يعني اذا هربتي بتنتهي مشاكلك وتتبدل شخصيتك وعقليتك وتفكيرك ؟
عزيزتي جزء كبير من اللي انتي فيه من صنعك وتنفيذك وارادتك
اذا التفكير جامد ومتنح على عقلية انا المظلومه المسكينه المضيومه راح تبقين طول عمرك كذا حتى لو هجيتي للمريخ وعطارد راح تبقين بنفسية وعقلية انا المضيومه المسكينه وراح تعيشين دراما للنخاع
وتذكري الآيه إن الله لا يغير ما بقوم حتى يغيروا ما بأنفسهم .
يعني التغيير يبدأمن داخلك من طريقة تفكيرك ونظرتك للحياه والناس اللي حواليك
وانا اتكلم من تجربه شخصيه وماضي مر صعب مليان دراما واحزان واكتئاب وماتغير حالي الا لما انا غيرت من نفسي
وحتى اللي كانو سيئين معاي احسنت لهم وتوددت لهم وعاملتهم بما يرضي رب العالمين ويريح ضميري بدون لا انتظر منهم مقابل الى ان تحسن اسلوبهم معاي
واذا بتفكرين بوضعك بتلاقين انه اساساً ماعندك مشاكل تستاهل وكل الحكايه انك تبين اهتمام ودلع وانتي اصلاً مو قاعده تعطين هذا الاهتمام لهم بدليل انه يصير بينكم زعل بالشهور ومافي منك اي مبادره ولا تودد واحسان رغم انه ابوك اللي واجب عليك بره والاحسان له حتى لو كان كافر عاصي
وختاماً الشي اللي ابي اقوله ما فكرتي بينك وبين نفسك وش الحكمه والدرس اللي رب العالمين يبيك تفهمينه من هذا الحال وتتعلمينه ؟
مو يمكن ينبهك لموضوع بر الوالدين والاحسان لهم ؟
او يمكن يبيك تتعلمين تبادرين بالمعروف والقول الطيب وتقوى الله في القول والفعل ؟
او يبيك تتعلمين تحبين نفسك وما تنتظرين احد يتصدق عليك ويشفق عليك بمشاعر وعاطفه ؟
او يبيك تصيرين ناضجه عاقله بفكرك وتعاملك وتصيرين قويه وتتركين الهشاشه والضعف والتخاذل ؟
وغيرها اشياء وتفاصيل كثير لو تفكرين بينك وبين نفسك بتلاقين اسباب كثير
اصلحي اللي داخلك وراح ينصلح الخارج بإذن الله
اما سالفة انك تهربين هذا كلام فاضي اذا انتي مخدومه محشومه تاكلين وتشربين ببلاش وموفر لك سكن ودراسه ومواصلات وكل وسائل الراحه وتصايحين انك مو مرتاحه وبتهجين اجل لو تجلسين لحالك وتشيلين مسؤلية نفسك وش بتسوين ؟
اللي تفكر بالهروب اول خليها تشيل مسؤلية نفسها داخل البيت من الالف الى الياء سواء مدخول شهري و مواصلات واتصالات وانترنت وملابس وطبخ وتنظيف وغسيل وسكن بعدها تتكلم عن الخروج من البيت

الله يهدي قلبك ويصلح حالك ‏مافيه اي شيء من الي ذكرتيه عن أهلك يدل على القسوه أو الاضطهاد منهم .
عندك خلل في قناعاتك.
غيري تفكيرك لانه بيجيب فيك العيد

معلش خليك بواقعنا شووي
وافهمي وش باقول لك بعقلك
إمسكي ارضك واتبعي عقلك
وخلي قلبك ع جنب لاتطاوعيه
اغلبنا مرينا بهالافكار
وكنت اعرف بنت مثلك ودايم تتصل وتشكي لي
من تعامل اهلها
واهلها مافي مثلهم بطيبهم واصلهم وكرمهم مع الغريب قبل القريب وانا عاشرتهم
ونفسي نصيحتي لها بنصحك
بكره بتتزوجي وبتحني لهم
وبتعرفي قيمتهم وتزوريهم دايم
(الحين بتطب لي ام اربعه واربعين)
وفعلا البنت تزوجت والحين متعلقه بأهلها مرره..
كل هالافكار من الشيطان وانتي سنك صغير
نصيحه من ام خلي قلبك ع جنب
وشاركي اهلك بكل شي
وخلك من التدقيق الزايد في تعاملهم
انتي بنتهم بالاخر ومهمه واهم واغلئ شي لهم

يعني واقعك فيه اشياء جميلة بس مو قادرة تستوعبي الجمال لانه مركزة على الاخطاء

فكرة انك انقبلتي بالجامعة نعمة استشعريها وحسي بفرحتها وركزي على درجاتك وانك تتخرجي بمعدل عالي

فكرة انك عندك بيت وعائلة وامك وابوك جنبك هذا نعمة يتمنوها ناس كثيييييير

حاولي تتصالحي مع الواقع وحبي حياتك ونفسك والحب يبدأ انه تحبي الاشياء السيئة قبل الحلوة وبالتالي حتتعودي على طبع الوالدة واسلوبها لدرجة لو تسافر يومين حتشتاقي لصوتها وعصبيتها بالبيت

وقيسي على امور كثيييير .. في اشياء بالحياة مقدرة علينا مانقدر نختارها فهذا يكون الواقع مثل الام والاب والاخوات فلازم نحب بعض ونقوي علاقتنا ببعض مو نهرب من بعض

حاولي تكوني اجتماعية ومحبوبة وربي يسخرلك رفقة طيبة ويسعدك كمان 🌸