السلام عليكم ورحمة الله وبركاته
أولآ للجميع مني تحيه(ليل الحيارا)
يأختي العزيزه هذي مشكلة معظم الأمهات لكن بشكل متفاوة و نصيحتي لك تغيري معاملة أطفالك ويكون فيها بعض الحزم وبنتك اللي تقاطعك لاتردي عليها وفهميها إن مقاطعة الكبار وهم يتكلمون عيب وصدقيني إذا استمريتي معاهم كذا فتره راح يتغيرون وأتمنى إن الله يهدي عيالنا00000 :D

غلط إنك تخلي أحد غيرك وغير زوجك يأدب بناتك
عشان بناتك ما يشتتوا
لأنك إنتي وزوجك راح تتفقوا على إسلوب معين في التربية وهو راح يدعمك إذا أدبتي بناتك وإنتي راح تدعميه
لكن الأهل سواء أهلك أو أهل زوجك
صعب جدا تحددي إسلوبهم في تأديب بناتك
ممكن بناتك يتصرفوا تصرف يكون مقبول عندك
بس مو مقبول عند أهلك
والعكس صحيح
ممكن إنك تشوفي تصرف بناتك محتاج لتأديب لكن أهلك يشوفوه عادي مايستاهل
وممكن يصير ظلم في حق بناتك وينقهروا مساكين
أنا من ناحيتي معوده أهلي وأهل زوجي من زمان ما يخاصموا بزورتي لأنه الحمدلله عايشين أنا و أبوهم وإحنا أحق الناس في تأديبهم
وخصوصا إننا معروفين بينهم الحق حق عندنا حتى لوكانوا بزورتنا غلطانين يتحملوا نتيجة غلطهم
وممكن نحرمهم من جمعة لأهلنا أو خرجة حلوة عقابا لهم
عشان مرة ثانية ما يغلطوا على أحد
لكن أهم شئ إبعدي عن الضرب لأنه يولد العناد ويصير عندهم تبلد في الأحاسيس...
وإلي تزرعيه في الصغر تحصديه في الكبر...
وربي يهديهم لك يارب...

كانت هذه المشكله تواجهني ولأن قدرت أسيطر على الوضع أصبحت كل ماأزور أهلي أحذرهم من أي تصرف يزعلني ويزعج أهلي وأزرع احترام الغير عندهم وأنه أي تصرف منهم مقصود يضايقني راح أحرمهم من الزياره الثانيه وأجلها أطول فتره ممكنه حتى يتأدبوا ويأخذوا درس حتى يحترمو غيرهم لما كانو صغار أتعبوني جدا أما الأن كبرو وفهمو الوضع وسبب نجاح هاالطريقه لأن أولادي يملون من البيت على طول ودهم دايم يخرجون ويطلعون للناس لأن أبوهم دايم مشغول عنهم ونادرا مايطلعهم وأخيرا هم أمانه في أعناقنا ولازم تربيتهم تكون بحكمه وتأني ولاتتركي أحد غيرك يأدبهم أويأنبهم بدلا منك لانكي بذلك تلغين دورك أمامهم وراح يتمدون في عنادك صغار كانو أو كبار وأتمنى الأستفاده من غيرنا ولكم جزيل الشكر.

بنتج اللي عمرها 9 سنوات!! تراه طبيعي بنت أختي جذيه كانت هذاااااااااااااره
وتقعد عندنا واحنا نسولف تقاطع وتسأل عن هذا وذاك وشو تقولون .. أو تتكلم
في سالفه خارج الموضوع.. تعرفين يوم تتكلم لو كنا نتكلم في سالفه مهمه..
نسكت ونسمعها لين تخلص وبكل حب وود واحترام.... ونرد نكمل سالفتنا
لكن إذا ردت تقاطعنا مره ثانيه ... ننبها .. يا فلانه عيب تقاطعين!!

ومن سمعج؟ ترجع تعيدها بس مع الوقت تمل لأنها كل مره تسمع نفس
الملاحظه... ونصيحتي شااااااركي اهلج هموم عيالج ولااا تخولينهم
يعني تبغين مساعدتهم في تغيير طبعها ما عليه ولكن انهم يهزأونهم
وأنتي قاعده مثلاً هذا يضعف دورج أنتي كأم!!

أنا اهلي ما ارضى يكلمون عيالي في شي إلا إذا امي (واللي هي مربتهم)
وبعد إذا حسيتها بزياده أكلمها وأقولها ترى ما كان قصدهم كذا وهم يسوون
كذا عشان كذا.. مجرد التنويه للسالفه يخليها تحس اني تضايقت..

لكن خوالهم اخليهم يهاوشونهم في الصلاة بس..

شوفي أنا الحمدلله ألاحظ إذا تجمعنا بيت أهلي آخر الأسبوع مع انه عيالي
هم المجموعة الأكبر 4 ماشاءالله .. لكن ما احس راسي يعورني منهم
أو شي.. بالعكس هناك اتنفس لأنه في بيتي 24 ساعه بخشمي
لأن العيلة تتجمع ويهال على كيف كيفج!!

في غرفه هناك بتلفزيونها .. معزوله شوي .. اقولهم كلهم تروحون هناك
يالله بدون إزعاج.. كلهم مع عيال اخواني..

وإذا حسيت أختي .. زوجة أخوي ماتبغي عيالي يلعبون عند أحد من عيالها!!!!!
هذي تكون مشكلتها هي تحلها!! يعني إذا اختج ما تبغي بناتج يلعبون مع بنتها
هذي رغبتها وانتي تحترمين رغبتها لكن هذي مش مسؤوليتج انتي ما تقدرين
تحطين يهال في بيت واحد وتقولين لا تلعبون مع فلان!!!!!!!

مالج شغل فيها اذا هي ما تبغي هي بتتصرف لا تعورين راسج.. إذا حسيتي
بناتج زودوها مع البنت .. قوليلهم وقدام اختج عشان تعرف انج انتي مب
ساكته .. ترى إذا ما خليتوها خلاص بخلي امها توديها بيتهم..
واغمزي لأختج مثلاً تكمل لج الموضوع.. منها تعرف انج معاها على الخط
ولا قاطه بناتج يلعبون في بنتها ..... بس تعزلينهم عن اللي في البيت صعبه
هم متقابلين في البيت ... يروحون بيت اهلج ودهم يغيرون..

حاولي تلهين شوي عنهم ولا تدققين!!

بنت خالتي تي عندنا آخر الأسبوع.. هي تضايقنا اكثر من عيالها!!
وعيالها يسوون إزعاج اكثر تدرين ليش؟؟؟؟؟؟؟؟؟؟؟؟
لأنها قاعده لهم 24 اسكت .... بس .. عيب.... ياويلك!!!!
والله اوديكم البيت وافتك من حشرتكم!!! ..

لو هي ساكته عنهم بيلهوووون مع باقي العيال وخلاص
لكن تقعد تسكتهم كل شوي مافيه فايده الكلام هذا يخليهم
يزيدون..

ولا تكبتينهم اطفاااااااال خليهم يلعبون شوي ويخربون شوي
يعني لاتهاوشينهم على كل شي يهال في النهاية ..

جزاكم الله خير الجزاء ..

مشكورين وما قصرتم .. واكيد صاحبة المشكله تتابع معنا ..

ولو حبت تسال او تضيف اي شيء راح اكتبه ..

الف شكر على تجاوبكم وهذا هو المعهود من بنات حواء