يامن شراله من حلاله عله

:08: :44: :30:

شكلها يابنات تعقدت وانا السبب ... وشكلى بدل لا اكحلها عميتها

انا من كثر ماشحنت اهلى عليه شكلهم بدوا يكرهونه وانا من النوع اللى كنت ماخش عن امى شى كلشى اقولها ...

اليوم رحت زوارة اهله وبعدها قعدت معاه وتكلمنا صج ان لحد ماكلمنى وانا مومقتنعه بس الله يهديه الله يهديه ابوى لما كلمه ماكلمه بالاسلوب اللى يفهمه للاسف زوجى فهم اسلوب ابوى بالكلام معاه جنه احنا اللى قاطين روحنا عليه لان ابوى الله يسامحه (يكون صايد الحركه )قاله اذا ماتقدر تبنى الحين خلاص سكنها بالغرفتين اللى عندك ولما اختك تطلع عدل الشقه جان يقوله زوجى لا مثل مابنتك عندك معززه ابيها تدخل بيتى معززه وكلشى جاهز لها ومثل ما اهيه تبى ......... شوفوا الرد طلعنا احنا الغلطانين !!

والله خير انا بعد من النوع الحساسه قلت حق زوجى تدرى اشلون يبا من راسك لى راس اخوك كيفك سو اللى تبى مع ان بنيانك اكيد ماراح يضايق اختك واخوك اذا انت ابتبنى اشعليك منه وسكرت الموضوع قلتله انا كرامتى بالدنيا وقعد يقولى لاتفهمين غلط وكرامتى من كرامتج يعنى ومن هالحجى

لما ردنى البيت امى كانت ناطرتنى وقالتلى اشصار قلتلها ماصار شى بس الله يهديه ابوى والكلام اللى قاله جان تقولى ابوج ماغلط (صراحه انا احترت بينهم ابوى يقولى كلام وريلى يقولى كلام)قلتلها انا من الاول قلتلج خلى ابوى يكون حاسم معاه ريلى وفاهمه تفكيره ماينفع معاه انصاف الحلول جان تقولى ابوج مسكين اشدراه بس المشكله ان حسيت امى شايله عليه

جان اعميها زياده وادق على ريلى واقوله شوف اذا ييت الزواره باجر ابيك تسولف وتضحك وخلك عادى قالى ليش قلتله لاماكو شى بس اخاف اهلى علبالهم انت امس مادقيت على ويربطون بينها وبين كلامك مع ابوى وعينكم ماتشوف الا النورررررررررررررر يمكن لوما مسكت اعصابى فى آآآآآآآآآآآآآآآآآآآخر لحظه جان انا من صيد امس ومطلقه :30: :30: :30:
صراحه ماقدرت امسك اعصابى بط جبدى وبروحى انا حسسسسسسسسسسسسساسه كملت قعد يقولى انتو اشعليه مستعيلين احنا تونا صايرلنا شهر من ملجنا وابوج يبينى ابنى الحين وان اخته قاعده تقول انها مضايقه علينا فى البيت وتبى تطلع باسرع وقت ممكن وان اخوه يقوله اذا انت بدخل عمال انطر مره وحده نبنى انا وانت مره وحده(ويمكن اكثر شى باط مرارتى بالسالفه اخوه اهوه بيعدل انا شكو انطره!!) المهم وقعد يقولى انا موزعلان واهلج يقولون اللى يبونه بس انا بنيان لايمكن ابنى الحين انا لايمكن اضايق اختى والا اكسر كلمة اخوى هذا اخوى توأم روحى عضيدى اللى انا رابى معاه واحنا مالنا غير بعض انا مابى اخسر اخوانى علشان بنيان ومن هالكلام .... وبعدين انتو لما قلتولنا عن ظروف اختج احنا احترمناها وحتى حفله مثل العالم ماخليتونا انسوى وكتمنا فرحتنا علشان مشاعركم والحين انا امر بظرف انتو منتوا راضين اتقدرون ...


