بنات ابى اسألكم عن شغله متعبتنى وايد ومضايقتنى ادرى بتزفونى بس خلاص انا تعودت على الزفت والسالفه هاذى وايد تفرك بقلبى

انا ادرى ان زوجى مسكين محتار وموعارف شيسوى يحبنى ويبينى وبنفس الوقت مايبى يضايق اخته ويحسسها انها انسان مومرغوب فيه بالبيت ومايبى يكسر كلمة اخوه لانه حيل قريب منه .... بس اهوه الحين وعدنى انشالله ان راح يبتدى بالبنيان انشالله شهر ثلاثه وقالى لو مر ثلاثه من غير ماسوى شى ذيك الساع لج كلام معاى وانا ريال وانربط من السانى .... حتى انا نفذت خطتكم وسويت روحى مومهتمه وقلتله اللى يريحك سوه وانا مابى اكون السبب فى اى مشكله بينك وبين اهلك وقلتله خلاص انخلى الزواج شهر سته او سبعه اللى ونسنى انه قالى لا سته وايد بعيد اشرايك باربعه والا خمسه وناسه اخيرا نطق اوووووووووووووووووف

بس اللى مضيق خلقى ان وايد من الملاقيف اللى يسئلونى كالمعتاد متى الزواج اقولهم بعد يقولولى ليش بعد !! معقوله زوجج لحد الحين ماحدد شنو زوجج ماطلبج؟؟ شنو زوجج مايبيج؟؟؟

كلامهم يعور القلب ويسم البدن ومضيق خلقى حيل كل الناس ازواجهم يكونون مستعجلين على الزواج واهمه اللى يحنون اشمعنه انا لا
رغم انى ادرى بظروفه وادرى بالوضع كله ورغم انه عطانى كلمه وانا متأكده انه الحمدلله يحبنى وايد بس شسوى بطبعى البايخ انا وايد رومانسيه وابيه يقرا اللى فى بالى ابيه يورينى اشكثر يموت فينى ....... ليش الحريم يقولولى جذيه !! يعنى كل اللى تزوجوا رياييلهم اهمه اللى كانوا يحنون؟؟؟ احترت والمشكله ان كل ما اسمع هالكلام ابوز وازعل وانطر الشاره علشان اتخانق معاه واسوى اى مشكله واهوه مايدرى شنو السبب

سلاااااااااااام

تدرين امور.......... والا خلني ساكته احسن ( امزح معك):39:
شوفي بالنسبه لكلام الناس ولا عليك ولا كانك تسمعي... وبعدين اللي تقول لك كذا ردي عليها لا مو مستعجلين تو الناس تونا ماصار لنا شي
تونا نقول بسم الله , وبعدين مو كل وحده زوجها حن يبي يتزوج يعني يموت فيها...صح والا؟؟؟
وترا الناس ما يتعبون ...... انا لما ملكت جننوني متى الزواج ؟متى؟ ولما تزوجت ما خلصنا قالوا ها متى نشوف البيبي ؟ واذا ان شاء الله
جا البيبي الاول بيقولون ها متى بتجيبين له اخو ثاني وثالث و......؟...... وهلم جرا
حبيبتي اميره
لاتخربين على نفسك وتفتعلي خناقات وزعل مع زوجك عشان تفاهات الناس , ترا الناس ماراح ينفعوك ....
واذا اسئلوك الناس قولي لهم قريب ان شاء الله لما تخلص الشقه.......

الله يهديك بس يا اموره......

يالله اخليك سلااااااااااااااااااام
احلى من الحلى

:33: :32: :27:

كلام حلا صح 100%مالج شغل بالناس ولو شتسوين ماراح ترضينهم خلي هالشي في بالج ..... دامج راضية ومرتاحة هذا المهم وقطيهم ورا ظهرج وياما بتسمعين منهم ....

عزيزتي كلام الاخوات كله صحيح ورضا الناس غااااااااااااايه لاتدرك,,,ماعليك منهم,,,تخيلي ولدي ماخلص الثلاث سنين ويقولون وين الثاني ؟؟؟وش دخلهم ,,التعب عليه ولا عليهم؟؟المهم ماعليك من احد ,وتصرفاتك الحين مره حلوه خليك عليها,,,وبالتوفيق ان شاء الله.

حلااااااا .... اى والله صاجه الناس موهادين احد بحاله ... بس الظاهر ليش انى حساسه زياده عن اللزوم والظروف اللى نمر فيها بالبيت مأثره على نفسيتى وايد فا صايره مااتقبل كلمه وماطوف شى .... بس الله يعينى واطنش كلامهم ... والا صج ماراح اقدر اعيش لازم اقط كلامهم ورا ظهرى

رفرف ... النحله زينه الله يسلمكم انشالله ويوفق الجميع يارب

وافتك انشالله من خبالى وحساسيتى الزايده عن اللزوم