بقولكم مشكلتي باختصار شديد وقولوا لي لو كنتوا مكاني وش تسوون؟؟؟
المشكله ان ساكنه فوق اهل زوجي...وام زوجي ماعندها غير بنت وولد اللي هو زوجي
يعني هو رب الاسرتين
انا عانيت معاناة مايعلم بها الا الله...مااشوف زوجي الا قليل جدا والسبب انه مايقدر يترك اهله ولازم يخلص طلاباتهم..حتى بداية زواجي كانوا يتصلون كل وقت لدرجة احيانا يقوم من الفراش بدون ادنى مراعاة لمشاعري ويروح لهم يخلص مشاويرهم بعدين يرجع يكمل ويزعل لو شافني متضايقه كان الوضع طبيعي..حصلت مشاكل كثيره وانا حاولت اظغط على نفسي واقول اصبري
برنامجه اليومي دوام نوم نادي اهله ربعه نلتقي يوميا الساعه 11 بالليل نتعشى 12 ونص رايحين ننام
لكن المشكله الععظمى تكمن في دخول رمضان يصبح برنامج زوجي كاتالي وهو اساس المشكله
يصحى الصباح يروح الدوام يجي من الدوام بعد صلاةالعصر ينام يقوم قبل الاذان بربع ساعه
ينزل عند اهله ويفطر معهم يصلي المغرب يرجع يتقهوى عندهم..يروح يصلي العشاء والتراويح
يرجع لاهله ياخذهم يخلص مشاويرهم بعدين يرجعهم ويطلع ربعه لين قبل الفجر بساعه يجلس معي نص ساعه بعدين ينزل عند اهله يتسحر يصلي يجي البيت...واذا طلبت منه ساعه بس يجلس معي سواها مشكله وقال احمدي ربك واشكريه ماقصرت معك..معقوله زوج وزوجته مايشوفون بعض الا نص ساعه باليوم واحيانا انام مارجع للبيت
هو يتوقع انه اذا وفر الاكل واللبس خلاص انتهت مهمته مو قادر يتخيل اني محتاجه وجوده معي بالبيت
محتاجه يجلس ياكل معي يتقهوى معي...اهله لهم حق وانا لي حق..العام نزلت افطر معه عند اهله
وصارت مشاكل..هالسنه صرت أنزل كل يومين اسوي لي كم طبق وانزل ومع ذلك ماسلمت لايعجبهم اكلي ولايردون علي احيانا حتى السلام....
انا متزوجه لي 3 سنوات وماجبت عيال لان زوجي عنده ضعف...انا راضيه بامر الله ومستعده اصبر على العيال..بس صعبه انحرم من العيال وانحرم من زوج يجلس معي
ساعات اقول وش استفدت من زواجي لو كنت بييت اهلي اصرف خصوصا أني موظفه واصرف على نفسي
لاتقولون حاولي تجذبينه للبيت والله العظيم من زواجي وانا احاول بكل الطرق بس ماقدرت
الطبخ..المسجات الحلوه...اللبس..اخر مره جلست يومين البس واجهز الكيك والعصير وانتظره 8 ساعات ويوم جاء لقاني زعلانه وتهاوشنا قال مابيك تطبخين ولاتلبسين وحركاتك الرومنسيه مابيها
ومتى مابغيت رجعت للبيت
رحت مرره اشكي لامه قالت انتي كذابه ولدي احسن واحد وانت الغلط
رحت مره ثانيه وشكيت لها قالت أنتي ازعجتينا تطلقي منه وريحينا...حسبي الله عليها
كلمت ابوي رفض يقابله ويتفاهم معه كلمت امي قالت ياويلك تطلبين الطلاق طيب شسوي انا بعد اخاف على نفسي من الوحده والقعده بالبيت بروحي؟؟
امانه امانه اي وحده مكاني يابنات وش تسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللي تدخل تقرا موضوعي ماعندها حل او رد لاتنساني من الدعاء لو بقلبها الله يوفقكم يارب
وردة عشق @ord_aashk
محررة فضية
يلزم عليك تسجيل الدخول أولًا لكتابة تعليق.
وردة عشق
•
حبيبتي ليلاس مشكوره يالغاليه ويكفيني دعائك...الله يوفقك يارب ويسهل امرك
جربت اتركه ولااسال عنه..هو انبسط وجته من الله
صدقيني تفاهمنا بدل المره مليون....قلت له لاتتركني بروحي طول اليوم ابيك تدخل وتطلع طول الوقت ابي احس ان البيت فيه رجال...او جب سواق لاهلك على الاقل تتخلص من المشاوير وكثرتها وعلى حسابي
طبعا رفض
احس الدنيا تقفلت بوجهي تعبانه مرره
جربت اتركه ولااسال عنه..هو انبسط وجته من الله
صدقيني تفاهمنا بدل المره مليون....قلت له لاتتركني بروحي طول اليوم ابيك تدخل وتطلع طول الوقت ابي احس ان البيت فيه رجال...او جب سواق لاهلك على الاقل تتخلص من المشاوير وكثرتها وعلى حسابي
طبعا رفض
احس الدنيا تقفلت بوجهي تعبانه مرره
اختي مو شايفه ان صعب بدون اطفال خصوصا اذا صار بدون زوج يعني كانك بنت بس الفرق الوحيد انك تتحملين عوار قلب وهم ماله داعي والا انتي وش تشوفين
يعني لو تقعدين بيت اهلك ماراح يتغير عليكي شي بس راح تفتكين من الهم والشقى
ويمكن الله يرزقك العوض ان شاء الله
اهم شي لا تتخذين اي خطوه بدون استخاره والله يوفقك
يعني لو تقعدين بيت اهلك ماراح يتغير عليكي شي بس راح تفتكين من الهم والشقى
ويمكن الله يرزقك العوض ان شاء الله
اهم شي لا تتخذين اي خطوه بدون استخاره والله يوفقك
dorr
•
الله يصبرك ياحياتي ......هدي نفسك ولاتزعلي
حاولي تكليميه بهدوء ومن غير انفعالات وباسلوب محبب له .. حسسيه بحبك له وحاجتك لوجوده قربك
يمكن لآنه الوحيد وهو رب الاسرى فما يبغى يقصر معاهم بأي شي ..وقفي معاه وبينيله انك مبسوطة بطاعته لأمه ..لكن مش على حسابك يعني يعطي كل ذي خق حقه ..
تقربي من أهله وخصوصاً أمه بالهدية والوجه الحسن والكلمة الطيبة ....ولا تشتكي لها عنه لأنها طبيعي توقف مع ولدها ... أبعديها عن أي مشكله تحدث بينك وبينه ..فهذا أكبر سبب يجعلها تنفر منك ..
عليك بالدعاء ثم الدعاء ثم الدعاء ... الجئي الى الله سبحانه وتعالى ...
استغلي وقت غيابه عن البيت بالتقرب الى الله بالنوافل وقراءة القرآن ....
أحضري له بعض الكتيبات التي تتحدث عن حقوق الزوجة ... استعيني بالصبر والصلاة والاستغفار ..
أسأل الله أن يسخر لك زوجك .. و يرده اليك رداً جميلا ويرزقكم الذرية الصالحةانه ولي ذلك والقادر عليه....
أسفة على الاطاله عيوني
السلام عليكم
حاولي تكليميه بهدوء ومن غير انفعالات وباسلوب محبب له .. حسسيه بحبك له وحاجتك لوجوده قربك
يمكن لآنه الوحيد وهو رب الاسرى فما يبغى يقصر معاهم بأي شي ..وقفي معاه وبينيله انك مبسوطة بطاعته لأمه ..لكن مش على حسابك يعني يعطي كل ذي خق حقه ..
تقربي من أهله وخصوصاً أمه بالهدية والوجه الحسن والكلمة الطيبة ....ولا تشتكي لها عنه لأنها طبيعي توقف مع ولدها ... أبعديها عن أي مشكله تحدث بينك وبينه ..فهذا أكبر سبب يجعلها تنفر منك ..
عليك بالدعاء ثم الدعاء ثم الدعاء ... الجئي الى الله سبحانه وتعالى ...
استغلي وقت غيابه عن البيت بالتقرب الى الله بالنوافل وقراءة القرآن ....
أحضري له بعض الكتيبات التي تتحدث عن حقوق الزوجة ... استعيني بالصبر والصلاة والاستغفار ..
أسأل الله أن يسخر لك زوجك .. و يرده اليك رداً جميلا ويرزقكم الذرية الصالحةانه ولي ذلك والقادر عليه....
