مشكلة عويصة و محتاجة حل

اهلا بكل الاخوات فى منتدى عالم حواء الرائع

انا جاية اليوم احكى لكم عن مشكلتى لان ماليش حد غيركم بعد ربنا و الله يساعد اللى تساعدنى و ما يحوجها ابدا

مشكلتى بدات من الشهر السابع عندما اخبرنى الطبيب ان حجم السوائل التى حول البيبى قليلة و طبعا دة خطر و اعطانى اسبرين اطفال و بعدها بحوالى اسبوعين حسيت ان حركة البيبى قلت اوى رحت للدكتور قالى ان السوائل قلت تانى و اعطانى حقن كالهيبارين 5000 علشان توصل الدم و الماء للبيبى بصورة افضل و طلب منى اشعة مجسمة و فعلا عملتها عند دكتور اسمة سعيد التهامى دة يعتبر من اكبر استشارى النساء و التوليد فى مصر و طبعا رحت لة بناءا على طلب الدكتور اللى بتابع عندة لكن مع انة فعلا متمكن اوى لكن اسلوبة تعبنى نفسيا جدا قعد يعنفنى و يقولى انت لافة البيبى فى ورقة جرنال انت مش بتاكلى كويس لازم تاكلى 6 وجبات بروتين فى اليوم بالاضافة لحقن تانية اضافية اسمها سولكوسيريل مؤلمة جدا ليصبح عدد الحقن فى اليوم الواحد 4 ( 2 كالهيبارين + 2 سولكوسيريل) يوميا و بالفعل قمت بكل ما قالة د. سعيد بعد مراجعة الطبيب المتابع و تحسن الحال قليلاً

لكن المشكلة الاكبر ان حجم البيبى صغير جدا جدا جدا عن الطبيعى يعنى فى نص الثامن و وزن البيبى 1.65 كجم و الطبيعى انة يكون 2.5 كجم

اعمل اية علشان البيبى يكبر و لا مافيش حل