مشكلة صارت لي مع امي في زواج هل اعتبر عاقه

13 ولا وحده طيب خاطري بكلمه الله يسامحكم دنيا واخره

الله يعينج

يا ااختي العزيزة دامج تعرفين انج غلطانة ليش ما تبادرين بالاصلاح

شوفي حتى لو امج طلبت منج طلبات صعبة لازم تطيعينها فما بالك بهالطلبات البسيطة

الام شي غالي بالحياة و كنز ما يتعوض, اسالي البنات اللي انحرموا من الام يخبرونج

الرسول صلى الله عليه و سلم نصح احد الصحابة بامه 3 مرات و هدا يبين مكانة الام

الحين الحمد لله انتي عارفة غلطتج و عارفة و متاكدة ان اللي تسوينه حرام فبادري يا اختي العزيزة بالاصلاح, طيعي امج و بري بها و تخيلي ان الله رزقج الدرية و من كبروا كانوا عاقيين و ش احساسك هداك الوقت؟ حاولي تحطين نفسج مكان امج المسكينة اللي تعبت و تحملت دل و اهانة ابوج عشانكم

الله يخلي لج امج و يخلي لي امي و لا يحرمني منها يا رب و يخلي لجميع البنات امهاتهن

الله يرزقج الدرية الصالحة بس بري بامج و داومي على الاستغفار و تعودي من ابليس

و سامحيني على الاطالة

بناااااااااات الي علاقتها بأمها وابوها طيبه تحمد ربها كثيييييير لاني في حرمان مايعلم فيه الا رب العالمين
الي حرم بر الوالدين حرم الخير كله

مشكوره اختي كليو باترا الله يجزاك الخير ادعولي انه ربي يعنيني على بر الوالدين ونا يبنات بأنتظار ردودكم وتعليقاتكم ارجوكم كلكم قوليلي رايكم على الاقل ادعولي

وَوَصَّيْنَا الْإِنسَانَ بِوَالِدَيْهِ إِحْسَاناً

وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً

وَاعْبُدُواْ اللّهَ وَلاَ تُشْرِكُواْ بِهِ شَيْئاً وَبِالْوَالِدَيْنِ إِحْسَاناً

وَبِالْوَالِدَيْنِ إِحْسَاناً

وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْناً عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ

عن أبي هريرة عن النبي قال: { رغم أنفه، رغم أنفه، رغم أنفه }، قيل: من يا رسول الله؟ قال: { من أدرك والديه عند الكبر أحدهما أو كليهما ثم لم يدخل الجنة } .

سبحانه الخالق كم كرر في القرآن وجوب الإحسان للوالدين، وأنا بمجرد أن اقرا
الحديث للرسول صلى الله عليه وسلم وهو يكررها ثلاث مرات (رغم أنفه، رغم أنفه
رغم أنفه) احس بشعر جسمي يوقف وأحس كم هو شي كبير.

أختي لما تصلين احمدي الله انج تنبهتي لخطأج تجاه الوالده الله يخليها لكم
والجميل انه الإنسان يعرف وين أخطاءه وويواجها، فضلاً عن اللي يستمر
في خطأه وهو غافل ساهي، أنا دايماً إذا تنبهت لأمر اخطيت فيه أو قصرت
فيه أقول الحمدلله ربي مكرمني وماخلاني استمر في ظلالي واستبشر خير
واسعى اني ابيض ويهي قدام ربي بتغييره.

وأنا اقولج انا كنت قبل مقصره تجاه أمي ومهما سويت ما أوفيها حقها
كنت اتملل لا طلبت مني شي ولا لامتني على شي...
وتوفى أبوي "الله يرحمه ويغفر له" فقدانه خلاني اتنبه .. وأفكر احنا
نفكر انه ابونا وأمنا عندنا دايم؟ لا اللحين صرت كل ما اقصر تجاها
أذكر نفسي يا هي رايحه يا أنا رايحه وماشي يسوى انه تروح أمي
وانا للحين ما سويت كل اللي اقدر عليه عشان اوفيها حقها.

كل ما تصبحين حبيها على راسها "يمكن بتقولين مب متعوده أو مادري"
بس انسي كل اللي فات .. كل ما قدرتي حسسيها بحنانها اللي عطته وين
صار وكيف انه بيرجع لها، تقولين الكل مقصر فيها.. تصدقين انها اللحين
ماتفكر انكم انتوا فيكم غلط .. تلقينها تحاسب نفسها وتحرق في نفسها انها
هي اللي فيها الغلط.. اكبر جرح للأم اذا حست جفا من عيالها..

