مرحباااا اخواتي
ابي افضفض عن الي احس فيه وابي نصايحكم ودعواتكم....
انا تزوجت من ثالث ثانوي كان عمري 18 سنه وزوجي شب ملتزم وعمره 28 بيننا عشر سنوات لك ماحسيت بشي بالعكس كنا مبسوطين ومدلعني مع ان ظروفنا الماديه على الحفه زوجي موظف بس مضغوط اقساط الزواج وقبل كان يساعد اخوانه.. المهم وقف معي بدراستي بالكليه ومساعدني خلصت السنه الاولى زواجنا ومافي حمل بدت الاسئله من اهلي واهله وكان يقول لي يمكن منه لانه فيه بالعايله من اخوانه واعمامه ماجاهم اطفال ,وانا بحكم عمري ماكنت مهتمه كثير ,بعد سنه ونص تقريبا سوى زوجي تحليل وطلع عنده الحيوانات المنويه صفر:44: لما جاء من المستشفى متضايق انا ماهمني وعادي لاني مؤمنه ان الله راح يجيب لنا وطمنته وهو قالي سوي الي يريحك هذه نتايج تحاليلي طبعا انا قلت انا معك بكل الاحوال وربي يرزقنا ..انشغلت بالدراسه وشغل البيت وهو كريم عزايم وطلعات بر,, وبعدين اهلي مرو بظروف ماديه وكان نعم المساعد رغم انه ماكان معه زياده لكن بالي يقدر عليه..وصار ياخذ علاجات شعبيه يستمر عليها كم شهر لين تنتهي ويحلل وبرضه مافي شي , انا تخرجت وجلست بالبيت وصرت اشتغل بدور تحفيظ القران وهو خلص اقساط الزواج وبدا يحاول بالتجاره وخسر وبعدين اشتغل بالعقار والحمدلله تحسن وضعنا بكثير وصرنا نروح مستشفيات بالسعوديه والاردن نحاول اطفال انابيب وبرضه مايحصلون عنده مع اننا نخسر من 8000 الى 15000 الف بالمحاوله ومافي جربنا اربع مرات وماكتب الله شي ,, كنا مبسوطين بس موضوع الانجاب منغص علينا ,, هو ساكت وملتهي بدوام واصدقاء واستراحه ومو مقصر معي ولا مع اهلي كانه ولد لهم ,, لكن لابد من الضغط علي من اهلي انه عالجو وماتجلسون وتلميح بالطلاق وانا مطنشه ,, بعد ماتخرجت بخمس سنوات جاني تعين والحمدلله تعينت وفرحت لكن زاد الضغط علي من اهلي وصار ابوي يلمح لزوجي وهو يقول لي اذا تبين اتركك ماعندي مانع ومسامحك وانا ارفض وهو يقول ماابي اتركك وتتضايقين بعدي لانه من جد طيب وكريم وخلوق ويقول اذا قلتي انتي اتركني اتركك بس الي غيرك من اهلك ماراح اسمع منهم لانه انتي صاحبه الشان .. صرت انا بدوامه وتفكير كلن يقول لو منك العقم كان من زمان متزوج والرجال مالهم امان..وتعرفون كلام الاهل والحريم وانا اعرف انهم يبون مصلحتي بس انا مو قادره اجزم لاني احبه وخايفه اتبهذل بعده مع الرجال ومو قادره اتخيل نفسي ابد,, ومره زعلت عليه,, وجزمت اروح عنه لاني قلت خليني انسحب والحق عمري رحت لاهلي زياره عادي يوم جاء يتصل باليل ياخذني قلت له خلاص انتهينا قال ليش ؟قلت علشان موضوع الضنا قال خير بس ابي اسالك انتي قررتي قلت ايه قال خلاص... سكر وراح وانا ماخبرت اهلي وكانو اخواتي مجتمعين بعطله الربيع ويضحكون ومبسوطين ولاحظوا علي سالوني انا انفجرت بالبكاء وقلت لهم جلسوا يبكون وفرحوا شوي علشان الضنا وطول اليل شوي ابكي وشوي اسكت طبعا كنا سهرانين ,, صليت الفجر واحاول انام,, جاء اخوي الفجر وكان اصغر مني بخمس سنوات ..كان عمري وقته 30سنه ..خبرته امي وهو مو متزوج وقته يوم قمت الضحى الا هو عند راسي وقال وش فيه بينكم قلت مافي شي بس موضوع الضنا ,,طبعا قال انا قايل لك قبل فتره وهو مكلمني انه لازم انتبه للعلاج وتلميح للطلاق وقال كنتي رافضه والحين ليش قررتي قلت مدري قال شوفي اذا تركتيه علشان الضنا فهذا شي يرجع لك لكن اذا انتي زعلانه عليه ابيك ترجعين لانه راح تندمين .. قال الكلمتين وراح وقال لاتخافين اذا تطلقتي حنا كلنا معك ..