سم بدنى الله وكيلكم بكلامه حيييييييييل انقهرت واحتريت قلتله ليش تجرحنى بكلامك ةتهينى ليكون شايفنى قاطه روحى عليك وبغت توصل لللللللللللى الطلاق يمكن لو انا مامسكت روحى باللحظه الاخيره

ادرى كاتبه قصة حياتى كلها بس شسوى اكتشفت ان مشاكلى مع زوجى لازم حتى اهلى ماقولها لهم كنت حيييييييييل غلطانه الحين احس المشكله اكبرت زوجى يحس ان احنا قاعدين نضغط عليه ونبى نغصبه على الزواج الحين واهلى حاسين ان زوجى عنيد واهله يمشونه واللى برسه براسه مايسمع كلمة احد ولا يحترم احد

صج اهلى يقولولى تصبرى بس احسهم بدوا يشيلون عليه حتى انا ساعه احس انى احبه ولما اتذكر كلامه اكرهه يمكن يكون كلامه فى جانب من الصحه اهمه قدروا ظروفنا واحنا لازم انقدر ظروفهم بس ظروفهم مونفس ظروفنا واخته انا متأكده ان ماعندها مانع بس ساس البلا كله اخوه اهوه اللى وقفلنا عظم بالبلعوم بالسالفه وزوجى يحبه حيل ويحترمه

والله احترت وتعبت والله يستر من باجر زوجى يزورنا الجمعه حاطه ايدى على قلبى

نسيت اقولكم ان اهوه قالى دخلتج بيتنا الحين موحلوه لانى قايل حق اهلى ان ماراح اتزوج او اسوى شى لين تطلع اختى من البيت فا لما يشوفونج عندى الحين معناته انكم ضاغطين على وهاذى موحلوه فى حقج ... بس السالفه حيل مأثره فينى مهما قال من كلام حلو لى مخى ماركز غير على كلمه وحده ( انا ماراح اسوى شى الا لما اختى تطلع من البيت وابنى انا واخوى مع بعض وانتو كيفكم عجبكم عجبكم انا ماعندى غير هالكلام) مهما فسرلى مهما قالى مهما راضانى بكلامه موقادره اشيك هالكلمتين من نفسى
ادرى ان كل زواج فيه مشاكل حتى اختى لما تزوجت المرحوم كان فيه مشاكل وايد مع اهله بسس مادرى والله مادرى
الظاهر انى غلطت من الاول انى فتحت الموضوع بس كنت ابى اتبصر راسى من ريلى (انا كنت اسمع عن ناس وايد والمشاكل اللى تصيرلهم قبل الزواج بس ماتوقعت بتحوشنى هالسالفه خصوصا انج اتكونين تدبستى اذا كبرتى الموضوع اكثر من جذيه انتى اكثر شخص بيندم وبتشيلين كلمة مطلقه على اسباب تافهه)
على العموم انا راح ابلش تنفيذ الخطه مع ان طاب خاطرى من الزواج بكبره بسسسسسسسسسس تعتقدون راح ايي اليوم اللى اكونله انا اقرب من اهله؟؟؟

هلا حبيبتي اميرة
ابداا لاتزعلين ولا تنقهرين
ولاتاخذين على خاطرك من زوجك ,,,,,, هو ما قال شئ لهالدرجه يزعلك ولو قالها
انا متاكده ما كان بقصد هالكلمه بمعناها .. بس الرجال هم عصبيبين .. واحيانا يقولون كلام بس ينسوووون صدقيني هم كذاا

بعدين هذي احلىىىىى ايام حياتك ومهما طالت في صالحك يمكن بعدين هم يصلحون حفله

وزي ما قالوا االبنات اثقلــــــــــــــــــــــــــــــــي تتدلعي عليه .. انبسطي
خذي الامور ببسااطه وسوي زي ما قالتلك همسااااااات على نار هاديه

ومرة ثانيه اقولك انبسطي .. وطنشي لا تستعجلين ..على الزواج ان شاء الله عن قريب
ولو كان مررة مستعجله عادي اسكني بالغرفتين مؤقت زينيها وضبطيهاوخليها قصر مو غرفه بالاثاث الحلو والريحه الحلوة و وجودكم مع بعض يكفي

ابتسمي يالله واضحكي ... الدنيا ما تستاهل :21: فانيه

اختك ام رنودة

ام يحي ام مسلم همسات القلوب ماما صمت الجروح ام رنوده

مشكوررررررررررررررين على نصايحكم والله انى لما ابطل الموقع واشوفكم رادين على ومتواصلين معاى يثلج هالشى صدرى

ولاتعتقدون انى مااسمع كلامكم او اطبق نصايحكم الله العالم انى قاعده اقرا النصايح بالمره والمرتين بس المشكله ان يمكن هاليومين الاحداث كانت تصير بسرعه وكلها مالت سوالف صارت من قبل ...

