مشكلة سوِوِاد الأبط والله رووعه

مشكلة سوِوِاد الأبط والله رووعه


أخواتي أغلب الحريم يشتكو من سواد الأبط بالذات في المناطق الحاره وممن يستخدمن مزيل الرائحة بكثرة وكنت



أبحث في المنتديات عن حل لهذه المشكلة ووجدت مشاكل كثيرة وحلول أكثر.



وكل وحده تكتب خلطة وتجربه وأنا يالله ماصدقت استخدمت خلطة جابت لي حساسية والخلطة الثانيه تسود بزيادة والثالثة نفس النتيجة.



قلت والله ما أستخدم خلطات كلام فاضي أجرب الكريمات استخدمت الدوكين جاب لي حكه تركته



استخدمت الفا بلاس زادت الحكة و ماغير شي قرأت أن ايدال ممتاز ويبيض بسرعه وعجيب



استخدمته والتهب بشكل فضيع واصبحت الجلده متغيره وسود المنطقه بالأصح حرقهااااااااااااا...



زاد معاناتي وكل تجاربي زادت الطين بله اخيراً قلت مالك الا المستشفى لأن السواد ينشاف من بعد ميل



ورحت للدكتورة وسمعت أنها طلعت في تلفزيون السعودية ووصفت لي عدة كريمات وكريم ورى كريم



وشهر ورى شهر وكل مره يتحسن الجلد .




وكان علاجي على عدة مراحل :




المرحله الأولى:




أول كريم وصفته لطيف جداً على البشرة و يعالج البشرة التعبانة والتالفة المجهدة ويقلل من افرازمادة الملانين التي تؤدي الى



تصبغ الجلد ويقضي على آثار البقع أو الحروق ويعيد الحيوية للبشرة وقعدت شهرين أستخدمه وسعره 200 ريال




استخدمته مره بالليل.





Blending-Bleaching-Cream




مع ملتيلند مره الصباح.. تعرفوه حقت التهاب الحفاظ للإطفال.





والمرحله الثانية



تكلفتها الأجماليه بحدود 300 ريال وصفت لي مقشر مع مبيض



المقشر ريحته تجنن تحطيه عشر دقائق أو ربع ساعة مكتوب في النشرة وتغسليه وهو خلاصة زهور



من شركة




bioscreen lightening








وتضعي المبيض




DDF Intensive Holistic Lightener







استخدمه مرتين باليوم ومره الصباح الملتيلند وبعد اسبوع استمر مره باليوم.






والمرحله الأخيره



بعد عناء وتعب وذهاب واياب وصفت لي الكريمات الأخيرة



مقشر وومبيض وكريم ملطف وقالت أنها ماتوصفها لأي أحد الا اللي تحبهم



طبعاً حبتني من كثر ماكسبتها فلوس حفظت شكلي .






المقشر الرائع glycalus



سائل من حامض الجليكوليك بنسبة 10% تحطيه عشر دقايق وتغسليه سعره 105 ريال










والمبيض الفضييييييييع حتى المذيعات يستخدموه ونصحت به المذيعة:



ندى دبوق




وقالت انه يعتبر صرخه في عالم التبيض وأنها تستخدمه شخصياً



سعره 200 ريال



VICHY Bi-white







استخدمه مرتين باليوم هو والمقشر





* تدعكي بالمبيض و تفركي الجلد بشكل دائري وحتلاحظي أشياء تطلع في



ايدك و احمرار وحراره إذا اشتد ممكن تغسليه وتحطي كريم ملطف.




وفي الصباح الكريم الملطف يريح الجلد ويخفف آثار التقشير ويهدي البشره و يبرد الحراره و يزيل الإحمرار



النشرة الداخليه ضاعت كنت بكتبها تحسي من كثر مامدحوه أن ودك تاكليه كأنه كان



مكتوب عليه أنه من نهر الأمزون يقعد معك فتره طويلة حجمه كبير




والله نسيت سعره يمكن 85 ريال



avene cold cream







ملاحظة:



بعد مارجعتها بسبوع قالت حطي المقشر دقيقتين فقط وغسليه



وبعد مارجعتها بعد شهر قالت :استخدمي المبيض لوحده إنتي كيدا فل ماتحتاجي تقشير



وقعدت استخدمه كثير.فمن الضروري متابعة الدكتورة لحالتك.



ومايصلح تحطي كريم فوق كريم او مبيض فوق مقشر كلاً على حده



قبل ماتحطي أي شي أغسلي المنطقة ونشفيييها.





ووصفت لي مزيل رائحة كريم طبي ماركة سويسرية من أول مره رحت لها



لايسبب السواد ولا الحكة لأن من مسببات



السواد مزيل الرائحة سعره نسيت تقريبا 45 ريال



Louis Widmer Deo Cream
40 ml





والحمد لله زال السواد ورجعت بشرتي بيضاء وبشرتي من النوع الحساس ورقيقة جداً والمرحلة



الأخيرة هي اللي أنهت المعاناة لأنها تقشير أقوى والمبيض قوي وفعـــــــــال.




ولاحظوا معي أن المراحل أعتمدت على:



معـــالــــجة الأضرار الســــــابقـة



تـقشـير - تبيــض - تــرطيب



وحبيت أفيدكم بتجربتي على الأقل تاخذوا فكرة.. والأنسب أن كل وحده تراجع دكتورة لتصف لها كريمات على حسب بشرتها.



وكنت بكتب لكم النشرة الداخلية للكريمات لكن أغلبها ضاعت وكل الأدوية ماركات عالمية ممتازة مطورة ومجربه.



حافظي على جفاف الأبط والبسي الملابس القطنية وتجنبي العطوارات ومزيلات الرائحة لأنها تحتوي على الكحول ومواد كيميائية مضرة للبشرة .



وإذا استخدمتي أي مقشر او مبيض احمي بشرتك من الشمس بوضع واقي وتجنبي الحرارة الزائدة حتى لاتحصلي على نتيجة عكسية.



أنا راجعت عند إستشارية جلدية بمستشفى سليمان فقية أسمها



حنان ربيع ندا



والزحمة عندها بشكل فظييييييييييييييع وماتقعدي عندها الا خمس دقائق سريعه جداً ماشاء الله



وخذي موعد أفضل لك ولاتقولوا لها انكم شفتوني ..



ولا تسألوني ممكن للوجه أو للمنطقه الحساسة ما أعرف لأن البشره أنواع وكل بشره ممكن
تعاني من حساسية حبوب ومو كل كريم يناسبها.



ومدة العلاج والله نسيت بالظبط ما اعرف كم استخدمتهم لكن والله المرحله الخيرة أكثر من سته شهور وأنا مواظبه



ويزيد كمية العرق قلت للدكتورة قالت : طبيعي هو مايزيد.. نتيجة لفتح المسامات



قالت ممكن نعطيك بوتكس مادري وش البوتكس؟!!!



بعد ماتركت الكريمات خف التعرق وكنت أحط بودرة أطفال..



وأي وحده أنخطبت من وقتها تتعالج مو تستنى لين موعد الزواج وتقول ساعدوني .



وأنا ما استخدمت أي شي لوجهي غير الكريم الملطف اللي ذكرته.





نقلته لكم للفائده من صااااااحبته شخصياااااااااااا
لكن بصرااااااااااااحه الله يجزاها الف خيرررر.. نقلت تجربتها بحذافيرها
ويوفقها وين ماراحت ..



منقول