مشكلة وفضفضه وابي استشاره

لو تدرين عن النعمة الي انتي فيها كان م قلتي كذا

تخيلي بحرب غزة من فقدت جميع اولادها وزوجها ومسكنها وبقت وحيده ومع ذالك تقول الحمد لله ربي يصبرني

تخيلي من ماتو جميع أسرته من اخوان واخوات واب وام لا مأوى ولا سقف يحميه
تخيلي من هم في المستشفيات ع جرعات كيماوي أو غسيل كلى يتمنوا فقط العافيه ولو ليوم واحد

ي بنت الحلال ركزي في النعم الي انتي فيها وأحمدي ربك وارضي بالي فيه
لاتخلي الشيطان يلعب فيك تقربي من الله كثري من الاستغفار وكل شي بتشوفينه سهل وميسر

صدقيني كل انسان عنده مشاكل في بيته مع أهله اصدقائه عائلته في آشيا تضايقه بس يطنش وتمر الحياه لاندقق ع كلشي م فيه احد عايش بوناسه الا مايجي شي يكدر مزاجه

وتفكيرك بالهروب هذا اكبر غلط وانتبهي تسوينها

مستحيل ولاتدخل عقلي ان فيه اهل يكرهون بنتهم بلاسبب
يمكن منهم اهمال صح يمكن تلاقين قسوة
بس كره من الباب للطاقة مستحيل

حاولي تصيرين بنت تحب المبادرة تنظفين البيت من حالك
تجهزين قوة وحلا تجمعين اهلك عليها من حالك
يعني تنشرين السعاده بالبيت باشياء صغيرة وتعالي احكي لي التغيرات
طبعا استمري وبصمت مو تقعدين تراقبين ردك فعلهم وتبغين منهم شكر
لا كذا سوي لوجه الله

وعليكم السلام ورحمة الله وبركاته 💕

واضح انك شخصية حساسة لكن بالنسبة لمشكلتك الحل ان شاءلله سهل

اولاً فكرة الهرب مو حل أبدا بالعكس تزيدي مشاكلك تعقيد
لكن حولي خيالك إلى واقع بما انك تدرسي بالجامعة
اتعرفي على صديقات وخلي يومك سعادة وايجابية وضحك معاهم
زوريهم وخليهم يجو يزورنك أو اطلعي معاهم

ادخلي دورات في مجال تخصصك أو أي مجال تحبي اختلطي مع الناس واتبادلي الأفكار والاراء والخبرات حتى تتعلمي كيف تتعاملي مع أي شيء يواجهك وتعبري عنه واللي حولك يفهمونك وأنتي تفهمينهم

مشكلتك انك منغلقة على نفسك علاقتك مع أبوك علاقة بنت مع والداها
فكرة التجاهل و يمر عيدين غريبة بصراحة
عيشي اللحظة ولاتخلي الأوهام تسرق عمرك
حبي نفسك وواقعك كلها كم سنة
وتتخرجي وتتوظفي أو يمكن يجيك نصيب
فكلنا نكبر ونتغير مع الوقت

بس بجد أنتي بأحلى أيام العمر أنصحك تتعرفي على صديقات مو للفضفضة والنكد
عشان تحاولي تنبسطي وعشان مع الوقت يخف تركيزك على الأمور اللي تضايقك

وأبوك مهما حسيتي انه يتجاهلك أنتي افرضي نفسك
سلمي عليه كل صبح وصبحي عليه وشاركيه خبراته وسؤاله عن حاله
مشكلتك أنتي حاطة حواجز مع واقعك

موفقة يارب 🌸

ياحبيبتي حطي ببالك واعملي بها
من رضي فله الرضا ومن سخط فله السخط
انا لما اركز على كل شي سلبي صار واحطه بقلبي واسلط الضوء عليه اصير انا دور الضحيه طبيعي بتتعبين نفسيا وراح يبان من نظراتك لهم وتعابير وجهك حتى لو مانطقتي وجههك عليه معالم اللي بقلبك عشان كذا قالك ابوك اتحاشاك لان ممكن تعطينه نظره انو مش راضيه عن حياتك انا مكسوره منطفيه وانك ضحيه ويالله زيدوني يالله اكسروني يعني تحسسينه بالذنب ويمكن يفكرها مشاعر غضب ونفور منه يروح لخواتك اللي ماياثر فيهم وتعايشو مع المناقرات مايدخلونها لجوات روحهم حاطين ببالهم انو موقف موقت وانتهى مايكبرونه جواتهم ويخلونه تحت المجهر واجمع بكيس لحد ماانفجر
ابدي من اليوم جمعي ايجابيات ابتسمي لهم اذا مزحو اضحكي ارقصي فكري معاهم بفعاليات تسونها خليك عنصر مهم بالمجموعه لاتحطين ببالك انو انا مو بنتهم وعنفوني وهذول ناس مؤقته وانتظر النحشه ومدري ايش لان بيوضح على وجههك(سيماهم في وجوههم)في ناس لطيفه شفافه كل شي جواتهم يطلع من نظراتهم وتعابير وجههم ولما يزعلوك وتزعلي وتاخذي موقف وماترجعي تسولفي معاهم ونظراتك لهم يومين زعل وعتب حتى لو كنتي ساكته بينفرون منك زياده للاسف مايحبون شعور انو في احد متاذي منهم و انهم اشرار القصه

وانا فاهمتك والله انتي حساسه ورقيقه وهم دفشين بس عادي ياروحي والله ياانو اغلب العوايل كذا خصوصا اللي تجيب عيال كثير لاتقدر تلحق تطبطب على ذا ولا تسال عن ذاك ضغوطات ونفسنه يوم حلو ويوم سقم خلينا نتعلق بالحلو ونكبره جواتنا عشان انفسنا عشان نرضى وترجع تدب الحياه فينا من جوه وتطلع من برا السعاده والتقبل وقتها صدقيني بتشوفين انهم بلسم ومناقراتهم سامجه ماتستدعي اني اوقف عندها واعدم نفسيتي عشانهم واهم شي احضني اي احد تحصلينه منهم كونو علاقه حب تتصالحين مع ذاتك وتتقبلينهم وتصيرين ماترضين عليهم واي غلط يسونه بحقك تسامحينهم لان تدرين ومتاكده انهم يحبونك لان مستحيل تحبينهم وتعيشين طبيعي معاهم الا اذا جلستي جلسه مع نفسك وسامحتيهم مسامحه صادقه وترمين كل شي بقلبك وانصحك بالوتر فضفضي باللي يسونه وكابتته بقلبك وقولي يارب سامحتهم يارب امسح على قلبي واشرح صدري وحببنا ببعض وسخرهم لي وحنن قلوبهم علي🫂🩷🩷🩷🩷

ايوا والله الحمد لله على كل النعم❤️‍🩹
صدقيني انها لو كانت مجرد (أشياء) مو حياه كاملة ما كان جيت وكتبت❤️‍🩹