مشكلتى مانى كتومه ........علمونى شسوى

آخر من ينصحك أنا ..

لأني مثلك تمام :(

ولو أني قليلة الحكي ..

ولكن ما أعرف أكتم ..

ودايماً أدعو اللهم استرني في الأرض وتحت الأرض ويوم العرض من كثر ما أفضح نفسي ..

ولكن عندي أخت كتومة موت لا أنا تأثرت بها ولا هي تأثرت بي.

ههههههههههههههه
الله يعينك انا نفس حالتك ودي اغير ما اقدر
احس الكلمة في لساني لازم تطلع والا بيصير فيني شي
امي مسكينة ملت من كثر ما تحرك في وجهها وتغمز تبيني انكتم
واختي وصديقاتي ينصحوني وانا اطنش
بس بعض الاحيان تمر عليك مواقف تقولين فيها ياليتني ساكتة وتندمين اشد الندم على انك قليته لانك بتصيرين فاكهة كل مجلس يعني بكل مجلس بتصير سوالفك هي اللي فيه عاد الناس يا تشمت يا حسد
والناس اذا شافوك بيتكلمون معك عن اسرارك قدام خلق الله
وماراح يسمونك الطيبة بالعكس راح يطلقون عليك اسم ثاني .... يعني خبلة << تراني اتكلم عن نفسي
الحين انا احاول اني امسك نفسي واسأل الله انه يثبتني
يالله من اليوم عودي نفسك على انك تكتمين وحاولي وتذكري وش بيقولون الناس عنك
دعواتي لك بالنجاح في الكتمان
كني طولتها وهي قصيرة

الظاهر هذا طبع فيك ،،

بس تذكري وانتي تحكين يمكن تضايقين غيرك ويحس بالنقص يمكن يحسون انك مغروره او انك تبين الناس تمدحك

او تبين تغايرينهم كل وحده عاد على حسب فهمها وعقليتها هذا غير العين اللي خايف منه زوجك ،،

لازم تضغطين على نفسك وسوالفك تكون عامه مو محدوده حتى ماتكونين ممله والكل عارف وش بتحكين عنه..

زمرده ...............ام كوشه
يا مال العافيه
ويالله عسى نتخلص من هالمشكله يا رب

بنتون :

كلامج جاى على الجرح ، حسيت نفسى وانا اقراااه انى ادخل واغوص بشخصيتى
صج يمكن كلامى عن نفسى وبيتى وعيالى ؟؟؟؟
تخلى الناس من حولى يشوفونى مغروره
والله كم وحده عقب ما عرفتنى زين تقول كنت احس انج مغروره
مدرى ليش مع انى بمنتهى التواضع
وصااجه حبيبتى هالشى يترجم حسب شخصيه وتفكير وعقلية اللى قاعد جبالى يسمع

كملى حبيبتى بنتون زيدينى
الله لا يحرمج الجنه
تراا حجيج يرن بعقلى اكثر واكثر
ناطرتج

هذا طبع من كنتي طفله

ويقلون بو طبيع مايغير طبعه

وشيء اذا زاد عن حده انقلب ضده

صحيح انا اهل علومي الزوجيه :) بس لان اعاني من المشاكل ومن اهل زوجي

لكن مشاكل اهلي نوووووووووو وي في كنترول لسوالفي هذي :)

صادفت ناس يقلون مو كل شي تقولينه

مثل كنت اسولف عن ليزر الجسم يقلون مو لازم تعلمينهم ---> طيب ليه وش فيها

مثل ادرس ونجت بالواسطه ---> هني يقلون ليه تكلمين مو شرط يدري عنج كل شي

مثل سؤالوني كم شريتي هالقطعه ---> مو لازم يدرون

يعني في سوالف مالها معنه تنقال يبونها تكون اسرار :)

المهم يالغاليه انا فيني من طبعج في امور بسيطه وقبل الزواج كنت كتومه

واذا تبين حل لابد تعودين نفسج لين تتجمعين مع البنات او الجمعات

السكــــــــــــــــــــــوت الصمـــــــــــــــت

لاتكلمين كثيرررررررر حتى لو سؤلوج اسأله خاصه ردي الحمدالله يسرج حالي :)

لين تتعودين انك تكونين ساكته ويقل كلامج

وبعد ماتتمكنين من لغة السكوت والصمت

صدقيني راح تجدين الكتمان بكل سهوله

والله الموفق