بسم الله الرحمن الرحيم
هذه رساله وصلت من احدى الاخوات ,,,
تقول صاحبة الرساله
المشكله حبيبتى.... زوجــــــــــة أخوى ويعلم الله أنى أحبها من كل قلبي وهى بعــــد ولله الحمد...
مشكلتها قلت النظافــــــــــه ..... ماتخيلين شكثر هي مهمله وهذى أهى أزمتها مع أخوى ... أخوى كل شوى يهدد بأنه راح يتزوج وكل شوى هم في نجره وصياح....
وياكثر ماكلمتها بدون فايده أخوى ماقصر جاب خدامـــــــــه والبيت ساكنه مع أهلى وشقتها عباره عن غرفت نوم وغرفة أستقبال وبنفس الوقت غرفة قعدتهم وحمام تكرمين ومطبخ نادرا ماتستعمله بحكم أنها تاكل مع أهلى تحت....في البيت الكبير.....
ومع هذا ماتخيلين الأهمال وشكل الشقه اللى مايفتح النفس.... والله ياماويه ماظلمتها أن هذا هو الوضع .... هذا غير أعيالها اللى لاجيتى تبوسين الواحد تشمين في ريحه حليب أو بسكوت
والله أنى متضايقه على وضعها وضع أخوى ويعلم الله أنى أحبها ودى لها بكل الخير وأخوى الله يهديه كل شوى متهاوش معاها ويهدد بالزوجه الثانيه وحياتهم الله أعلم فيها.....
أنا كلمتها بدال المره 100 بدون فايده .... المشكله الجديده والله ماراح تصدقين والله العالم وهو اللى بحاسبنى على ظلمها كان ظلمتها..... المشكله أن فجأه طلع في البيت قمـــــــــــل !
تصدقيــــــــــــن والله العظيم قمـــــــل وطبعا صار في بيتنا حالة أستنفار فووووق ماتخيلين....
وأمى قلبت البيت فوووووق حدر..... وجابت الخدمات وهات ياتهزيــــــــــأ وجابت الشركه ورشو البيت ...... ورشت أمــــــــى شعور الخدامات كلهم خدامات أخوانى وخواتى....
جان تصدمنا خدامت زوجة أخوى هذي جان تقول هذا بيت ماما كله قمـــــــــل تقصد بيت أهل مرة أخوى هذي.........
قامت وحده من خواتى تفتـــــــــش شعور أعيال أخوى هذا جان ننصدم أشعورهم مترووووسه شي مرعــــــــــــب وين قاعديـــــــــــن حنا.......... والله لو أننا في البر ماصار جذيـــــــــه
والله ياماويــــــــــه والله الشاهــــــــــد أنى ماظلمتها ..... وأن كل اللى كتبته صحيح 100 %...
تكفيــــــــــــن ياماويــــــــــه قوليلى شلون أتعامـــــــــل معاها شلون أقول لها أن عيالك وصخين وشعورهم مليانـــــــــــه قمل....
زوجــــــــه أخوى هذى حساسه وتفهم غلـــــــــــط ..... وعلى فكره أخوى يوم شاف أمـــــــى قالبه البيت سألها علمته أنها لقت قمل.... تدرين وشسوى راح لها وقام يصارخ أنتى وسخـــــــه جبتى القمل لأهلى اللى ماعمرهم أعرفوه .... والله العظيم ياماويه أننا ماجبنا طارى لأخوى أنه منها بس الظاهر أنه شايف وعارف.....
تكفــون قولولي شلون أنتصرف معاها بدون مانخسرها أنا أحبها فوق ماتخيلين ويعز على أنى أكتب هالكلام عنها بس والله العظيم أنى ماكتبته إلا بعد ماخانتنى الحلول.....
ماوية @maoy
كبيرة محررات
يلزم عليك تسجيل الدخول أولًا لكتابة تعليق.
عجب عجاب..
والله ما أدري وش أقول..صدق مشكلة موب هينة..
لكن مافي حل يا أختي إلا انكم تكلمونها مره واثنين ومليون..
اسأليها..أنتي تحبين أخوي وعيالك ؟! أكيد بتقولك ايه ..
قولي لها طيب أجل ليش هالإهمال الفظيع ؟!
سبحان الله الفرق بين البيت النظيف والعيال النظيفين بس يرجع الرجال ويشوفهم..وبين العكس..
النظافة تفتح النفس..وسبحان الله هي من الإيمان..أنا أدري انك بتقولين كلمناها
ألف مره أبقولك معليش كلميها حاولي تعطينها أفكار لتنظيم بيتها وتنظيفه..
الأطفال لازم تروشهم بشكل يومي وتبدل ملابسهم كذا مره باليوم..وتغسلهم كل ما أكلوا شيء أو شربوا..
تسوي جدول للخدامة..لتنظيف شقتها بشكل يومي..وطبعاً تحت إشرافها..
هذا غير تعطير البيت بعد التنظيف..وش بعد أبقولك..
الله يهديها بس ويبصرها باللي حولها..
