هذا رد من صاحبة الموضوع ..

الله يجزاكم خير خواتي



و الله يا بنات استفدت من افكاركم و حلولكم

كلكم كلكم الله يوفقكم

و الله يا بنات من كثر ما تفاهمت معهم قبل ما اروح صرت هذارة اتكلم و أتكلم مافيه فايدة اتوعد و أحرم كله واحد و اضرب احيانا للاسف

تلفت و تلفت أعصابي

بالنسبة للخوات اللي قالوا اقلب الدنيا على راس اللي يهاوشهم ما يصير كيف اروح عندهم و أسيطر أجلس ببيتي ابرك و لا أغضب أمي المحزونة

و مهاوش اهلي موب ذيك الصورة لا أنا اقصد إذا قاطعوهم بالكلام أو تعرضوا لهم ينبهونهم بشكل حازم لإني تعبت فلانة اسكتي علانة اسكتي يعني مثل خالة أحد الخوات اللي ردوا

أستفدت مرة من فكرة أن اختي اللي ما تبي بنتها تلعب مع بناتي أن هذا مشكلتها هي و مالي شغل



الجدول حلو الله يوفقكم

و فكرة معاقبهم بمباعدة الزيارة مرة حلوة

و كلامكم درر و أنتظر حكمكم و خبرتكم

جعل الله ما تكتبون في ميزان حسناتكم و فرج عنكم كل كرب و هم و جمعني و إياكم و من نحب في الفردوس الأعلى و المسلمين و الصلاة و السلام على نبيه و رسولة محمد عليه أفضل الصلاة و التسليم

والله تدرين اني ساعات ابكي من شطانه عيالي الله يخليهم و يسلمهم

بنات الله يجزاكم خير ومنكم نستفيد تعالوا نتبادل التجارب والأفكار :
انا لما اخرج من البيت اوعد ولدي انه يكون هادي واعطيه بعدمانرجع من البيت هديه فألقى ولله الحمد تجاوب منه .
واذا جاء احد يزورني وقدمت للضيوف شيء اقولهم لااحد يمد يده على شيء واوعدهم بعد مايروحوا الضيوف انهم اعطيهم من كل صنف واوفي بوعدي طبعا .

بس مرررررررررررات ماينفع معهم ولاشيء وتبكين قهررررررررررر من اللي يسوونه الله يصلحهم .

عند أهلي ؟

أقدر أتحكم فيهم ولله الحمد لأن والدتي منضبطه وتحب النظام هكذا ربتنا ....


لكن الطاااامة الكبرى عند أهل زوجي لأني ساكنه معهم في نفس البيت ..... ممكن خالتي أم زوجي اذا هاوشت عيالي على غلط عملوه ممكن انها تضربني ( مجرد تهويش ) عشان ما أردع عيالي عن شي .... وانتوا تخيلوا كيف يصير مالي هيبه قدام عيالي حيث يتمادووووووون لأنهم وجدوا أحد ضدي وانا أصير كالمتفرجه يعني مالي دور في تربية عيالي .. همشت أم زوجي دوري كثييييير ...
بس علمتني وحده جزاها الله الجنة ... اني أتظاهر اني زعلت عشان خالتي تنحرج وماتكرر تهويشي قدام عيالي ونفعت الفكره نوعا ما مع خالتي لكن تبقى هي سيدة الموقف وأبقى انا في نظرها أم قاسيه تعذب أطفالها خخخ تخيلوا !
الحمد لله على كل حال !!

صاااحبة المشكله ... أقول لكِ ... الأطفال نعمة من الله ... ابنتك ذات التسعة أعوام اجعليها صديقة لكِ وامنحيها ثقتكِ ولا تهمشيها أبداً .. ممكن انك توحي لها بينك وبينها انك تحترمينها وانها لازم تقول سالفة حلوة عند خالاتها عشان يحبوها ويعرفون انها كبيره بس لازم تختار الوقت الملائم لما تشوف خالاتها ساكتين .. وخلي خواتك يساعدونك يعني قولي لهم قدامها فلانه بتقولكم سالفه بعد مانخلص حكي ... يمكن تنفع معها الحركه ؟
أختك اللي ماتحب عيالك يختلطون مع بنتها ....... طنشيها هي بتتصرف .. وهي حره وهذي مشكلتها ........ بالنسبة لك مافي مشكله مثل ماقالوا الخوات قبلي ...


تحياااااتي لك ....

والله يهدي ابنائنا ويصلحهم ..... اللهم آمين

شيخة الكويت ..

الله يعينك يارب ...

المشتاقه الى الجنيه ...

طريقتك حلووه لكن مثل ماقلت احيانا ماتضبط مع الاطفال خصوصا لوجاهم اطفال يساعدوهم على مثل هالاشياء ..