مشكلة زوجي مع اهله

السلام عليكم جميعاً
انا متابعتكم من زمان و جد احب مشاركاتكم و تفاعلكم مع استشارة العضوات او مشاكلهم
بدخل ف الموضوع
انا متزوجه عندي ثلاث اطفال و ساكنين ف بيت اهل زوجي ، صارت من كم يوم مشكله بين زوجي و اخواته بسبب انه ما عملو سحور و هو اساساً الطبخ يومياً عليهم و انا اشارك بطبق او طبقين حسب قدرتي و لانه المطبخ مشترك و هم كلهم بنات ما شاء الله ف عندهم القدره اكثر انه يطبخون و كذا ، المشكله انه زوجي مخاصم خواته و ما يكلمهم ابدا و و لا ينزل يفطر معاهم يقولي اجيبله الفطور فوق و هو ما ينزل ابداً ، انا اجيبله و انزل و ماعندي اي مشكله معاهم الحمدلله انا مسالمه و هم مسالمين لكن العله ف زوجي اخوهم الموضوع مرره تافه و صارت خصامه كبيره حتى امه ما تكلمه و لا يكلمها و انا قلبي يوجعني عليه اقول حرام ف هالايام المباركه و الشهر الفضيل اللي الناس تدور الاجر فيه و هم متخاصمين !!! هو طبعه كذا حتى معاي بس ما يطول بالكثير اسبوع او اسبوعين يقعد مقاطعني اذا زعلان و انا اطنشه بس هالمره مع امه و اهله الموضوع اكبر !! انا ما اعرف شو اللي صار بالضبط بس زبده الموضوع انه متخاصم معاهم على انه مش مصلحين سحور ...
طيب ما خبرني عشان اصلحله !! للتوضيح احنا ساكنين ف غرفه ف نفس بيت اهل زوجي و اطفالي صغاار يادوووب الحق عليهم و على نفسي و صلاتي لكن لو طلب مني اطبخ له ما برفض ابداً مدري ليه ما يطلب مني ؟؟
المهم حابه مشورتكم كيف احل الموضوع و اخلي النفوس تصفى ؟؟؟ و لكم جريل الشكر