مشكلتها جدا غريييبه (( النظافة الشخصية ))

الصراحه أنا اترددت وايد قبل لا اكتب هالمشكله لانها جدا حساسه ...بس بعد اصرار ربيعتي وانها يوميا اتحن علي انها تبغي حل لمشكلتها ...هيه حاولت الاشتراك بعالم حواء بس ما اعرف يمكن ما فعلو الاشتراك فهي قالت لي انقل لهم مشكلتها عل وعسى تلقوو حل يريحها..
وانشالله اكون حطيت المشكله بالقسم المناسب

انا بنقل لهم مشكلتهابقلمها .. وطبعا انا بكتب لكم جميع ردودها لانها يالسه من احين تتريا الردود ... الله يعينـــــها ...

تقول انا عمري 21 سنه اتزوجت وكان عمري 16 سنه طبعا عشان عاداتنا وتقاليدنا اتزوجنا بهالعمر وانا كنت راضيه ... بالصراحه انا اول ماتزوجته كنت مستانسه اني متزوجه وطبعا تفكيري كان على قدي ومحدود وكنت فرحانه بالعرس والطلعات والزواج بحد ذاته ...

عموما بعد سنه تقريبا حصلت بينا وايد مشاكل لدرجة انها وصلت للمحاكم .. لكثير من الاسباب يعني عدم اهتمامه عدم صلاته السهر والخيانات .. يعني بصراحه انا بقولكم كل هالاسباب يمكناني اتحملها واحاول فيه لكن بكل صراحه السبب الرئيسي هو عدم اهتماه ابد بنظافته الشخصيه يعني يمكن يسبح بالاسبوع مره .. الصراحه والله يا بنات احيانا يوم اقرب منه تلوووع جبدي ابغي ازوع .. حتى يوم يتكلم ريحة حلجه ... والله احيانا اتحاشى اوقف حذاله .. اتكلم من بعيد ... فتخيلوووو كيييييييييف بالفراش .. والله يا بنااااااااااات اكره عمرررري ...
بتقولون انزين ما كلمتيه ما حاولتي ...؟؟
والله يا بنااااااااااات حاولت وحاولت وكلمته وعيزت .. ينظف يوم او يومين او اسبوع وبعدين يرجع لنفس حالته ...
لدرجة اني يوم مره طلبت الطلاق وتميت فتره واهلي ظغطووو علي يبغو يعرفو السبب مب مقتنعين بكلامي عن سهره وخياناته.. عرف واحد من الاهل ورمسه حتى والله .. بس لا حياة لمن تنادي ....:(

يا بنات انا ادري الحين بتقولووو حاولي وياه واصبري وسويله حركات وما اعرف كيف ..

بنات الله يخليكم حسووو فيني والله كرهته ... عـــــــــــــــــــــــــافك الخاطر والله
والله لو يصير زين وما شي احسن عنه ويتسبح باليوم 5مرات ما اريده والله .. والله اكره الفراش معاه والله .. خلاص كرهته .. هو عقدني وكرهني بهالشي والله ...
بنات هذا شي فطري ما بينا ولازم يكون بطيب من خاطر ..يعني ما اعرف كيف افسر لكم..
والله يا بنات يوم يناديني للفراش اكره عمري بس شسوي غصبا عني واحيانا اتهرب بس اخاف من ربي ... شسوي يا بنات.....
الله يخليكم لا تقولو حاولي انا خلاص ما ابغي وياه هووو والله اكره هالشي وياه مااحبه انا احس الدنيا اتدور فيني يوم اكون وياه ...خلاص هو كرهني فيه ..
________________________________________

المشكله الحين بصراحه قلت بصبر مب مشكله بتحمل عشان ولدي لكن لين متى بتحمل ..؟؟
انا بعد انسانه ولي رغبات .. والله عندي فراغ عاطفي جدااا كبير .. والله اخاف من اسو اي شي غلط وما يرضي ربنا .. صدقوني انا واقعه تحت ظغط جداكبير مااقدراتحملهأانا متزوجه من 5 سنوات وصابره .. والله نفسيتي تعبانه ... والله اخاف بيوم اني اغلط من كثر اللي فيني .. طبعا فاهميني .. يعني ابغي انسان يستر علي واسترعليه من اللي نشوفه من بلاوي بهالدنيا .. (( ان النفس أمارة بالسوؤ)) .. والله بنات انا احول اصبر عمري اصلي واقرا قران وانسي عمري لكن لين متى ؟؟؟ كم بتم؟؟ كم بتحمل ..

والله يا بنات انا يوم طلبت منه الطلاق قبل لا يكون عندي طفل رفض ...
والحينه يوم عندي طفل يقولي تنازلي عن الولد والمؤخر وبطلقج عادي وياه ..

والله يا بنات انا بغي اتطلق منه بس ولدي ؟؟؟؟ انا ادري انه فترة الحضانه لي مدامني ما اتزوجت لكن اذا اتزوجت على طووول بياخذه عني شسوي ..؟؟؟

واذا تميت وياه والله يا بنات ما اقدر اتحمل واخاف اني اسوي اي شي غلط من كثر الضغط علي ....

الله يخليكم يا بنات شورو علي ..؟؟؟ شسوي ...:44:

طبعا هيه بتقرا كل ردودكم وانا بنقل لكم كل تعليقاتها .... الله يعين