انا لحظتها كني صحيت من نوم وبعدين انتفض ومرضت ونحفت بنفس اليوم ووالله يااخواتي كنت اسوي رجيم ورياضه ويادوب انزل بالاسبوع كيلوين وهذا بيوم ذبلت ..بديت افكر واستخير الظهر لين العصر .. وهو مادق ولا اتصل ..يوم صليت العصر واروح مع السواق للبيت واجي الا باين تووه طالع من البيت واجلس ابكي واحب غرفتي واقول الحمدلله اني رجعت.. والقى مجلس العايله فيه بطانيه ونايم فيها يعني ماجاء الغرفه ومليانه قشور حب وانا اعرفه مايحب ياكل حب كثير ... جلست شوي ودقيت عليه قلت انا بالبيت قال انا بالبر اصلي المغرب واجي.. جلست ساعه وجاء ومشهد محزن ضمني وجلسنا نبكي بكا وبعدين يسجد شكر لله ويبوس راسي وايدي ورجولي,, ويقول والله من البارح بنفس المكان ومدري شسوي وكنت شوي انجن ويقول اتصلت على صديقي قلت ابيك تتمشى فيني لاني تعبان مقدر اسوق ويقول لحظه اتصلتي علي رجع جسمي طبيعي بعد ماكنت ارتجف .. جلسنا طول اليل نطالع ببعض وقال الي تبين اسويه قلت نبي نروح الحرم ومن بكرا مشينا جلسنا اسبوع ورجعنا واهلي مو مصدقين للحين لنا تقريبا سنتين ونصف والسنه الي فاتت قلت نبي نتبنى يتيم ووافق وقلت لاهلي الفكره ابوي رفض وامي تقول الي يريحك مع انها دايم تلمح بالطلاق وخالاتي مثله..يعني ضغط نفسي ووالله مو متهنيه بشي لا بفلوس ولا سفر لانه دايم احس اني ناقصه ,,حتى اذا جيت امدح زوجي يقولون انتي طبيعي يسوي كذا.. احس مالي مكانه..واهل زوجي مبسوطين وطيبين بس وحده من خواته تقول لازم تضغطين عليه يعالج انتي تاركته,, وانا والله احاول فيه وهو مو مقصر بس تعرفون الرجال مو مثلنا فيهم برود... واليتيم قدمت عليه وجلسنا تقريبا نص سنه وجاء طفل واتصلوا علي ورحت اشوفه وقلبي يخفق عليه بس كان فيه مشكله انه زوجي عنده دوره بمدينه ثانيه مدتها سنه وانا عند اهلي علشان وظيفتي .. قال خليه وربي يعوضنا خير.. وتركته مع اني كل يوم احلم فيه.. وقبل كم يوم اتصلت علي موظفه من المتابعه وتقول الحين الدور عليك لو جاء طفل راح نتصل عليك قلت طيب ... وحنا حاجزين عند مستشفى للعقم نبي نعيد المحاوله بالعطله الصيفيه ***** الله ..وان مؤمنه ومتفائله انه راح يجينا باذن الله وانتظر كل لحظه الحمل .. وعارفه انها خيره من ربنا .. بس الوحده ذبحتني وصرت اشتاق لطفل اضمه والعب معه واشتري له ملابس والله اموت اذا شفت ملابس والعاب الاطفال .. ياربي تعوضني ..والحين انا جالسه لوحدي وهو مع اصدقاه بمجلس الرجال.
...ابي تنصوحني اخواتي...
اسفه على الاطاله...........
الماشيه @almashyh
عضوة جديدة
يلزم عليك تسجيل الدخول أولًا لكتابة تعليق.
الله يرزقك يارب نصيحتي لك دام انه طيب معاك ويحرك خليك معاه وربك كريم يرزق من يشاء استخيري ولا تياسو من رحمة الله
يااختي عليه بالعسل وحبوب القاح وجنين القمح والحبه السوداء بكمات متسويه ماعدا العسل وخليه يراجع عند سليمان الحبيب فيه كورسات كثير عندهم في هذا الشيء
ح ـنين
•
خلي كل شي تسمعينه ورى ظهرك
وربي يرزقك ان شاااااااااااااااااء الله يااااااااااااااااااارب أجمل طفل (:
وربي يرزقك ان شاااااااااااااااااء الله يااااااااااااااااااارب أجمل طفل (:
الصفحة الأخيرة
طيب شوفي زمان سمعت فيه داعية اسمها عزيزة القرعاوي في الرياض
عندهم مزرعة عسل روحيلها أو كلميها بتلفونها واطلبي عسل الحبة السوداء
تقول ينفع للعقم قالت هالكلام في محاضرة
فانتم جربوه ولاتنسوني من الدعاء