انصحوها ترى النصيحة تعطي همة للواحد..بيني لها أهمية النظافة في بيتها وأولادها ونظافتها
الشخصية وكيف زوجها بيقبل عليها أكثر من السابق..أنا بصراحة أشوف دايم الحريم موسوسين نظافة بشكل
زايد لأن هذا الأمر مقدور عليه في كسب الزوج وجذبه لطرفها..لأن في بعض الأمور ماهو مقدور عليها..
فالواحد يسعى باللي يقدر عليه..وان شاءالله تتحسن الأوضاع..
:26:
والله ما أدري وش أقول..صدق مشكلة موب هينة..
لكن مافي حل يا أختي إلا انكم تكلمونها مره واثنين ومليون..
اسأليها..أنتي تحبين أخوي وعيالك ؟! أكيد بتقولك ايه ..
قولي لها طيب أجل ليش هالإهمال الفظيع ؟!
سبحان الله الفرق بين البيت النظيف والعيال النظيفين بس يرجع الرجال ويشوفهم..وبين العكس..
النظافة تفتح النفس..وسبحان الله هي من الإيمان..أنا أدري انك بتقولين كلمناها
ألف مره أبقولك معليش كلميها حاولي تعطينها أفكار لتنظيم بيتها وتنظيفه..
الأطفال لازم تروشهم بشكل يومي وتبدل ملابسهم كذا مره باليوم..وتغسلهم كل ما أكلوا شيء أو شربوا..
تسوي جدول للخدامة..لتنظيف شقتها بشكل يومي..وطبعاً تحت إشرافها..
هذا غير تعطير البيت بعد التنظيف..وش بعد أبقولك..
الله يهديها بس ويبصرها باللي حولها..
انصحوها ترى النصيحة تعطي همة للواحد..بيني لها أهمية النظافة في بيتها وأولادها ونظافتها
الشخصية وكيف زوجها بيقبل عليها أكثر من السابق..أنا بصراحة أشوف دايم الحريم موسوسين نظافة بشكل
زايد لأن هذا الأمر مقدور عليه في كسب الزوج وجذبه لطرفها..لأن في بعض الأمور ماهو مقدور عليها..
فالواحد يسعى باللي يقدر عليه..وان شاءالله تتحسن الأوضاع..
:26:
كل مشكلة ولها حل إن شاء الله... فمثل ما ربنا خلق الداء أكيد خلق له الدواء وإن شاء الله كلمة من هالأخت وانا وغيرنا راح نلاقي الحل...:27: بس حبيبتي هدي بالج ولا تحاتين اكثر......
بصراحة من واقع تجربتي فالحياة ساعات النصيحة الشفهية ما تفييد مع الناس.... يعني مثل حالتج قلتي لنا انج نصحتيها مية مرة ولا شفتي استجابة... عندي لج الحل وهو:41:
شوفي حبيبتي الكلام عمره ما جاب نتيجة خصوصا وانج حاولتي فاشوف الحل إنج تنفذين اسس النظافة جدام زوجة اخوج يعني...:42:
لما بتروحين تتشرين سوالف من بودي شوب وغيره خذيها معاج واشتري لها.... وان ما طاعت تروح معاج يبي المحل للبيت.... يعني اشتري مثلا حلاوة، على سكرابات على مقشرات للويه على خلطات سويها للويه والجسم على عطور وكل مرة جربي شي جدامها على عمرج وحطي لها وياج....:32: وصدقيني لو كان عجازة ما بتقول لج لا ما أبي مو كل شي جاهز....
وعطيها جدول واحد لج وواحد لها وقولي لها بنسوي مسابقة وبنشوف منو فينا النتيجة بتظهر عليها قبل....:21: وقولي روح المسك قالت....
ما أوصيج دعواتج للي بالزوج الصالح....:42:
بصراحة من واقع تجربتي فالحياة ساعات النصيحة الشفهية ما تفييد مع الناس.... يعني مثل حالتج قلتي لنا انج نصحتيها مية مرة ولا شفتي استجابة... عندي لج الحل وهو:41:
شوفي حبيبتي الكلام عمره ما جاب نتيجة خصوصا وانج حاولتي فاشوف الحل إنج تنفذين اسس النظافة جدام زوجة اخوج يعني...:42:
لما بتروحين تتشرين سوالف من بودي شوب وغيره خذيها معاج واشتري لها.... وان ما طاعت تروح معاج يبي المحل للبيت.... يعني اشتري مثلا حلاوة، على سكرابات على مقشرات للويه على خلطات سويها للويه والجسم على عطور وكل مرة جربي شي جدامها على عمرج وحطي لها وياج....:32: وصدقيني لو كان عجازة ما بتقول لج لا ما أبي مو كل شي جاهز....
وعطيها جدول واحد لج وواحد لها وقولي لها بنسوي مسابقة وبنشوف منو فينا النتيجة بتظهر عليها قبل....:21: وقولي روح المسك قالت....
ما أوصيج دعواتج للي بالزوج الصالح....:42:
الصفحة الأخيرة
ديننا حثنا على النظافة
ماقول الا الله يعينهم على بلواهم