مشكلة بنتي مع الاكل الله يجزاكم خير عطوني حلول

السلام عليكم ورحمة الله وبركاته

خواتي انا عندي مشكلة مع بنتي وعمرها 11 تقريبا
ماتحب الاكل ابدا ولا تحس بالجوع من كانت صغيرة وانا مليت منها لانها جاها وهي صغيرة بقع تتقشر من ايديها بسبب الضعف والحين تشتكي من دوخة ووجع راس
صدقوني خواتي مشكلتي انه صعب اتابعها لانه عدم محبتها للاكل بشكل يومي مثلا بالمدرسة اذا جهزت لها بيضة تقول تجيب لي استفراغ واعطيها فلوس وترجع كثيرا مااكلت شي او تشتري عصير وكاكاو واذا سويت لها سندويشة لازم ترمي جزء منها
الحقيقة اني اليوم ضربتها من قهري هذي ماتحس بالجوع وبراطمها بيضا ووجهها يغمق مع الجوع وهي مهيب دارية انا استغرب منها
سبق وهي صغيرة يمكن عمرها شهور وديتها عند دكتور وقلت لها ماعندها شهية واستغرب وكتبوا لها فيتامينات ولا استفادت اركز عليها احيانا وتزين صحتها وبعدين ترجع غير انها بطيئة بالاكل يعني الخبزة الصامولي تطول فيها وكل الاكل لازم تحط فيه مشكلة وتفضل السوائل
الله يجزاكم خير ابي حلول او اعطيها شي يفتح الشهية
علما اني جربت معها الحلبة من يجي سنتين استفادت منها وزانت لانها تحب الشي المريح السهل سوائل عصيرات او حليب تشربها بس الى متى ؟
المهم جربت معها الحلبة واستفادت بس تركتها لاني قريت انها ترفع الهرمونات والبنت توها صغيرة ولا ابي اضرها