لو زوجك زوجي وطيب وكريم وحنون معي وربي ماأـتركه عشان أولاد ليه أحمله بشي ماله ذنب فيه يعني هو مايتمنى اولاد اكيد يتمنى بس شي مو بيده وربك الرازق لاتفقدين الأمل ادعي وتصدقي واستغفري وربي ان شاءالله يرزقكم

إرضي باللي ربي كاتبه لك
القناعه هي السعادة
يجوز ربي حرمك من شي لكن مقابلها اعطاك اشياء واشياء
لاتخلين هالموضوع يأثر على حياتكم
واكفلي يتيم وبتشوفين الخير دنيا وآخره
ونصيحة مني زوجك لاتتركينه
لان اللي مثله ماينترك وربي
كلام اهلك ارميه ورى ظهرك , وقولي لهم احبه وماراح اتخلى عنه
وخليك حازمة بكلامك ,, عشان مايعيدون سالفة الطلاق كل شوي
الله يرزقك ماتتمنين ويريح بالكم

الله يجزاكم خير بجد ارتحت من كلامكم وتعلقت بربي اكثر
والاخت جروح الصمت الله يعينك على مصيبتك ولك اجر عظيم على الابتلاء وهذا كله من الله وكثير تزوجوا والبيت مليان اطفال انتي اقل شي مافيه عندك احد يربطك فيه ويمكن خيره ربي يرزقك بعد هالزواج
اعرف وحده من اقاربي زوجها عقيم ورفضت تبعد عنه وبعد ماكبروا قرر يتزوج علشان اطفال الانابيب وصبرت وهوتزوج وحده صغيره وحملت انابيب وجابت اثنين عيال توام وصارت تتحكم بالرجال والمراه الاولى ماقدرت تحمل وبعدين قالت ابي البيت الكبير الي هو بيت الاولى وفعلا طلعها بشقه وزعلت وانقهرت انه بعد العشره والصبر والحرمان يسوي فيها الذل وطلبت الطلاق ورجعت لاهلها وهي عمرها 47 وانقهرت وجاء رجال خطبها زوجته متوفيه وعمره فوق الخمسين وتاجر ووافقت عليه ولقت البيت فيه 7 عيال وبنات ,,وبعض البنات متزوجات وصارت تحن عليهم وترعاهم وبعد كم شهر حملت ببنت زي القمر ماشاء الله ... والحين هي اميره في بيتها وام لعائله كامله وربي عوضها بصبرها ... الدنيا صغيره وانا اختك ... وزوجها الاول الحين تعب وزوجته بس تتدلع عليه ومستغله مرضه ....
..................... الله يعوض على الجميع........................

يالغاليه خوديها مني نصيحه لاتسيين زوجك عشان الخلفه الرجال الطيب مايتعوض
يمكن بصبرك على زوجك ربي يعوضك بالجنه
صدقيني في ناس عندهم بزوره وماعندهم رجال طيب وينشد فيه الظهر
وربي الرجال الطيب الحنون مايتعوض بكنوز الدنيا
صبرك على زوجك ربي بيعوضك بالصحه والعافيه لاتسمعين كلام احد
خليك مع زوجك والله يسعدكم ويرزقكم بالاطفال والسعاده
اسفه طولت عليك ؟

يارب ياكريم ارزقها الذرية الصالحه المعافاة انك على كل شيء قدير
حبيبتي انا صديق اخوي نفس الشي ماجاه عيال عشر سنين والمشكله منه وهو ماشاء الله مقتدر لف الدنيا يدور العلاج في دول عربيه واجنبيه واراح امريكا بس مالله كتب له
بعدها ترك العلاج ولزم الاستغفار والله مادارت السنه الا بنته بحضنه
سبحانك ربي مااعظمك
ومو شرط اذا الرجل منه المشكله بيكون طيي والله وحده من زميلاتي نفس الشي بس زوجها مبهذل فيها حتى الضرب يضربها والسبب احساسه بالنقص وهي ماتقدر تتركه لان ظروفها وظروف اهلها جداً صعبه ولا عندها الا ام واخت مطلقه وهو اللي متكفل فيهم