت امس بنت اقاربي اللي مره معي
وقالت لي
دامك حذفتي القروب
وابعدتي من نفسك على سالفه بسيطه الله يستر عليك
هذا مكسب لنا مو خساره ان الواحد باعنا
من اول موقف
تتاثرين بحركات امك <هذا اللي قهرني وش قصدها
بتتاثرين بحركات امك
وتنسين بنات فلان اللي لك سنين معهم وعشره من صغرك
اول شي فهموني وش قصدها تتاثرين من حركات امك
امي فيها طبع هو كثرة الشرهه والزعل ع اسباب تافهه
ثاني شي وشلون ارد عليها باسلوب بدون زعل ومشاكل
ماودي المشكه تكبر