َمتفائلهََ
َمتفائلهََ
حبيتي بسالك هل انتي عارفه ظروفه قبل الزواج ؟ هل تفاهمتو على هالشئ قبل ؟ هل شرطتي بيت مستقل ؟

اذا انتي عارفه ظروفه قبل الزواج ووافقتي فأنتي تتحملين والخيار لك اما يحط لك بيت او تنفصلين لان هذي مو عيشه اجلس اخدم اهله واتحمل غلاظتهم لو هو يعوضك بالمعامله الراقيه وهذا اضعف الايمان ماقلت هالكلام ولا شجعتك على الانفصال

وبقولك حاجه بعض البنات الله يهديهم يتحمسون للزواج ويوافقون مع انهم عارفين ظروف ازواجهم وبعد الزواج اذا وقع الفاس بالراس ندمو وشرطو بيت

وعلى فكره شرعا البيت يحق لك انتي صارحيه بكل الي بخاطرك بس حذاري تسيئين لاهله وخواته لان راح يشيل بقلبه عليك لو رضخ لشرطك اشرطي عليه انك تروحين معه او انه يستأجر بيت لك قريب من اهله او اهلك او انه ينزلك عند اهلك وتستاجرون شقه مفروشه بالايام الي يجي فيها اذا نفذ واحد من هالشروط بتفتكين من اهله
مداد الطيف
مداد الطيف
لاادري ماذا اقول مشكلتك حليها معه فقط لاتدخلين احد بينكم
حــلم حياتي
حــلم حياتي
حبيبتي هدي نفسك
انتي تكلمتي عن تصرفاته معك لكن انتي كيف معه ؟؟

فكري تذكري كيف تستقبلينه اذا جا من دوامه ؟ اتوقع مالقى عندك شي يغنيه عن اهله وسامحيني حبيبتي بهالكلمه لاتزعلين لكن انتي تبين حل صحيح الواحد منا يحاسب نفسه قبل يحاسب غيره صح ؟

والله اتوقع لو انك تدلعينه ورومانسيه معك مايسوي كذا .... وبعدين والله طبيعي انه يقعد مع اهله تبينه يتركهم؟ صعب

انتي دلعيه ونسيه اهله اذا تقدرين .. خليك رومانسيه جهزي له جلسه يشتاق لها وماينساها كل ماطلع منك يتولع يرجع لك

وبعدين مثل ماتقولين انتي مع اهله لك ماسكه يوم يعني من كل الوقت عليك البيت !!
يعني عندك وقت تسوي له العجب وتبهريه فيك ..
لو جلس مع اخواته مهما كان وناسته محد يعوضه ويعطيه مثل ماانتي تعطيه مافيه غيرك لهالاشياء واعتقد فاهمه قصدي

يمكهن اهماله وعدم اهتمامك فيك من اهمالك انتي له ولنفسك

سامحيني حبيبتي على كلامي لو قاسي لكن ابي مصلحتك وربي يشهد .. ولاتسمعين لاي كلمة طلاق ولاتطرينها على بالك حتى مو بس لسانك

اما كونه ماحترم اخوك ومادخله المجلس وهالكلام والله يختي مو مهم تلقين اخوك نفسه مادرى اصلا وبينسى السالفه

اهم شي انتي حياتك ومستقبلك لاتضيعيه عشان كلام فاضي


وبعدين بالكلمه اللينه والطيب الرجل يكون بيدك طفل تحكمينه زي ماتبين صدقيني

اتمنة لك التوفيق بحياتك والله يسهل امرك يااااارب
تقبلي تحيتي
حديقة غناء
حديقة غناء
شو في يالغاليه
اللي يزعل في موضوعك حاجتين
الاولى ان حماتك تزعل وتتغير عليك اذا رحتي لأهلك
والشي الثاني مدة ايده
بالنسبه للمشكله الاولى اقعدي مع زوجك وفهميه ان قعدتك عند اهله صعبه وماتقدرين تاخذين راحتك في الأكل ولا في النوم ولاغيره والبيت فيه رجال مو محارم وقوليله انا اصلا ارتاح لأمك واحبها بس والله احس باحراج يعني حاولي تلحسين مخه صدقيني بيتجاوب معك ترى الرجال لو كان قاسي بتصرفاته الحرمه تقدر تجيبه بالاسلوب الحلو
اما من ناحية الضرب لو أنا منك ما أزعل عليه عشان ماسلم على اخوي هذا شي راجع له ولاخلاقياته ولاتحاولين تزرعين المشاكل بهالطريقه وتكونين حساسه من ناحية اهلك
مو معناته تسكتين عليه يوم مد يده لا بالعكس خلي ابوك يتخذ موقف صارم معه ويقوله ياتعيش بنتي بعز والا تخليها عندي معززه مكرمه
اما الطلاق لاتفكرين فيه صدقيني بتندمين وفالاول والاخير صلي استخاره والخيره فيما اختاره الله
احبه حب هالكني
اهلين اختي
انا زيك لي سنه ونص متزوجه وزوجك زي زوجي من ناحيه الشغل تخيلي اول ماتزوجت وهو يشتغل بالرياض وانا عند اهلي ببريده ويقول ماراح اخذك معي لان امي تقول استغفرالله شلون تاخذها معك انت تطلع للدوام وهي لحالها الدنيا مو امان زي اول والى ساعتك مارحت معه مره ايام عطله رحت معه اسبوع ورجعني ولوتشوفين امه يوم رجعنا نفس شينه عشان رحت معه بس هي تأثر بالكلام ماتجي كذا ع طول لا واهم شي اختي انك ماتعوديه ع مدت اليد اول زوجي بين الكلمه والثانيه راح اطلق اول كنت اخاف واسكت وبعدها قلت والله لو تقولها ماراح اجلس بالبيت والحين ماعمره قالها الرجل اذا شاف الزوجه ضعيفه مايهتم ولاتهمه بالعكس يحب اللي تدافع عن حقوقها بس زوجي دافعي عن كل شي الا اهلي لو يسوون وش يسوون الله يهديه والله لوتشوفين صديقتي الله يرحم حالها خوات زوجها متسلطات حيل وزوجها ساكت وكل وم تتصل فيني تبكي وددايم اقول والله لوتوقفين مره بوجههم خلاص واختي انت اهتمي فيه دلعيه وتحببي له والله صرت الحين اسويها له والحمدلله بدا يتعدل ماشاءالله وصديقتي هذي ماتهتم فيه بس تطبخ وتهتم بأهله وهو مسفوط ع جنب وصار بس عند اهله عشان كذا مايهتم فيها وسامح لخواته
الله يهدي زوجك ويسخره لك ويسخرك له ويحبب قلبه فيك ومايشوف غيرك يارب