مشكلتى مع زوجى وروائح الطبخ

حبيبتي الشفاط اللي فوق الفرن لحاله ما يكفي!!!!
فيه شفاط يتركب في جدار المطبخ يكون اقوي من شفاط الفرن ركبوا لكم بترتاحين
صحيح مزعج بس يدمر الريحة....
حاولي وقت اللي تطبخين تقفلين باب غرفتج و افتحي النافذة علشان حتى لو دخلت الريحة من الباب تطلع من الدريشة
بالتوفيق

وقت الطبخ اقفلي غرفة النوم وحاولي تطبخين فبل مايجي زوجك والشفاط ضروووووووووري تركبينه بس مايكفي اذا ماسكرت المطبخ ومعروف غرفة النوم تجمع الروائح حتى لوكانت بعيدة لان فيها اسفنج المراتب.....والشفاط اللي في الجدار ان شاء الله يحل المشكله واستخدمي بعد الطبخ قدر او وعاء اغلي فيه ماء واعوادقرفة او نعناع اواي اعشاب عطريه تزيل لك ريحة الطبخ والله يكون بعونك

والله ماادري غرف النوم حقتنا بعيده تماااااااااااااااااااااماً عن الغرف
سكري باب غرفة النوم بعدين فتحي الدرايش

وبالتوفيق

اش رايك تركبين الشفاط بغرفة النوم ههههههههههه

ماعندي حل صراحة

بس جربي بعد ما تنتهي من الطبخ تغلي ماء مضاف له خل وليمون واغلقي منافذ الهواء وخلي بخاره ينتشر بالمطبخ واذا قدرتي تمسحي الجدار بعدها يكون تمام
المهم اللي اعرف ان الخل والليمون يزيلوا الروائح وكمان الفحم مشهور وبقوة انه يشفط الروائح
فجيبيلك تل بألوان وحطي فيه فحم واربطيه بشكل حلو او اي طريقة ثانية وعلقي بغرفة النوم كذا وحدة عبال ماتشتري شفاط وربما ينفع معك وتغيري رايك

وخذي بالك لما تجي تكشني لا تكشني البصل مرة لأنه هو سبب الرائحة خاصة لو كان مع صلصة :(
انا كرهت الكبسة منه افضع ريحة طبخ لما اعمل كبسة دجاج ريحتها تمسك بالبيت مرة
بس مجرد ما انتهي من الغدا اغسل اواني اللي طبخته فيهم او اكلت فيها وتخف ، لكن حاليا ماصرت اعمل كبسة

اتمنالك التوفيق

جربي القدر وانتي تطبخين حطي فيه كم عود قرنفل وهيل وغار عدلة طبعا وخليه على نار هادية جنب طبختك وان شاء الله تمتص لك الريحة