أنا أم وأقولج، عيالي صغار وماعليهم ملامه لكن لما احس جفاهم اتعب
يمكن ما أنام الليل..

كل ما قعدت قعدي عن ريولها واسأليها اذا في خاطرها شي محتاجه شي
استسمحي منها وقوليلها احنا مقصرين في حقج يا أمي تراها يا صغرها
عندكم هالكلمه وياكبرها بتكون في خاطرها..

يمكن كبداية ما بتحسين بتقبل للتغيير اللي بتسوينه وهذا طبيعي ..
اخذي الأجر من بر والديج دامهم عندج .. باجر بتفتحين بيت وبتصيرين
أم .. بتصيرين مكانها وبتعرفين كيف حست بس هل تضمنين انه ما يكون
فات الفوت..

الله يخلي لج امج ويسعدها فيج ويسعدج ببرها يا رب.

حبيبتي حاولي قدر ما تقدرين تغيرين أسلوبكم معها والله اني كنت مثلش بس حاولت اتغير حتى يوم اكون تعبانة اذا طلبت مني شي احاول اسويه حتى لو رفضت في البداية بس بعدين ارجع اسويه احس اني مالي غير أمي بهالدنيا تصدقين رغم ان امي تميز خواتي عني من يوم احنا صغار وكنت اكره اسلوبها وكنت ارفع صوتي عليها وكانت بعد تضربني حتي اني مريت بمرحلة كره امي وكنت اناديها باسمها ما قولي يمه :16: بس بعدين بعد ماوصلت مرحلة الثانوية غيرت افكاري جلس اقرأ كتب ومنها كتاب جدد حياتك وجلس اشوف برامج وشوي شوي غيرت افكاري واسلوبي نوعا ما وصرت اتقرب من الله واايد حتى صرت يوم انهض الصبح ابوس رأس امي والكل يضحك ويقول هااا شو تبين منها؟؟؟!!! وكنت اضحك معهم واستحي بعد وبس من داخلي احس بسعادة غير ونفس شي يوم اشوف ابوي ابوسه على راس وكان يبوسني بعد هو عالرأس..... ايام كانت حلوة والكل كان يستغرب باسلوبي يوم تغيرت وحتى ابوي مثل ابوش يضرب امي ويشتمها امام عيونها وكنت اسكت ما اقول شي واروح الجامعة وانا ابجي وارجع البيت وانا ما اريد ارجع واحيانا امي تقولي انا السبب يوم ابوي يعصب عليها ..... لدرجة صرت ما احب اكل شي حتى مرة ابوي جمعنا كلنا بالبيت قام يقول انتوا ليش تبون المصروف ... الخ :D
تعرفين انا شو رديت على ابوي لدرجة شفت الدموع في عيونه وعيون امي قلت " يبه احنا ما نريد منكم شي بس خاطري اسألكم سؤال واحد شو بيكون شعورك لو شفت أمك وابوك يتهاوشوا؟؟!!! سكت قال مالش خص ولا تتدخلي رديت لا بتدخل انتوا طلعتوا على هذي الدنيا والله احنا نتعب ونضايقك يوم نشوفكم جذي قلت ..... الخ وشفت ابوي يبجي ما قدرت اتحمل وطلعت من البيت رحت بيت اختي وانا ابجي......... ادري اني طولت بس هذي كانت حياتي والحين الوضع تغير الحمدالله 50% حتى احيانا اشوف امي اوبوي يصلون قيام الليل الحمدالله على كل حال البارحة كنت وااايد تعبانة من دوام وامي طلبت مني اسويلها عصير في البداية رفضت قلن يمه انا تعبانة قولي لاختي امون امي سكتت وقلت في خاطري روحي سويلها عصير بتفرح باجر يمكن بتكوني في نفس موقفها ورحت وسويت شفت الفرح بعيونها وحتى يوم اخذ الراتب عطيها جزء من الراتب وتفرح وابوي يوم اعطيه 1000 درهم يرفض يأخذ غير 500 درهم.... رغم كل شي احب امي وابوي

اسفه طولت اختي ابدي بنفسش وغيري اسلوبش وافكارش وطلبي من خواتش بعد يتغيروا مو بس انتوا اللي تعقدوا حتى انا بس حاولت اتغير وبعدين بتشوفي كل شي بيتغير بس ما بسرعة بتمر سنوات وبصير كل شي غير عمري مالش بهالدنيا غير امش وماشي احلى من حضنها تصدقين احيانا احس بالضيق شديد ودي اشوف امي اطيح بحضنها مثال الياهل..... :39:


عسى الله يرزقش بالذرية الصالحة :icon28: