مشكلة مستعجلة : حالتي النفسية سيئة

أختي مشكلتك الوحيده ... بنظرتك لنفسك

تنظرين لها نظرة دونية , استشفها الجميع منك , وعاملوك بناء عليها

سأعود بإذن الله لأتحدث معك بتفصيل .

هذي المرأه..
هشه ضعيفه ومحد مستعد يحتويها..!!
مع إنه تكفيها كلمه حلوه لمسه حانيه تخليها تنقلب 180 درجه...
الله المستعان..

ياقلبي..تصافي مع نفسك..حسي فيها..
إهمالك لنفسك ليه؟؟؟
وبأي سبب؟؟؟
ومن اللي يستاهل تموتين نفسك عشانه وانتِ حيه؟؟!!
هل مريضه؟؟أو شخص غالي عليك مريض؟؟!!
هل ماتلقين لقمه تشبعك؟؟؟
هل خذتي لفه على المشاكل ..
وشفتي الزوج اللي يتزوج على زوجته وينساها.؟؟!!
أو يخونها وتلقى معه أمور عظيمه ماكانت متوقعتها؟؟
أو أكتشفتي إنه مُدمنز..ووو........الخ؟؟

قلبي..
صحيح كل العالم تمر بمشاكل وتخلي الدنيا سوداء بعيونها..
وصحيح "خلق الإنسان في كبد"
بس فيه ناس تستلذ بتهميش روحها بشكل غير مُباشر..
تعيش دور تراجيدي يكون سبب نهايتها..
وتخلي حياتها مثل الفلم قدامها تعيد ذكرياتها التعيسه..
حتى تزيد هم وغم وضياع !!!
فيه ناس تفكيرهم سلبي...من أقل مشكله أو امر يصيبهم..
يتبلدون ويهملون أنفسهم ويكشرون ويمرضون..
ويرمون بعدها الأسباب على الناس والظروف والمجتمع..
بدليل بعيده عن اهلك وأهل زوجك سيئين معك..
فوش سويتي؟؟
عاقبتي نفسك!!!!
جنيتي عليها ..وأهنتيها وذليتيها!!!!
تفاهمي مع نفسك..وعطيها الثقه ..حسسيها بكرامتها و بأهميتها...
حتى يحسون فيك الناس ويرتاحون لك..

يالحبيبه..
أنتِ مافيك إلا العافيه..
بس لو تهتمين في نفسك وتحاولين تفرفشين..
وتحاولين ماتشيلين هم الناس وكلامهم..
اوكي جارح ويضايقك ويألمك بعد..لكن أسفهيه في داخلك..
أو حاولي بدل إجترار الذكريات اللي تحطمك تغيري أسلوبك مع أهل زوجك..
ترى الناس بشكل عام يلفت نظرهم ويحبون اللي لسانها ينقط عسل..
فأقلبي معهم وأضغطي على أعصابك وبتلقين نتيجه ترضيك..


أهتمي في نفسك وزوجك وعيالك..
أرمي همومك وعيشي حياتك قبل ماتندمين..

عزيزتي دؤاك بيدك 00دعي الماضي على جنب جددي حياتك 00لماذا لاتتزاورين مع الجيران حاولي تكوين علاقات جديده وفرصتك الان عندما تذهبين لاهلك عودي وانتي متغيره انسانه طموحه 00تقربي لاابنائك واحتويهم طنشي سواليف اهل زوجك00اتمنى من الله العلي القدير ان يوفقك ويمنحك القوه لتجددي في نفسك0

نفسي اتعرف على صاحبه الراساله واصادقها ممكن ؟؟؟؟؟؟؟؟؟؟؟ياليت :26: