مشكلة لإحدى الأخوات .. أطرحها بين يديكم ..

السلام عليكم

احدى الأخوات طلبت مني طرح مشكلتها هنا .. والموضوع هذا تلبية لرغبتها ..
.
.
.
.

هي بسيطه نوعا ما ..كل مافي الامر ان زوجي اصر علي ان اتوظف .. وبحث ولقى صديق له زوجته لها مكتب ديكور او مادري ايش المهم ..قالي ابغي اوديك لها تتعرفين عليها ... وبعدها هي راح توظفك ..
بالنسبه لى ماعندي مانع بس فيه حاجات محيرتني ..زي اني اول مره اقابل احد وخاصه اذا كان في مكان عمل يعني زي الشركه موظفات وناس داخله وناس خارجه واحس اني ماقدر اخذ راحتي واتوقع انها تكون مشغوله .وشلون اتصرف وش يصلح البس رسمي اخاف تقول هاذي جايه تشخص عندنا وتكشخ ولا البس عادي تفكر اني قرويه ولا اواجه .. مع انها مشكله نسبيه مالقيتها بال .. اهم شئ عندي اول مادخل اسلم واقعد عشر دقايق وامشي او اطول وافتح علطول موضوع الوظيفه .. اكون رسميه في القعده لانه مكان عام او اطيح الميانه وأخذ راحتي بحكم انه زوجه صديق زوجي وابغي تشوف اني مرحه وماني من الناس الي شايفين انفسهم ودي يكون صله اقوى بعدها
وثاني شئ مكتبهم توه مفتوح جديد .. اخذ معاى هديه شوكولاته و ورد او مالها داعي ..
ارجوكم يابنات من مرعليها مثل كذا وش سوت وعطوني رايكم وهم شئ يكون اتكيت وحطو نفسكم مكاني ؟ ودي تأخذ عني فكره زينه
واشكر كل من دخل وقرا ورد وكل من طلع ومارد
والله يجعلها من موازين اعمالكم ويجزانا وياكم الجنه قولو امين