نصايحكم كلها على راسى بس بهاللحظه هاللحظه ماقدر اطبقها لسبب ان زوجى عنده الحين اى تصرف راح اتصرفه انا او اهلى يعتبر بالنسبه له عناد وضغط عليه يعنى اذا عينى عينك منعته الحين راح يربطها على طول مثل اللى صار امس لما زرتهم قالى جدام الموجودين تعالى اوريج الباب اللى ركبته فوق حاولت منى مناك اقوله لا اصر جدامهم وكل من قام يطالعنا ماحبيت اكبر السالفه ولما ركبت وياه من كثر ما انا مشحونه بكلامكم الله وكيلكم اربع ساعات بالضبط ماطال شى ين استخف بس بعدها تكلمنا بالموضوع وانا طلبت منه ان يوعدنى انى مااركب بعد معاه داره ولايحرجنى جدام اهله واهوه قالىى اوكى بس قعد يربط بين امتناعى عنه فجأه وبين اللى صار وقالى اشسالفتج اكو احد فار راسج على والا علشان تضغطين على علشان السكن شقوله ؟؟؟ اقوله هاذى نصايح خواتى بنات المنتدى هههههههههه اضطريت اتنازل شويه علشان لا اخرب على عمرى الخطه وانفذها شوى شوى .. بس مانى بنت ابوى اذا مااحسره مثل ماحسرنى واخليه يركض وراى اشلووووووووووون مادرى بس انشالله نصايحكم اتيي بفايده راح اشيل سالفه الزواج من بالى بالمره خصوصا جدامه واسوى روحى مومهتمه وعسى يحس ......

والله المستعان...لاتملون بنات منى بس شسوى قلت مشكلتى حق اهلى عقدت السالفه فا مالى غيركم افضفضله واشكيله اللى فى قلبى

عزيزتى جروح الاحلام


اولا من اممكن ان يكون راى مخالفا لراى الكثير من اخواتى فانا لاارى زوجك بارد ولايريد اتمام الزواج
عزيزتى لم يتم على ملكتكم غير شهر (ادرى انك بتقولى اقراى مابين السطور ) انا لااعتبر العمر مشكله
بس انت اللى حاطه هالشى بين عيونك ومخليته يتحكم فى تصرفاتك السيده خديجه تزوجت وهى فى 40 وجابت
6 ابناء اختى انسى مشكلة ( العمر ) وانبسطى واستانسى بايامك الحلوه هاذى

اختى
زوجك طيب وابن حلال والدليل محبته لاخوانه حتى ولو على حساب نفسه ويكون فى علمك اختى اللى مافى خير فى
اهله مافى خير فيكى لكن زوجك ماشاءالله على رغم محبته وشوقه للعيش معك تحت سقف واحد لكنه مايبغى يزعل اخوه اواخته منه
يعنى اختى لو انتظرتى 6 شهور ماراح تنهد الدنيا المهم انتى لاتبينى لهفتك على الزواج وتخليه يحس انك انتى مستعجله اكثر منه

اختى
انا ارى انك مخطئه ايضا لان مشاكلك انتى وزوجك يجب ان تضل بينكم ولاتعودى تكلمى احد عنها لان صدقينى
المشكله تكون صغيره بس يوم تكلمى احد من اهلك او اهله عنها تلاقيها تكبر وتتفرع كمان

عزيزتى
هذه ايام جميله لاتدعى افكارك تخربها عليكى بعدين تتندمى على هذه الايام
وانشاء الله يجى اليوم اللى تتزوجى فيه بس على شرط ان كل اللى حواليكم يكونوا مبسوطين وسعيدين لزواجكم
ماهو القلوب شايله على بعضها والسبب انتى الله يهديكى انتى تقولى (اخوه اهوه اللى وقفلنا عظم بالبلعوم بالسالفه وزوجى يحبه حيل ويحترمه ) اختى هذا اخوه وانتو راح تكونو ساكنين ببيت واحد يعنى لابد من الاحتكاك والمفروض انتى اللى توصيه على صلة الرحم
هذا اخوه وعم اولادك كمان انشاء الله يعنى ماهو مشكله لو تاخر شوى الزواج وكان الكل راضى احسن من انه يتم الزواج الحين
والكل زعلان وماتلاقى احد حولك الكل زعلان
اختى خليكى حكيمه واعرفى كيف تبداى حياتك بسعاده وبعيده عن المشاكل
انا تكلمت كثير وماادرى اذا كلامى بيعجبك ولا لا
تصدقى انى رحمت ابوكى ياعمرى عليه (بس ارجع واقول انتى السبب )

هذا مع انه لى بعض التحفظات