أسفة على الاطاله عيوني
السلام عليكم
وردة عشق
•
دنيا الحسايف انا دايم اقول نفس كلامك انا متزوجه لعوار القلب والمشاكل بس الميزة اللي فيه انه يلبي كل طلباتي بس لاتطلبين اجلس بالبيت...فهمته ان الاكل والشرب واللبس اقدر اوفرهم بنفسي
او اهلي يوفرونهم لي,,,انا محتاجه منك الشيء اللي مايقدر يوفره احد غيرك
ولمشكله انا بخاطري الطلاق
بس قبل ساعتين اكلم امي وقالت لو تطلقتي لانتي بنتي ولاانا امك تحملي
الله بس يفرجها
door
كلامك صحيح كلمته اكثر من مرره بهدوء يقتنع ومن بكرا يرجع على حاله
انا عمري مابعدته عن اهله بالعكس انصحه او اشوفه مقصر معهم مالهم الا هو بعد الله سبحانه
بس انا وش ذنبي وين حقي..فهمته ان الله بيساله لانه ضيع حقي وماراح يشفع له بره بأهله لان حقي غير عن حقهم..ولازم يعطي كلا حقه
تقربت من اهله ومازلت اتقرب هدايا على طول كل ماشتري شيء لبيتي اشتريلهم ي شيء يعجبني اجيب لهم معي..اغراض البيت نقسمها بالنص بيينا وبينهم اشتريت هدايا بالاالاف لهم مو منه
بس حاولت اكسبهم بكل الطرق لكن هم ناس عاصين مايجون بالساهل
طبعت بعض العبارات الجميله من النت والقصص اللي تتكلم عن حقوق الزوجه واذا جلسنا مع بعض احاول اقص له واقراله لكنه يستهزء ويقول انتي مايعجبك العجب تبين رجل يسجد لك
الله يعين ويفرجها يارب
او اهلي يوفرونهم لي,,,انا محتاجه منك الشيء اللي مايقدر يوفره احد غيرك
ولمشكله انا بخاطري الطلاق
بس قبل ساعتين اكلم امي وقالت لو تطلقتي لانتي بنتي ولاانا امك تحملي
الله بس يفرجها
door
كلامك صحيح كلمته اكثر من مرره بهدوء يقتنع ومن بكرا يرجع على حاله
انا عمري مابعدته عن اهله بالعكس انصحه او اشوفه مقصر معهم مالهم الا هو بعد الله سبحانه
بس انا وش ذنبي وين حقي..فهمته ان الله بيساله لانه ضيع حقي وماراح يشفع له بره بأهله لان حقي غير عن حقهم..ولازم يعطي كلا حقه
تقربت من اهله ومازلت اتقرب هدايا على طول كل ماشتري شيء لبيتي اشتريلهم ي شيء يعجبني اجيب لهم معي..اغراض البيت نقسمها بالنص بيينا وبينهم اشتريت هدايا بالاالاف لهم مو منه
بس حاولت اكسبهم بكل الطرق لكن هم ناس عاصين مايجون بالساهل
طبعت بعض العبارات الجميله من النت والقصص اللي تتكلم عن حقوق الزوجه واذا جلسنا مع بعض احاول اقص له واقراله لكنه يستهزء ويقول انتي مايعجبك العجب تبين رجل يسجد لك
الله يعين ويفرجها يارب
الصفحة الأخيرة
بس ماحبيت امر من غير ما ارد عليك
بس ياقلبي دامه كذا اتركيه وادعي ربك الحين ويالله رمضان كله خير وصلي القيام وان شاء الله ربي بيساعدك
وهذا اختبار ياقلبي من ربي واصبري وبتنالين والله في الاخير الكل بيرجع لك
زوجك واهله
طيب سؤال ليه ماتصارحينه او تكلمينه وتقولين له بس بهدوء واذا حسيتي الموضوع بيقلب هواش وقفي ولاتكملين واهلك بعد الله يصلحهم وراهم مايكلمونه
بس يمكن مايبون يخربون بيتك يمكن والله
لكن ان شاء الله الله معك واحنا بندعي لك والله يفرج همك اهم شيء ياورده تدعين ربي
لان الحين في العشر الاواخر من رمضان والدعوات بأذن الله مجابه
ونصيحه لك امه لاتكلمينها وتشكينها من ولدها لانها بتطلعك ماعندك سالفه يعني
سلمي عليها وخليك معاها تمام بس حتى لو زوجك مقصر معك لاتشكين لها
والله يوفقك ويسعدك يارب ويسخر لك زوجك ويسخرك له يااااااااااااااااارب